القاشكاي والحجز والفتي وشكلي هنفض أحسن وأشوف اوروبي

أنا هاحكيلكم الموضوع واحكموا أنتوا

أولا دي أول مرة ادخل في الدوامة دي حجز و استلام حين ميسره والكلام ده

عاوزين قاشكاي للبيت

قولتلهم كلموا التوكيل ونروح نجيبها ( طيب أنا قوي صح ) .

اللي حصل كالاتي

كلموا أتو ايجيبت ... قالهم الحجز 4 شهور و تدفعوا 50 ألف جنيه حجز علشان ضمان بعد 4 شهور تستلموها بنفس السعر وإلا لو غليت تاخدوا بالسعر الجديد !
والاسعار دلوقتي 175 و 192 واحتمال تغلى كمان شهر ( ابتزاز واضح علشان ندفع 50 ألف حجز )

كلموا السبع وده بقى كان فتي السنين ....

العربية 2013 غليت يافندم اللي بـ 175 ألف بقت بـ 192 ألف وزاد عليها باركينج سنسورز و شاشات و DVD و دفندرز وروف راكس ومش فاكر إيه كمان
واللي بـ 192 بقت بـ 197 و استلام بعد 6 شهور

قالوله لأ دي بـ 175 و 192 قال يافندم لو عايزين الأسعار دي هتكون 2012 وبردو استلام بعد 6 شهور ( طيب إزاي يا فتااااااي !!!)

وانا طبعا راسي وألف جزمة مدفعش 215 ألف في المدعوة سبورتاج بالذات إنها عليها over price لما سألت بره 20 ألف جنيه ( تغور )

وفي نفس الوقت القاشكاي الموزعين والوكيل قفلوني منها ولسة معرفش بره عليها over price ولا إيه حكايتها ( اللي يعرف يقولي )

شكلي هنفض للدوخه دي كلها بلا حجز 6 شهور بلا فتي واديها اوروبي بس المشكله إن الاختيارات محدوده جدا في الفئة دي .

انا رايى تشوف ايه فى الاوروبى متوفر ويناسب احتياجاتك واتكل على الله لان الموضوع كده فى استغلال جامد جدا
ولا تنسى الاستخارة

إيه ناس هو أنا كتبت الموضوع في اسم شركة كاتربلر ولا إيه ؟!

انا رايى حضرتك تشوف الجيتا او السكودا الفانتازيا الهاى لين بصراحة عربية تستاهل كل جنيه فيها

العربية لحد في البيت وعاوز suv ... والعين كانت على القاشكاي

اقتباس:

---

المشاركة الأصلية كتبت بواسطة Evo

العربية لحد في البيت وعاوز suv ... والعين كانت على القاشكاي

---

لو حضرتك مصمم عليها ومستعجل شوف حد بيبعها بضاعة حاضرة بس هتدفع أوفر برايس مش أقل من 15000 جنية على ما أعتقد والله أعلم :Zb_sor1[1]:

رينو داستر دفع رباعي ب 140000 و ثنائي 127000 فول اوبشن اوتوماتيك و ادعيلي

فكر فى اسكودا ماتى الجديده دى
لسه شيافها انهاردا فى الجراج تحفه وواسيعه و عاليه عن الارض و ب 197 و اروبى و فكك من الهلس بيتاع الحجز ده ايه احجز نيسان و انا هستلم بورش علشان احجزها

السبع دا توكيل فاشل بكافة المقاييس
انا لي تجربة معاه في المنصورة من شهر لما روحت أسال على النيسان صني الجديدة و قعد يغني عليا ان الطلب عليها زايد جدا و يا عيني فيه ناس بتيجي تطلبها منه ب 105 و 106 و هو يا عيني عليه بيضطر يتصرف و يجيبها لهم
و لما نفضتله و أصريت على الثمن الأصلي اللي هو ب 100 الف قالي ابقى كلمني بعدين لما افتح الحجز
و من يومها كل ما اكلم محمد السبع نفسه او المكتب يحدفوني لبعض و منتهى قلة الذوق و الجليطة
و لسة السكرتيرة رد عليا بمنتهى قلى الذوق دلوقت و لما سالتها الحجز هيفتح امتى قالتلي معنديش فكرة و تقريبا كدة كان ناقص تقفل السكة في وشي
انا مستغرب جدا ازاي شركة زي نيسيان تقبل بتوكيل زي السبع دا

هي مش العربية اصلا عاملة 160 مانيوال و 175 اوتو
ازاي تبقى ب 192 يعني تغلى تقريبا 10 % علشان مزودين عليها شوية لكسسوارات من عندهم
قولهم يا ايفو انا عايزها بالسعر العادي بتاعها من غير الاكسسوارات بتاعتهم

