شخص بحاجة للمساعدة

**Abdallah** · 21-06-2007 08:10 PM

شخص بحاجة الى عملية زرع كلى نظرا لانه عنده فشل كلوى مزمن واثر على عضلة القلب وطبعا انا مش ملم بالموضوع كله بس الى اعرفه ان تكاليف العملية حوالى 30 الف جنيه وهو بالطبع لا يملك من حطام الدنيا شىء وهو موظف بالسنترال والموضوع خاص بزوجته ..
هو الراجل مطلبش منى غير انى اجيبله رقم الفاكس بتاع برنامج البيت بيتك الى بيقدمه محمود سعد او عنوان الربنامج عشان يبعتله وطبعا انا اتكسفت اقولة انى مش بتفرج على تليفزيون ومعرفش مين محمود سعد دة اساسا فياريت حد يساعدنى فى ايجاد رقم الفاكس بتاعه او ما شابه...
واذا كان هناك من يستطيع المساعدة فليتفضل بمراسلتى برسالة خاصة...
اكيد فى ناس هتقول الراجل دة داخل يشحت ولا بينصب ولا ايه, انما انا اود المساعدة ولا انتظر من احد جزاء ولا شكورا ولكم جزيل الشكر .

**معاذ الشرباصى** · 21-06-2007 08:13 PM

حضرتك الراجل ده فين؟

يعنى محافظة ايه او كده؟

ده انتم عندكم فى المنصورة اعلى مركز فى الشرق الاوسط لزراعة الكلى

و بيعمل عمليات بالمجان كمان و بيدى الدواء و كل حاجة مجانا

**Abdallah** · 21-06-2007 08:19 PM

الشخص دة من بورسعيد, واعتقد انه اكيد راح مركز الكلى بتاع دكتور غنيم وانا اعرف دكتور غنيم كويس بس للاسف من يوم ما ساب المركز وهوا بقا يضرب يقلب, الحقيقة يا معاذ انا مش ملم بالتفاصيل اوى ولكن اهو مجرد محاولة ربما يكون فى افكار للمساعدة...
يا جماعة انا مقصدتش بالمساعدة الفلوس فقط انما لو حد عنده افكار او حاجة يا ريت يقولنا يمكن يكون فى فايدة.

**معاذ الشرباصى** · 21-06-2007 08:22 PM

يعنى انا عارف موضوع دكتور غنيم, و لو هو عنده تأمين صحى اكيد هيبقى مفيد

اما رقم البيت بيتك للاسف انا مبتفرجش عليه خالص, انا بتفرج على ماتشات بس :mrgreen:

بس هحاول اسأل حد عليه

**Abdallah** · 21-06-2007 08:25 PM

للاسف موضوع التأمين الصحى مش هينفعش لانه لزوجته وطبعا نظرا لانها لا تعمل فمفيش ليها ـامين صحى...
تعرف انا بتخيل لو الموقف دة حصلى هعمل ايه ؟؟؟؟
لا حول ولا قوة الا بالله , لك الله يا مصر
ربنا يكفينا شر المرض جميعا , وكما يقول ابى " اللهم امتنى واقفا صحيحا, اللهم لا تردنى الى ارذل العمر "

**معاذ الشرباصى** · 21-06-2007 08:27 PM

مش عارف بالظبط موقف زوجته ايه؟

بس هسأل لحضرتك, و لو حضرتك عندك تفاصبل اكتر يا ريت تقول لى, و ربنا يقدم اللى فيه الخير

**Abdallah** · 21-06-2007 08:29 PM

للأسف معنديش تفاصيل اكتر من كدة ولكن ممكن تقولى على التفاصيل الى انت عايزها وربنا ييسر ان شاء الله.

الموضوع: شخص بحاجة للمساعدة

LinkBack

أدوات الموضوع

عرض

شخص بحاجة للمساعدة - انشر الموضوع فى :

-

-

-

-

-

-

المواضيع المتشابهه

هام للمساعدة

هام للمساعدة

هام جدا للمساعدة

ادعوا لمصر. مصر بحاجة للدعاء

بعض الأسئلة التعليمية بحاجة لإجابات

الكلمات الدلالية لهذا الموضوع

المفضلات

المفضلات

ضوابط المشاركة