القاشكاي والحجز والفتي وشكلي هنفض أحسن وأشوف اوروبي

**Evo** · 24-09-2012 12:42 PM

أنا هاحكيلكم الموضوع واحكموا أنتوا

أولا دي أول مرة ادخل في الدوامة دي حجز و استلام حين ميسره والكلام ده

عاوزين قاشكاي للبيت

قولتلهم كلموا التوكيل ونروح نجيبها ( طيب أنا قوي صح ) .

اللي حصل كالاتي

كلموا أتو ايجيبت ... قالهم الحجز 4 شهور و تدفعوا 50 ألف جنيه حجز علشان ضمان بعد 4 شهور تستلموها بنفس السعر وإلا لو غليت تاخدوا بالسعر الجديد !
والاسعار دلوقتي 175 و 192 واحتمال تغلى كمان شهر ( ابتزاز واضح علشان ندفع 50 ألف حجز )

كلموا السبع وده بقى كان فتي السنين ....

العربية 2013 غليت يافندم اللي بـ 175 ألف بقت بـ 192 ألف وزاد عليها باركينج سنسورز و شاشات و DVD و دفندرز وروف راكس ومش فاكر إيه كمان
واللي بـ 192 بقت بـ 197 و استلام بعد 6 شهور

قالوله لأ دي بـ 175 و 192 قال يافندم لو عايزين الأسعار دي هتكون 2012 وبردو استلام بعد 6 شهور ( طيب إزاي يا فتااااااي !!!)

وانا طبعا راسي وألف جزمة مدفعش 215 ألف في المدعوة سبورتاج بالذات إنها عليها over price لما سألت بره 20 ألف جنيه ( تغور )

وفي نفس الوقت القاشكاي الموزعين والوكيل قفلوني منها ولسة معرفش بره عليها over price ولا إيه حكايتها ( اللي يعرف يقولي )

شكلي هنفض للدوخه دي كلها بلا حجز 6 شهور بلا فتي واديها اوروبي بس المشكله إن الاختيارات محدوده جدا في الفئة دي .

**engaass** · 24-09-2012 01:46 PM

انا رايى تشوف ايه فى الاوروبى متوفر ويناسب احتياجاتك واتكل على الله لان الموضوع كده فى استغلال جامد جدا
ولا تنسى الاستخارة

**Evo** · 24-09-2012 04:15 PM

إيه ناس هو أنا كتبت الموضوع في اسم شركة كاتربلر ولا إيه ؟!

**saint2011** · 24-09-2012 04:19 PM

انا رايى حضرتك تشوف الجيتا او السكودا الفانتازيا الهاى لين بصراحة عربية تستاهل كل جنيه فيها

**Evo** · 24-09-2012 04:23 PM

العربية لحد في البيت وعاوز suv ... والعين كانت على القاشكاي

**saint2011** · 24-09-2012 04:34 PM

المشاركة الأصلية كتبت بواسطة Evo

العربية لحد في البيت وعاوز suv ... والعين كانت على القاشكاي

لو حضرتك مصمم عليها ومستعجل شوف حد بيبعها بضاعة حاضرة بس هتدفع أوفر برايس مش أقل من 15000 جنية على ما أعتقد والله أعلم

**FBIAhmed** · 24-09-2012 04:58 PM

رينو داستر دفع رباعي ب 140000 و ثنائي 127000 فول اوبشن اوتوماتيك و ادعيلي

**Engine2013** · 24-09-2012 05:27 PM

السبع دا توكيل فاشل بكافة المقاييس
انا لي تجربة معاه في المنصورة من شهر لما روحت أسال على النيسان صني الجديدة و قعد يغني عليا ان الطلب عليها زايد جدا و يا عيني فيه ناس بتيجي تطلبها منه ب 105 و 106 و هو يا عيني عليه بيضطر يتصرف و يجيبها لهم
و لما نفضتله و أصريت على الثمن الأصلي اللي هو ب 100 الف قالي ابقى كلمني بعدين لما افتح الحجز
و من يومها كل ما اكلم محمد السبع نفسه او المكتب يحدفوني لبعض و منتهى قلة الذوق و الجليطة
و لسة السكرتيرة رد عليا بمنتهى قلى الذوق دلوقت و لما سالتها الحجز هيفتح امتى قالتلي معنديش فكرة و تقريبا كدة كان ناقص تقفل السكة في وشي
انا مستغرب جدا ازاي شركة زي نيسيان تقبل بتوكيل زي السبع دا

**Mzeid** · 24-09-2012 05:42 PM

هي مش العربية اصلا عاملة 160 مانيوال و 175 اوتو
ازاي تبقى ب 192 يعني تغلى تقريبا 10 % علشان مزودين عليها شوية لكسسوارات من عندهم
قولهم يا ايفو انا عايزها بالسعر العادي بتاعها من غير الاكسسوارات بتاعتهم

و انا اصلا لو منك لو اللي عايز العربية ممكن يسوق مانيوال اروح للتيجوان او الييتي