استشاره فى زرجينه لاصحاب الخبره وللرد بعد اذنكو

**megaman** · 24-09-2012 04:10 PM

العربيه عندى اتخبطت واتصلحت والخبطه كانت فى الباب الخلفى يمين الدنجل اتغير والباب وصرة العجل والمساعد المهم بعد التصليح اكتشفت الاتى زاوية الكامبر للعجل الخلفى اللى مبيتظبتش فى فرق 2 درجه للخارج فى العجله اللى ناحبة الخبطه الراجل بتاع الزوايا قالى الفرق مش كبير كبر دماغك بدل ما تفك عفشه خلفيه كامله وتعمل زرجينه للشاسيه حتكلفك كتير وممكن ما تتظبتش اوى والتاثير مش جامد على الكاوتش الخلفى الباب الامامى لما بفتحه بيعمل طك قويه من عند الكالون الراجل بتاع الابواب برضه قالى كبر دماغك مش حياثر على حاجه البديل زراجين عند السمكرى وما انصحكش لانه مش حيفرق فى حاجه تقريبا القايم حيتشد بالزرجينه كمان العربيه بعد تركيب المساعدين الخلفى الجداد والدنجل العجله اللى ناحية الخبطه اعلى من التانيه ب1 او 1.5 سم فايه رايكو اسيبها كده ولا اعمل ايه وجزاكم الله خيرا ويا ريت الرد لو سمحتو

**megaman** · 24-09-2012 08:59 PM

يا جماعه بجد حاجه تزعل ما فيش اى ردود مهما كان الموضوع مهم لصاحبه يا ريت رد او شوية اهتمام

**وائل شويخ** · 25-09-2012 05:28 PM

شوف ياباشا

انا هحكيلك على موضوع الزرجينة معايا وهسيب الموضوع للخبراء يحكموا

أنا معايا سويفت 96

المهم واحد صاحبى الله يسامحة أخد العربية منى واكل بيها مطب جامد

وروحت بصيت على العربية من تحت لقيت حصل فيها شرخ فة الشاسية من جمب العجلة الى قدام الشمال

والصنايعى قلى كبر دماغك مش هتعمل حاجة

ومرت الايام وكانت المصايب فى العفشة تطل عليا كل اسبوع

مره كوبلن داخلى يمين

ومره شمال

ومره كامل

ومرتيين مقصيين

لغاية ما واحد أبن حلال قالى ظبط زوايا فروحت اظبط الصنيعى قالى لازم زرجينة وتلحم الشرخ ده

لأنة هو ألى عمل كده

فروحت لواحد سمكرى نضيف سوسبتلة العربية يوم كامل

ورجعتلة تانى يوم لقيتة شادد العربية على الزرجينة وركب قايم حديد بتاع 9 ملى من إلى بيتبنى بيه العواميد الخرسانة

وأخد 100 بس

وقالى روح للعفشجى ينزل كل العفشة على الأرض ويربط من تانى وظبط زوايا وترصيص

وفعلا عملت كده وأخد منى 150 جنية ومن يوميها
العربية مقالتش بم

فى حين أنى لما سمعت كلام الصنايعى الاولانى وقالى كبر دماغك

ظلمنى وكلفنى ييجى 1000 جنية عفشة جديدة
_____________________

نخلص من ده كلة أنك تعمل الصح وشوف صنايعى نضيف يدلك
حسب حالة عربيتك