50 بحالهم

**محمد عز** · 03-07-2008 10:28 AM

نقلا عن موقع محيط

مفاجأة سارة قدمها المهندس سامح فهمي ـ وزير البترول المصري ـ حين أعلن توفير 50 فرصة عمل للشباب من مختلف التخصصات والدفعات وأن الاختيار سيكون وفق معايير موضوعية تتسم بالنزاهة والحياد

خمسين فرصة عمل بحالهم خالصه من الواسطة او اى كوسه

ده انا لو فتحت مطعم محترم هوفر خمسين فرصة عمل
طب كان خالهم 500 او 5000
كل شركات البترول ده والاكتشافات اللى بنسمع عنها كل يوم
فى الجرايد الحكومية واشي دهب واشي غاز واشي بترول
50 بس

**osama** · 03-07-2008 10:47 AM

ياة 50 موظف مرة واحد ياعم دية ناس بستهبل

**Mido80** · 03-07-2008 12:24 PM

احسن من مفيش خالص يا جماعة. الراجل بردو تعب وعمل الواجب

**mmolazem** · 03-07-2008 12:40 PM

طب كان يخليهم ( اه )

عشان اللى ما يخدش باله يفتكرها ( آ هه ) من آهات الاغانى اللى بيغنوها علينا.

**mohamed ibiza** · 03-07-2008 12:42 PM

مش كتير 50 دول ده كتير اوي ليه يعني هيشغل ناس من برا كمان غير ولاد البلد!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!

**mahamedaraby** · 03-07-2008 01:53 PM

انا اعتقد ان فى حاله التوظيف الكامل اللى بتعيشها البلد

شايف ان 50 ده رقم كبير جدا ان بقول لازم يفتحوا باب العماله شويه بجد الوظايف زى الرز

**mohamed_88sk** · 03-07-2008 10:27 PM

ياه جاي على نفسه قوي ودول حيدر يدفعلهم رواتبهم ازاي؟؟
كده هو زنق نفسه مش حيقدر يكفيهم .. ربنا يعينه
أأأأأأأأأأأأأأأأأأوف أستعباط بجد 50 ؟؟؟؟ 50 ؟؟؟؟ أستغفر الله ..فوضت أمري لله.

**tutankhamoun** · 04-07-2008 09:06 AM

السلام عليكم و رحمة الله و بركاته

أنا هاختلف معاكوا شوية يا أخواني الكرام

أولا موضوع التوظيف و كأنه مسئولية الحكومة ده من رواسب الإشتراكية اللي هي أصلا خربت مصر

وظيفة لكل مواطن
حتى لو المكان مش محتاج
في الدول المتقدمة جمعاء
الوظائف لمن يستحق فقط ............ و لا يوجد توظيف عشوائي أو وظيفة لكل خريج و مواطن و الكلام ده

و الأمثلة في مصر واضحة و صريحة و جلية لمن يريد أن يرى
تدخل مكتب حكومة ............ نُص الموظفين يا إما نايمين يا إما بيقروأ الجرنان ........ يا إما فوت علينا بكرة يا سيد
و تلاقي الوظيفة اللي ممكن يعملها واحد .......... بيعملها أربعة أو خمسة
و كمان في بطء في الشغل و قلة ضمير ناتجة عن المرتب الصغير و عن قلة الضمير و الأخلاق برضه

بالعكس في الدول المتقدمة
عدد قليل من الموظفين يؤدون وظيفتهم على أكمل وجه
و مقابل ذلك مرتب كبير
يعني المكتب المصري اللي فيه 10 موظفين و بيأخدو مثلا إجمالي مرتب 5 ألاف جنيه مصري

نفس المكب في أمريكا مثلا .......... فيه 2 موظفين و بيأخدوا نفس ال 5 ألاف جنيه مصري
يبقى المصري أخد 500 جنيه .......... و الأمريكي أخد 2500 جنيه

يبقى أي نظام أحسن

و كمان بالإضافة لكل ده
الأمريكي بيؤدي وظيفته أفضل من المصري علشان ظروف العمل أفضل و العدد في المكتب أقل ........ و جالس في مكتب نظيف مرتب و به الورود ......... و بياكل في أوقات الراحة
أما المصري
قاعد يشرب سجاير و حاطط قدامه سندويتش طعمية مغرقة المكتب زيت و شوية جرجير و طبق فول محترم
و كأنة قاعد في الغيط ...................

يبقى الطريقة الصحيحة للتوظيف هي
أختيار العدد المناسب للوظائف و إعطائهم مرتب مجزي
بدل ما نشغل كل الناس و نديهم ملاليم

و شكرا

**mohamed_88sk** · 04-07-2008 02:15 PM

طبعا معاك حق يا أستاذ توت
بس أحنا بنتكلم عن قطاع مهم في الدولة زي البترول
وكل اللي قدروا يعملوه يوفروا بس العدد ده وفي نفس الوقت بيقولوا عملين أستكشافات جديد !!!!!
أنا متفق مع حضرتك قلبا وقالبا في كل اللي حضرتك قلته بس هي المشكله في كلامهم وأفعالهم المتناقضه ..
بس حرام نظلم الراجل اللي في الصورة هو مش قصده تربح خااااااااااااااااالص ده بس بيراجع ميزانية اليوم بتاعة الدولة مش أكتر بلد .......... حالها شقلابازات .

الموضوع: 50 بحالهم

LinkBack

أدوات الموضوع

عرض

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة