الموضوع: تحزير من الحرامية

ربنا يستر وحال البلد يتعدل كفاية كده قوي

هايتعدل ازاي و الحراميه من الناس ؟؟ وييجي البوليس يمسكهم يضرب البوليس ؟ يقوم البوليس يجيب الجيش و يمسكم الحرامي يقوم اهله متظاهري عاوزين يكسرم القسم ؟ يقوم البوليس مقرره علشان يقفل المحضر و يحوله للنيابه يقوم البوليس هو الجاني و هو اللي بيعذب

البلد حالها مش هاينصلح الا غير اما احنا نتحسن ....

يا فندم دة فيه حرامية بيسرقوا فى المساجد ... ومن كام يوم حصل معايا موقف فى صلاة الفجر غريب جدا
كان بيصلى جانبى واحد غريب مافيش اى نوع من انواع الخشوع وهرش وتلفيت كان حيجبلى اتوو فى دماغى
حاجة يعنى فظيعة .. وانا كنت حاطط المحفظة فى جيبى اليمين علشان لابس بنطلون رياضى
واحنا بنرفع من الركوع انا برجع تانى للوضع الاصلى وايدى الاتنين على صدرى ودة ايده مدلدلة عادى يعنى كل واحد حر ..
بس انا حسيت بالمحفظة وفى حركة فى جيبى روحت بحركة لا ارادية نزلت ايدى وزقيت ايده ..
انا ساعتها جالى خلل فى وظائف المخ دة حرامى وكان عايز يسرقنى بس فى نفس الوقت دة بيصلى جنبى
فانا مش عارف امسك فيه والا حظلمه ولا يمكن ايده جات عندى من غير ما يقصد
المهم الصلاة خلصت من هنا ولاقيت دة هووووب اخد بعضه وخلع زى ما يكون بيعمل الهروووب الكبير
ومش ممكن دة واحد صلى صلاة الفجر دة مجرد ما قولت السلام عليكم كان هو عند باب المسجد ...
منه لله شتت تركيزى يومها .. وربنا يلطف بينا وخلى بالكم يا جماعة فى اى مكان لان معدومى الضمير بقوا كتير
وحاجة مهمة كمان الايام دى ايام مدارس فياريت تزودوا الحرص على الاطفال اكتر