الموضوع: fantazsia, quashqai & fluence

المشاركة الأصلية كتبت بواسطة blazer

لو مش هيفرق معاك اعاده البيع يبقى فلونس هاى لاين

القشقاى على فكره نازله من 2006 فى اوربا يعنى شكلها هيتغير المفروض

بس انا لو مكانك هجيب سوبارو امبريزا هاى لاين 160 الف وعربيه ملهاش حل
6 air bag
abs
ebd
tcs
16 rims
sun roof
leather seats
all wheel drive

السوبارو عربيه تحفه بكل المقاييس لكن توكيلها ظالمها ( ممكن تقرا كتير في قسم سوبارو في المنتدي ) لكن العربيه في المجمل تحفه التحف .
القاشقاي عربيه عمليه و واسعه و عائليه لكن زي ما سبق و تم الاشاره اليه انها نازله في اوروبا من 2006 و متوقع ينزل لها جيل جديد في 2013 يعني علي ما تيجي مصر بنتكلم في النصف الثانين من عام 2013 او اول 2014 لكن نيسان سيارات لا يشق لها غبار و توكيل محترم جدا جدا .
الفانتازيا كل المميزات فيها لكن برضه المفروض تغير شكلها في 2013 يمكن علي نصف السنه او اخرها لكن حاتنزل بجيل جديد تماما و غالبا بموتور tsi و جير dsg و بالتالي يتوقع لها ضعف المبيعات في السوق لان هذا المحرك يلزم له بنزين 95 اوكتان لاعطاء الاداء الافضل و الجير ال dsg كله مشاكل حتي الآن و ممكن تقرا عن قصص لبكره في قسم فولكس عن مشاكل الجير ده .
لو بتفكر في الفانتازيا و مش فارقه معاك انها حاتغير شكل توكل علي الله و هاتها .
لو عاوز كروس اوفر يبقي مش حتلاقي افضل من القاشقاي .
في النهايه لا تنسي الاستخاره و ربنا يوفقك في القرار الصحيح .