ارجو المساعدة السريعة .. جالكسي s3 ولا جالكسي نوت ؟؟

**Bonanza** · 24-09-2012 08:34 PM

زي ما العنوان بيقول كده

انا محتار جدا بين الموديلين دول

نازل اشتري حد فيهم خلال الاسبوع ده ان شاء الله

عاجبني جدا الشاشة الكبيرة بتاعة النوت و خايف ازهق من الحجم الكبير و في نفس الوقت النوت 2 خلاص علي الابواب نازل المفروض في اكتوبر فا النوت سعرة هاينزل علي ما اعتقد

و عاجبني جدا الامكانيات الجديدة بتاعة الـ S3 و سرعتة و انه قابل للتحديث للاصدارات الجديدة من اندرويد اكثر من النوت و اهو الـ Jelly Bean قرب ينزله

خايف اتزنق في النوت و مايقبلش اكتر من ICS و باقي التحديثات الجديدة مايقبلهاش

شغلي كلة بورصة يعني رسوم بيانية و ايميلات و انترنت و برامج و مواقع مالية .. الشاشة الكبيرة هاتنفعني اكتر لكن هل البرامج متوفرة اكتر للنوت ولا للـ S3 .. اكيد للـ S3 هايبقي ليه اولوية في تطوير البرامج

البطارية اخبارها ايه في النوت ؟؟

ارجوكم حد يفيدني بسرعة و ياريت اللي مجرب الجهازين مايبخلش بكل معلوماتة

شكرا

**mohaismail** · 24-09-2012 08:52 PM

استبعد النوت تماما لان النوت 2 خلاص هينزل فمش منطقى خالص تجيب النوت القديم
اعتقد طالما انت عاوز اندرويد يبقى تقارن بين جالاكسى اس 3 واتش تى سى ون اكس
واتش تى سى وان اكس افضل كتير جداا

**wal** · 24-09-2012 09:24 PM

الs3 يعتبر برضه شاشته كبيرة مش صغيرة يعنى مفرقتش كتير عن النوت

**ashouhdy** · 24-09-2012 10:09 PM

طبعا النوت ! ال s3 ولا يفرق والنوت بينزلة كل حاجة

**KemozTanta** · 25-09-2012 09:34 AM

مبدئيا أستبعد النوت تماما لان ظهرت فيه عيوب ومبهدلة الدنيا لما تيجي تعملة فورمات وانت علي نظام الايس كريم الجهاز بيضرب بوت !
اشتري ياجلاكسي 3 او النوت 2 لكن نوت 1 ابعد عنه احسن

**Bonanza** · 25-09-2012 11:42 AM

الف شكر لكل اللي رد عليا

بس انا كده حيتري زادت اكتر و اكتر هههههه

**ayman_omer2007** · 25-09-2012 11:54 AM

هتلاقى اللى بيقلك طبعا النوت وهتلاقى اللى بيقلك طبعا ال s3 هههههههههه

حسب مانت عايز اولا لو استخدامك للنت كتير من الموبايل وافلام وكده يبقى تجيب النوت وكمان النوت فيه الاس بين واسال اى حد معاه النوت هيقلك فى الاس بين اشعار النوت كات فيه مشكلة اول مانزل عشان كان معاه الجينجربريد والديوال كور مكانش متاح فيه وكان فيه لاج بسيط وانت بتقلب الصفحات بس اخر فيرجن اتحدثله 4.0.4 استهلاك البطارية بقا ممتاز والقلم اتحسن وبقى اسرع ،النوت من ساعة مانزل اتحدث بتاع 3 مرات وده مش طبيعى من سامسونج وهينزله الجيلى بين ولو قلقان من موضوع انوا كبير فهو يدخل فى الجيب ومريح جدا عن تجربة ، النوت 2 جايز اخف بس مش معنى كده ان التانى 5 كيلو الاتنين خفاف جدا بس النوت 1 شاشته انقى من النوت2 لانهم كبروا الشاشة فى النوت 2 من غير مايزودوا عدد البيكسل ، ولو استخدامك طيارى خليك فى الاس3 وربنا يعملك اللى فيه الخير