و انا اصلا لو منك لو اللي عايز العربية ممكن يسوق مانيوال اروح للتيجوان او الييتي

حضرتك اللي قالوه اوتو ايجبت صحيح ومنعا للمشاكل بياخدو مبلغ كبير 50 الف عشان لو السعر زاد ميحصلش مشاكل

لو حضرتك ينفع تحجز بمبلغ اقل وتبقى عامل حسابك على الزيادة يبقى دي حريتك وسواء كده او كده فلوسك مش حتروح عليك باذن الله

اهم شيء مبدا انتظار ال 4 شهور او 5 يكون موجود
جزئية السبع دي عجيبة واكيد في لغط منهم وهم قالولك لو عاوز تستلم دلوقتي تاخد ام 192 كاوفر برايس +اكسسوارات

والله اعلم

موضوع ال 50000 فعلا لان كان حد بيحجز قاشقاى قدامى و كان دفعهم و هيستلم بعد 3 شهور
لكن لو مش هتقدر تستنى يا اما اوفر برايس بس انا مش بفضله نهائيا و ممكن حضرتك تشوف البديل الاوروبى فى نفس الفئه السعريه و ربنا يوفقك للخير

سوبارو xv وادعيلى

بصراحة لو مستعجل قدامك احد الاختيارات التالية:
1. سوبارو xv ب190 و215 الف ج
2. فولكس تيجوان .. الله اعلم موجودة ولا لأ وبكام؟
3. رينو داستر .. اللى اعرفه انها مانيوال فقط

انما القاشقاى والسبورتاج .. فأنت بين نارين اما الانتظار الطويل او الاوفر برايس !!!

هي دي مصر يا إيفو ...
رأيي بالفلوس دي تجيبلك مرسيدس عيون نضيفة ..البلد دي مفروض ما يتجابش فيها زيرو من أصله

رايى انك تراجع نفسك فى موضوع المدعوه سبورتاج!!!!

اقتباس:

---

المشاركة الأصلية كتبت بواسطة youssef.awad

بصراحة لو مستعجل قدامك احد الاختيارات التالية:
1. سوبارو xv ب190 و215 الف ج
2. فولكس تيجوان .. الله اعلم موجودة ولا لأ وبكام؟
3. رينو داستر .. اللى اعرفه انها مانيوال فقط

انما القاشقاى والسبورتاج .. فأنت بين نارين اما الانتظار الطويل او الاوفر برايس !!!

---

الداستر. نازله ففي كونتاكت كارز 140 فول اوبشن اوتو دفع رباعي و 127 قول 130 فول اوبشن اوتو دفع ثنائي انا شايف الداستر تكسب و رينو و نيسان ايه على راي ناجي عطا الله ما وواحد

ايفو .. عايز اوضحلك نقطه بس
القشقاى سعرها الرسمى 2012 ب 175 الف جنيه الدفعه الاخيره كانت بتتابع بالاوفر برايس 187 او 188 الف جنيه ... انما 192 و 197 ده سعر العريبه موديل 2013 بالاوفر برايس .. والزيادات الى عليها دى معموله هنا فى مصر فى اوتو ايجيب ....
وحاجه تانيه الاسبورتاج ممكن اجبلك واحده تانى فئه موكا على 211 الف جنيه او 210 الف حسب ماظبط السعر مع التاجر ...
عموما لو حابب كلمنى بكره على رقمى ال 01000454869 ... نرغى فى كام عريبه اوروبى كده هايعجبوك

اقتباس:

---

المشاركة الأصلية كتبت بواسطة fbiahmed

الداستر. نازله ففي كونتاكت كارز 140 فول اوبشن اوتو دفع رباعي و 127 قول 130 فول اوبشن اوتو دفع ثنائي انا شايف الداستر تكسب و رينو و نيسان ايه على راي ناجي عطا الله ما وواحد

---

انا اللى اعرفه انها مانويل بس لو نزل منها الاوتو تبقى اختيار ممتاز العربيه دى جميله و كان يعيبها موضوع انها مانويل

اقتباس:

---

المشاركة الأصلية كتبت بواسطة FBIAhmed

رينو داستر دفع رباعي ب 140000 و ثنائي 127000 فول اوبشن اوتوماتيك و ادعيلي

---

حضرتك مافيش داستر اوتوماتك اصلا :khd:

الدستر مانيوال بس ال الدفع الثنائي ب 127 الف والرباعي ب 136 الف مش 140.

