الحمد لله على السلامه
اما المقايسه
حسبى الله ونعم الوكيل
عرض للطباعة
الحمد لله على السلامه
اما المقايسه
حسبى الله ونعم الوكيل
التوكيل بيبقى قاصد يعمل الحركه دي عشان مندوب التامين بيفاصل و كمان سعر قطع الغيار اغلى من العربيه فعلا متضاف عليها المكسب و عادة بيبقى 50% من تمن القطعه الاصليه
اعتقد ان التوكيل كان عايز يعمل نفسه لئيم و بيعلى الاسعار استعدادا للفصال مع شركه التأمين اللى اكيد هتفاصل معاه جامد بس واضح ان المغالاة فى السعر كانت over. قوى لدرجه ان فى الاخر طلع تمن التصليح اكبر بكتير من تمن العربيه او احتمال تانى انه ممكن لما يركبلك قطع الغيار اللى هو عايزها دى تحولك العربيه بقدره قادر لقشقاى مثلا و لا اكس تريل :eee:
هو بالرغم من ان الرقم بتاع التصليح مستفز بشكل كبير الا ان المحصله النهائيه فى مصلحه حضرتك يا فندم لان ده بيؤكد فكره ال total loss و عدم جدوى التصليح و يقفل سكتها امام شركه التأمين
الف سلامه عليك م الاتنين
187 ألف
http://klma.org/wp-content/uploads/2...5.15.12-PM.png
أنا نفسى اقول شويه حاجات تخالف قواعد المنتدى بس مليش نفس أتوقف
المهم حمد الله على السلامة
يا عم اهم حاجه انك بخير, لان ان انا جالى حالة زهول مع تخلف عقلى بالاضافه للشلل الرباعى بعد ما شفت الفاتوره الاخيره, بس عموما مصلحه ادينا عرفنا تمن قطع الغيار فى التوكيل, نرجوا تثبيت الفواتير ,ههههههه
ايه السعر الغريب ده ....................
سرقه عينى عينك وبشكل مبالغ فيه .. ده فيه بعض الاسعار ومضروبه * 2 بخط القلم بعد ماكانت بــ 1000 بقت بــ 2000
يا دين النبي .. إيه داااااااااااااااااااااااا ااااااااااااااااااه ..
هما ألفوا منهج على عربيتك ولا اييييييييييه !!!! كل ده ورق ...........
و ياتري كل ده و مش total loss ..
احمس !!!!!!!!!!!!!!!!!!!!
الحقيقة انا مش مستغرب خالص زى اغلب الاعضاء ..
لأن اى حادثة مدمرة زى كده العربية لو بتتكلم فى تصليح برة التوكيل هاتجيب انصاص قدام وورا وتقطع وتلحم ويفضل النص الامامى ييجى كامل بكل اللى فيه .. وده طبعا عمره ما هايحصل فى اى توكيل لا فى مصر ولا فى اليابان حتى !!!
انما لو هاتصلح وتفك وتركب قطع جديدة .. طبيعى جدااااااااا ان ثمن كل قطعة غيار بتركب فى العربية بيكون ثمنها اغلى طبعاااااااا بغض النظر على نسبة الزيادة
ولو حسبتوا البودى الخارجى بس لأى عربية من ابواب ورفارف وكبوت واكصدامات وشنطة وشوية فوانيس وعفشة كاملة وجنوط بكاوتشات هتلاقوا نفسكم دخلتم فى نص ثمن العربية .. فطبيعى لما تكون الخبطة طايلة الموتور تسمعوا الارقام دى عادى جداااااااا
وشد انتباهى اسعار القطع الاتية:
2000ج ضفيرة
3000ج ضفيرة محرك
6000ج كنترول موتور
2000ج جنط (*2)
2410ج كوبلن
45000ج محرك كامل
3500ج كومبريسور تكييف
2000ج مواسير تكييف
3900ج دنجل خلفى
5500ج شكمان كامل
3500+4500+3000+6000= 17000ج نظام ايرباج كامل (حزام+كنترول ايرباج+يمين+شمال)
بالمناسبة الحاجات دى لوحدها ب95 الف ج !!! .. ده غير طبعا اجزاء البودى والعفشة والميكانيكا والكهرباء والمصنعيات
برضه شد انتباهى حاجات مكتوب امامها غير متوفر N/A !!! .. وده معناه العربية لو اتصلحت هاتاخد وقت طويل جداااااا لحد اما تكمل
فى الاول والاخر لازم تحمد ربنا مرتين ..
الاولى عشان سلامتكم
والثانية عشان تأمينكم ع العربية والا كانت الخسارة هاتكون فااااااااااااااادحة وهاتضطر تبيعها حوادث وما تجيبش اكتر من 25-30 الف ج
وبينى وبينك كله ورق فى ورق ولازم يتعمل بالطريقة دى عشان العربية تدخل هلاك كلى total loss فى التأمين ..
انما لا التأمين هايوافق على اصلاح :afterboom:
ولا التوكيل هايصلح عربية محتاجة الشغل ده كله ويتحمل مسؤوليتها بعد كده قدام اى عميل وكل شوية يظهر فيها مشكلة !!! :whtauwant:
وقدر الله وماشاء فعل وربنا يعوض عليكم ..
وماحدش عارف لو كانت عربية تانية كان جرى ايه ؟