اعادة الانضباط المرور لشوارع الكورنيش والعاصمة الثانية

**Karim_Monir** · 22-09-2012 06:36 PM

الاسكندرية
كتب كريم منير لنايل موتورز

شنت الادارة العامة لمرور الاسكندرية صباح اليوم عدة حملات لاعادة الانضباط المروري للعاصمة الثانية
يذكر ان شوار الاسكنرية اصبحت مؤخرا غاية في السوء بعد ان احتلها الباعة الجائلين

بعض الصور من مباشر اسكندرية

**Mostafa.Ismail** · 22-09-2012 07:20 PM

المشكلة ان الحملات دة مش دائمة فبالتالى ملهاش لازمة ومش هتاثر وهتخلى المواطن الصالح ينقم على الشرطة اكتر.

**SYD** · 22-09-2012 07:43 PM

الله اكبر علي الشغل
بصراحة الشرطة شادة حيلها اوي - ربنا يقويهم ويارب يستمروا علي هذا الأداء الرائع المشرف للشرطة المصرية

انا متوقع شكل كورنيش اسكندرية النهاردة - رغم ان اخر مرة شوفته فيها كان من حوالي 4 سنين (يعني لما كان محتل من بتوع الفيشار وغزل البنات وووو)

لأن اللي شاف ميدان التحرير امبارح هيعرف انا أقصد ايه

انت لما تمشي في ميدان التحرير النهاردة هتحس انك ماشي في بلد تانية
نظافة ايه ونظام ايه وروقان ايه وشرطة في كل حتة وعلي كل ناصية والأشارات بتفتح وتقفل يمكن احسن واظبط من حركة الصبابات في المحرك

تحياتي للشرطة وننتظر المزيد في باقي محافظات المحروسة

**ahmedwagdy03** · 23-09-2012 10:17 AM

كلام فارغ و منظر على الفاضى و فلوس من جيب الشعب بتترمى على الأرض.

عندنا فى المنتزة عند الكوبرى الحملة تنفض من هنا و السوق يرجع يتنصب من جديد بعدها بساعتين و البلطجية البياعيين يرفعوا الأسعار بينهم علشان يعوضوا اللى الإزالة أخدته .وهكذا