يا جماعة الييتي والداستر مستبعدين علشان مانيوال

بالنسبه للسبارو vx لسة ماشفوهاش لكن أنا عارف إنها عربية كويسه مع تحفظي على اعادة البيع

بالنسبه للاوفر برايس فانا ضد الفكرة تماما لأن أنا كده بارضخ للإستغلال .خسارة بخسارة أجيب اوروبي بقى أو أجيب ال vx أحسن انما حد يستغلني لأ وفي النهاية هتكون محصلة واحده في البيع حتى لو بعد سنة أو 2 لأن الأوفر برايس مبيتحسبش عند اعادة البيع .

مع إني مازلت شايف فعلا إن القاشقاي هي الصفقة الرابحة في سوق ال suv في مصر من كل الجهات لكن مع موزع شكله كده بتاع 3 ورقات ووكيل واكلها والعة وعايز ياخد 50 ألف جنيه حجز يشغلهم 6 شهورعنده علشان يديني حتة عربية في خلال ال 6 شهور هيكون جاب تمنها من ال 50 ألف الحجز دول وأكتر كمان ..

فعلا لازم وقفة قصاد الناس دي علشان الموضوع زاد عن حدود التجاره إلى حدود الحرامية والنصابين وبتوع التهليب والتلات ورقات في تجارة العربيات في مصر

هاتلك شيروكي ٢٠٠٨ او ٢٠٠٩ الشكل الجديد ب٢٣٠ الف. و اسمها عربيه محترمه و موتور قوي

سوبارو xv

i think there is a new Mitsubishi SUV Model

اقتباس:

---

المشاركة الأصلية كتبت بواسطة FBIAhmed

الداستر. نازله ففي كونتاكت كارز 140 فول اوبشن اوتو دفع رباعي و 127 قول 130 فول اوبشن اوتو دفع ثنائي انا شايف الداستر تكسب و رينو و نيسان ايه على راي ناجي عطا الله ما وواحد

---

الرينو داستر يا احمد بتنزل مانيوال فقط وليس اتوماتيك وده لينك كونتاكت كار مكتوب M/T ..
http://www........cars.com/NewCars_M...7&CarModel=385
واحب اضيف ان نظيرة النيسان قاشقاى هى الرينو كوليوس ..
وليس الداستر على الاطلاق لأن الداستر اصلها داتشيا ..

اقتباس:

---

المشاركة الأصلية كتبت بواسطة addams_2

i think there is a new Mitsubishi SUV Model

---

ميتسوبيشى فعلا عاملة SUV اسمها ASX شبه السبورتاج جدا وهى تطوير للاوتلاندر القديمة لكن الله اعلم هاتنزل مصر امتى وهاتبقى بكام ؟!!!

اقتباس:

---

المشاركة الأصلية كتبت بواسطة fbiahmed

رينو داستر دفع رباعي ب 140000 و ثنائي 127000 فول اوبشن اوتوماتيك و ادعيلي

---

هي الداستر مش مانيوال فقط و لا انا غلطان ؟

شكلي والله هاعمل زيك واتجه لأي عربيه اوروبي محترمه بلا قرف
فرصه اخيره ليهم لاول الاسبوع الجاي وبعد كده مع السلامه
توكيل وموزعين ملهمش كلمه
.

اقتباس:

---

المشاركة الأصلية كتبت بواسطة الغزالى

ايفو .. عايز اوضحلك نقطه بس
القشقاى سعرها الرسمى 2012 ب 175 الف جنيه الدفعه الاخيره كانت بتتابع بالاوفر برايس 187 او 188 الف جنيه ... انما 192 و 197 ده سعر العريبه موديل 2013 بالاوفر برايس .. والزيادات الى عليها دى معموله هنا فى مصر فى اوتو ايجيب ....
وحاجه تانيه الاسبورتاج ممكن اجبلك واحده تانى فئه موكا على 211 الف جنيه او 210 الف حسب ماظبط السعر مع التاجر ...
عموما لو حابب كلمنى بكره على رقمى ال 01000454869 ... نرغى فى كام عريبه اوروبى كده هايعجبوك

---

طيب ما ترغى معانا يا غزالى باشا علشان

هنا برضه فى ناس واقعه فى نفس الحيره و هانتجنن من الحيره

شخصيا انا نفسى فى suv و دى قاشقاى و عينى عليها من زمان

بس كمالياتها حاسس انها ضعيفه شويه او فقيره

و كمان الاوفر برايس شبه رافضه

و فى نفس السعر هناك الفانتازيا الهاى لاين بس سيدان

فالواحد محتاررررررررررررررررررررر

----------
فوكاس و جيتا شبه رافضهم مش عارف ليه بس خايف منهم