ابيزا 99 ارجو الافادة من الخبراء فى تسقيط المواتير ضرورى

**elharr** · 03-07-2008 12:25 PM

السلام عليكم بصراحة الناس هنا خبرتهم كبيرة ماشاء الله انا ليا سؤال ضرورى
انا عندى سيات ابيزا 99 وعايز اسقط فيها موتور حالتة تكون كالزيرو ويكون 1600 سى سى
والتكلفة هتكون كام ومنين اجيب الموتور دة و هل ممكن اجيبة موتور جديد لسة مش مستعمل واية الى محتاج اغيرة مع الموتور ارجو الافادة ضرورى وجزاكة الله كل خير

**mohamed ibiza** · 03-07-2008 12:35 PM

لو عايز تسقط مكنه حلوة علي الابيزا 99 ممكن تسقطلها مكنة ابيزا 2006 1400 سي سي هتبقي طلقة علي العربية دي و التكلفة مش عارف اوي بصراحة بس طالما هتسقط يبقي اعرف انك داخل في تغيير عفشة كمان الحوار ده مش هيقل عن 4 5 الاف جنيه و انت كمان عايز موتور بحالة الزيرو اولا مفيش موتور جديد دي حاجة نادرة جدااااااا انما موتور بحالة الزيرو كل ما الحالة كانت احسن اكيد السعر هيعلي

**mohamed ibiza** · 03-07-2008 12:38 PM

غير انك هتغير حساس السرعة عشان تجيب سرعة صح و طقم امبيرات بالمرة

**elharr** · 03-07-2008 12:49 PM

شكرا يا باشا جدا وجزاك الله كل خير بس عايز اعرف لو انا مسافر المانيا قريب ممكن اجيب موتور من هناك يكون جديد ولو مفيش وحعمل دة فى مصر منين اجيب الموتور ال 1400 سى سى دة ومين الى ممكن يسقط الموتور انا اسمع عن سيد جولف بس بخاف من السرقة جدااا

**mohamed ibiza** · 03-07-2008 01:05 PM

رديت عليك في الخاص:)

**mogi** · 25-09-2008 04:57 AM

عندى ابيزا 98 ومسقطلها موتور بولو 1600 موديل 99 وبصراحة شديدة الاداء هايل هايل هايل وانصحك بالذهاب الى رشاد فى الحرفيين

**dr_3eshoo** · 27-09-2008 03:00 AM

بص عندك مواتير الاتيه
الجولف 4 1400 سي سي
البورا 1600 سي سي
طبعا لازم تغير العفشه و قواعد المتور
مين يسقط محمد سمير في جسر السويس ورا حديقه بدر بس هو غالي شويه بس هايعملها صح الصح