تظبيط هوندا سيتى 2009

**abd_el_7amid** · 24-09-2012 12:35 PM

السلام عليكم
كنت عايز اظبط شوية حاجات فى العربية .... بصراحة العربية حلوة لكن فقيرة شوية
وقلت طالما لسه مجدد .. اجيب الحاجات اللى ناقصة
المهم .. انا محتاج لاقتراحتكم .. اجيب من اين؟ و الاسعار ايه؟
1- فوانيس شبورة ... ومين يعرف يركبها؟
2- كنت عند بتاع الكاوتش ... وقلته عايز ارفع العربية شوية .. قالى هات مقاس مش فاكر 70 * 95 و لا العكس... انتوا ايه رايكوا؟؟؟ وخصوصا انى داخل على 40 الف فاهغير الكاوتش قريب
اجيب انه نوع كاوتش؟؟ و اجنط ولا بلاش؟؟ وتنصحوا بانه نوع؟؟
3- محتاج ريموت للعربية.. من كام يوم هوندا بعتتلى رسالة لتركيب الريموت ب 1200 جنيه؟؟
انا محتاج حاجة ترفع الزجاج و تقفل و تفتح العربية و السنطة وشكرا
4- محتاج نور فق الكرسيين الاماميين بس مش عارف يتعمل ازاى
5- عايز اعمل الكبوت فايبر... العربية لونها سمنى .. مش عارف هلاقى حاجة تليق؟؟
مش عارف ايه تانى ممكن نضيفه للعربية ك اكسسوارات..
المهم هبقى سعيد لسماع رايكم واقترحاتكم...

اخوكم عبد الحميد

**FrozenFire** · 24-09-2012 03:00 PM

بصي ياسيدي الفاضل
أنا أول ما جبت العربية كنت حتجنن وأزود فيها حاجات كتيرة
بس للأسف ماعنديش وقت فاضي إني اقعد ألف بيها على الناس
وغير كده والأهم من كده إن مافيش حد بيفهم فيها غير التوكيل بتاعها
ونصيحتي ليك ما تخليش أي حد يلعب بيها خالص لأن لما حيحصل فيها أي مشكلة مش حتعرف تعالجها غير في التوكيل وساعتها مش حيرموك
أنا شوفت عربيات كتير كهربتها بقت ملخبطة بمجرد تركيب ريموت أو جهاز إنذار أو رافع زجاج
فلو حبيت يبقى عليك وعلى التوكيل،
وبعدين هو حضرتك متأكد من قصة الريموت ب 1200 جنيه؟؟؟؟
لأنها كانت من سنتين 2600 جنيه وكانوا حيلغوال المفتاح بتاع السيتي ويركبوا مفتاح سيفيك بالريموت
ياريت تتأكد من الموضوع ده
أنا اللي ناوي أعمله بس برضه مش قادر بسبب ضيق الوقت وبسبب إني من المنوفية هو الشاشة الدي في دي اللي بيكون فيها دي في دي وبلوتوث وراديو وجي بي أر إس بالأقمار الصناعية ووصلة إيه يوه إكس وأي بود وكاميرا خلفية. ودي تكلفتها في التوكيل بالظبط 5150 جنيه وبرة التوكيل في مكان محترم وموثوق فيه تعمل 4300 بكاميرا رؤية ليلة مش موجودة في التوكيل
في هنا المهندس ماجد هو ركب الفوانيس الشبور برة التوكيل وهو كان عامل موضوع عن كده، ممكن تدور عليه أو تستنى لحد ماهو يدخل يشوف الموضوع وهو حيفيدك أكتر مني
وياريت برضه تبلغني بالتوطورات وربنا يوفقك
والسلام ختام

**abd_el_7amid** · 24-09-2012 07:02 PM

بصراحة كنت مستى رد حضرتك
بص يا سيدى الفاضل انا جاتلى رسالتين
1- استبدل سيارتك ب سيفك الجديدة و ادفع الفرق
2- ريموت السيتى بقى 1200
للاسف انا مسافر دلوقتى ... بس كنت عارض الموضوع عشان لما انزل الحق اعمل التغيرات على طول

**hitham_sh** · 27-09-2012 01:23 PM

بص يا سيدي انا معايا نفس العربيه وعملت فيها شوية حجات وهقولك عملتها فين وكلفتني كام
اولا انا شاري العربيه كسر زيرو فكان الي قبلي مركب فيها ريموت للستنر من غير انزار وهوا هوا ريموت السيفك الي في المفتاح
ورحت الحرفيين جبت سماعتين استيراد بتوع هوندا سيفك ب 350 جنيه وركبتهم في البابين الي ورا ودول بيفرقو في الصوت جدا جدا
وركبت وحدات رفع لزجاج عند واحد اسمه مايسترو في شارع المطبعه في فيصل ودول كلفو 200 جنيه تقريبا ومعملوش اي مشاكل غير انهم لغو الاوتماتك بتاع الزرار الي هوا يخليك تفتح وتنزل الازجاج كله من دوسه واحده وده بالنسبالي مش فارق معايا لان وحدات الرفع اهم
وركبت فاونيس شبورة جبتها من على النت من شركه اسمها ادفعلي كلفو حوالي 1000 جنيه وركبتهم في الحرفيين في ورشة اسلام مشهور
وركبت سنسور بارك ومعملوش اي مشاكل عند واحد اسمه مرسيدسكو في شارع دمشق وكلفو حوالي 150 جنيه
وغيرت الكلاكس لان كلكسها صوته رفيع اوي جبت كلاكس دنسو فرنساوي وركبته عند كهربائي عندنا هنا في شارع فيصل بس شغله نضيف
بس

**eng_maged** · 30-09-2012 12:08 PM

المشاركة الأصلية كتبت بواسطة abd_el_7amid

السلام عليكم
كنت عايز اظبط شوية حاجات فى العربية .... بصراحة العربية حلوة لكن فقيرة شوية
وقلت طالما لسه مجدد .. اجيب الحاجات اللى ناقصة
المهم .. انا محتاج لاقتراحتكم .. اجيب من اين؟ و الاسعار ايه؟

اخوكم عبد الحميد

بص يا فندم

1- فوانيس شبورة ... ومين يعرف يركبها؟

موجوده في التوكيل ب 2200 جنيه ومش هتلاقيها استيراد كامله بالزرار. لكن ممكن تشتريها من Ebay وتركبها عند اي كهربائي وهتكلفك بتاع 1200 جنيه زاجع الموضوع ده انا كنت عامله قبل كده

http://www.nilemotors.net/Nile/259740-a.html

2- كنت عند بتاع الكاوتش ... وقلته عايز ارفع العربية شوية .. قالى هات مقاس مش فاكر 70 * 95 و لا العكس... انتوا ايه رايكوا؟؟؟ وخصوصا انى داخل على 40 الف فاهغير الكاوتش قريب
اجيب انه نوع كاوتش؟؟ و اجنط ولا بلاش؟؟ وتنصحوا بانه نوع؟؟

راجع الموضوع ده
http://www.nilemotors.net/Nile/252354-a.html

3- محتاج ريموت للعربية.. من كام يوم هوندا بعتتلى رسالة لتركيب الريموت ب 1200 جنيه؟؟
انا محتاج حاجة ترفع الزجاج و تقفل و تفتح العربية و السنطة وشكرا

ممكن تركب اي انذار عادي وولف او سباي وطبعا بتاع التوكيل هيكون اصلي
انا مركب وحدات رفع وده مفهاش اي مشكله ممكن تركب عند اي كهربائي