الموضوع: اه يابلد فيكى حاجه محيرانى...نقولوا ميزان ...يطلع مسمار فى ثوانى

السلام عليكم ورحمة الله

باختصار عشان مطولش على
الصقور ......اليومين دول بركب الاستبليزر
الميزان....يومين ويزيق .....غيرت كل حاجه فيه
عدا البار ودا صلب مقوى ...وهو استيراد
ومفكوك من العربيه قدامى ...المهم خلاص نروح
التوكيل يشوف حل لموضوع تزييق العربيه فى
المطبات .....روحت مودرن شبين ..... وسجلت
فحص عفشه...... كان رايهم ان البار استيراد
وممكن يكون اتلوح وطبعا رفعنا العربيه و2 فنيين
استقروا على تركيب بار جديد بدل الاستيراد وعشان غير موجود طلبوه من المركز الرئيسى وتمنه 860 جنيه وتركيبه 235........قلت خلاص نركبه بكره على مايوصل امرى لله.....وفى العوده جنب البيت فيه ورش عفشه عمرى مادخلتها خوفا من اخطاء الصنايعيه والعربيه جديده.....المهم قلت أفك البار........ بدل مالتوكيل يحسب فك وتركيب والعداد شغال ......المهم الاسطى فك العجلتين ورفع العربيه وكانت المفاجأه قاللى افتح الكبوت وبص........بصيت لقيت ايه؟ شوفوا انتم..

وكمان واحده

تتخيلوا دى ايه
قاعدة الموتور الاماميه سايبه تماما والمسمار على وشك السقوط ومسمار قاعده اخر مهوى جدا.........الاسطى ربطهم وركبنا بيض اجناب الميزان والتزيقه راحت .......
يعنى لما التوكيل يكشف على العفشه وماياخدش باله من قواعد الموتور .....يبقى عليه العوض

المشاركة الأصلية كتبت بواسطة peaceman

الحمدلله يا عاطف باشا انها جاءت علي اد كده .. ياريتك بقي تكون محافظ علي القطع التايواني لأن اكيد التزيق مكانش منهم .

مشكلة التزييق جايه من جهة اليمين بار الميزان ملامس لجسم العربيه بيأدى لاحتكاك ....السبب هل كاوتشة القفايز هل لوحه فى البار ؟ الله اعلم اللى مضايقنى ازاى التوكيل مايشفش قواعد الموتور المفكوكه وبالنسبه للتزييق هى راحت بس احتمال كبير ترجع لان المسافه حاجه زى الشعره كدا واحتمال اغير البار من الحرفيين بواحد تانى واريح دماغى والتايواى موجود