حد هنا محاسب معاه cma

**Ahmed_Rahem** · 26-09-2012 10:49 AM

الاهم من الشهادة تسأل نفسك السؤال دة: انت عايز تشتغل فى مجال اية؟ واية أفضل مهاراتك ومناطق قوتك؟

cma متخصصة فى المحاسبة الادارية - وهى تحديداً المساعدة ودعم اتخاذ القرارات الادارية المختلفة للشركات. وبالتالى متشغلكش كمحاسب مالى (ادخال بيانات وقيود يومية وقوائم مالية، لان دول محاسبة مالية)
فية شهادات تانية زى
acca جمعية المحاسبين القانونيون - بانجلترا - ودى اشمل لانها بتغطى المحاسبة المالية والادارية والمراجع الخارجى والمراجع الداخلى. عيبها على الاقل 8 مواد، مميزتها تغطية اكبر واشمل وعملة نادرة فى مصر وبتديك تميز عالى.
Cpa محاسب قانونى معتمد الامريكية، وطبعاً بتغطى فقط المراجع الخارجى - فى امريكا. مميزتها معروفة ومشهورة، عيوبها بتدرس ما لن ينفع فى سوق العمل فى مصر. هى اسم فقط لا غير.
Cia محسب داخلى معتمد، ودى بتغطى المراجعة الداخلية، ومجالها محدود فقط بالمراجعة الداخلية، ويكمن اسهل واحدة فيهم.
Cfa محاسب مالى معتمد، ودى للمحسبة المالية ولكن يعبها صعوبة دراستها ولكنها الاقوى للمحاسب المالى.
دبلومة ifrs ودى تغطى معايير المحاسبة الدولية - المستمدة منها معايير المحاسبة المصرية - ودى اجدد شهادة فى مصر حالياً وليها دعم ومستقبل كويس.

دول اكتر الشهادات المعروفة فى مصر حالياً ولو ليك استفسار انا تحت امرك.

والسلام ختام

**Ahmed_Rahem** · 26-09-2012 08:24 PM

المشاركة الأصلية كتبت بواسطة spidermohmd1

الواحد لسا قدامه المشوار طويل :d دي كلها شهادات محاسبة؟ امال شهادات ادارة الأعمال و الكومبيوتر اد ايه, ده بيقولك ال average time عشان تاخد ال acca بيبقي 4 سنين ( من علي موقعهم)

فية حاجة مهمة دول شهادات مختلفة فى مجال التجارة وكل شهادة لتخصص منفصل عن التانية علشان كدة اجابة اول سؤال انا سألتة مهمة جداً،
بالنسبة لـ acca انا مخلصها فى سنة والحمد الله. والـ cia الاسهل منها خلصتها فى سنة ونص علشان مكنش فية تفرغ كبير ولا رغبة فيها.

**Ahmed_Rahem** · 26-09-2012 08:54 PM

المشاركة الأصلية كتبت بواسطة spidermohmd1

ما شاء الله واضح ان حضرتك خبرة في المحاسبة. طيب معلش لو مفيهاش رخامة اسأل حضرتك عن سنك و لما خدت ال acca كنت بتدرس او بتشتغل؟ يعني انا ممكن مثلا ابدا أشوف موضوع الكورسات ده قبل ما اتخرج ولا لازم اكون معايا شهادة جامعة, انا لسا في سنة اوي business و كنت ناوي اتخصص في management of information systems, و هل الواحد يذاكر افضل الكورسات دي ولا يعمل دراسات عليا في مجاله؟ يعني انهي سوق العمل بيحتاج ليه اكتر ؟

انا سنى 35 سنة، وكل شهاداتى كانت وانا شغال، وانت لسة فى اولى جامعة يبقى الشهادات دى مش هتنفع لانها شهادات مهنية - لازم خبرة عملية علشان تاخدها. فالافضل انك تبتدى تدور عليهم فى سنة رابعة - او اخر سنة - وتذاكرهم مع المذاكرة العادية وبعد متاخد الشهادة الجامعة تخش امتحان الشهادة وتدور على شغل بيها وتيقى شهادتك معتمدة ساعتها.
والسلام ختام

**Ahmed_Rahem** · 26-09-2012 10:30 PM

المشاركة الأصلية كتبت بواسطة michohat

طب حضرتك انا حاليا شغال محاسب مالي فى احد الشركات منذ 7 سنوات و قبلها كنت في احد مكاتب المحاسبة لمده سنه واحده
ومعايا اوريكل ديفوليبر
فرأيك ابدأ بإيه او ازاي اقدر احدد ابدء بإيه

السؤال الاهم انت ناوى تكمل فى نفس المجال؟ شركتك بتقدر الشهادات ولا لأ؟ ولا هدفك علشان تخرج من شركتك؟

لو علشان تخرج برة شركتك يبقى ابتدى بالدبلومة الاول

**Ahmed_Rahem** · 27-09-2012 10:18 AM

المشاركة الأصلية كتبت بواسطة michohat

ناوي ان شاء الله اكمل في نفس المجال
شركتي لا تقدر الشهادات
وهدفي اني اخرج من الشركه
ابدء ازاي ودبلومه ايه اللي قصدك عليها وتفاصيلها ايه

دى دبلومة IFRS ودى متخصصة فى معايير المحاسبة الدولية وبتديها جمعية ACCA وبالتالى ليها اعتراف عالمى. وهى مادة واحدة فقط وبالتالى المذاكرة هتكون اقصر.
اللينك دة فية باقى التفاصيل

DipIFR – Developing Knowledge | Qualifications at a glance | ACCA | ACCA Global

والسلام ختام