كنت شوفت العربيه دى (أوبل تيجرا كوبيه)
و عجبتنى أوى كشكل و عشان كدة نفسى أعرف عنها شوية حاجات كدة
زى قطع الغيار منتشرة ولا لأ ؟
الكنبه إلى ورا واسعة ولا متوسطة ولا ضيقة أوى ؟
سريعة ولا سلحفة ؟
سعرها كام ؟
و لو معلومات كدة عنها يبقى حلو أوى
عرض للطباعة
كنت شوفت العربيه دى (أوبل تيجرا كوبيه)
و عجبتنى أوى كشكل و عشان كدة نفسى أعرف عنها شوية حاجات كدة
زى قطع الغيار منتشرة ولا لأ ؟
الكنبه إلى ورا واسعة ولا متوسطة ولا ضيقة أوى ؟
سريعة ولا سلحفة ؟
سعرها كام ؟
و لو معلومات كدة عنها يبقى حلو أوى
-عربيه حلوه جدا شبابيه مش عائليه
-قطه غيارها استيراد كتير-جديد قليل
-مشتركه مع الكورسا في بعض قطع الغيار
-سريعه جدااا بتنزل بمواتير 1400 و1600 ايكوتك
-سعرها حاجه وتلاتين حسب الحاله لانها مش منتشره
-اهم شيء تختار حاله حلوه علشان تريحك
ما شاء الله فادي ما سابش حاجه
بس الكنبه اللي ورا ضيقه بتاخد 2 يدوب و لو احجامهم كبيره هيخبطوا في الزجاج الخلفي - ده عن تجربه -
على فكرة هاني العايدي عنده واحده ممرمطها .. بينقل فيها قطع غيار من المخزن للمحل و العكس .. هي فعلا فيها كتير من الكورسا .. و قطع غيارها الاستيراد موجودة.
أنا كل ما أروح هناك أقول له .. أنا متأكد ان العربية دي جايه نصين و انتوا مركبينها و النمر اللي عليها مضروبه .. يقول لي و الله الرخص سليمة :-)
وليه اوبل...........
فيه حاجات تانية كوبيه احسن..من وجهة نظرى
ليه اوبل!!!!!!!!اقتباس:
المشاركة الأصلية كتبت بواسطة menna hassan
يا باشا انتى فى قسم الاوبل والاعضاء هنا العربية الاوبل بالنسبالهم عيل من عيالهم ممكن يشتمو فيها شوية بس لو ركبو حاجة غيرها بيحسو انهم ركبين توكتوك.
اللي اعرفه عن التيجرا ان ليها قطع غيار عادي بس الاكسسوارات والاجزاء الخارجيه نادرة شويه
شكلها حلو اوي وسريعه جدا شديت معاها قبل كدا علي الدائري كنت أول مرة اشوفها
بس انا سيبته يطلع مني عشان كنت عايز اشوف شكلها من ورا :)
ميرسى يا جماعة على الردود جدا و الأستفاده الجميلة دى
والله يا منه أنا مش عارفة عربيات كوبيه كتير غير الأوبل تيجرا و الهيونداى كوبيه و السيراتواقتباس:
المشاركة الأصلية كتبت بواسطة menna hassan
بس الأصغرهم حجما على ما أظن الأوبل تيجرا و دى مخلياها شكلها تحفه
لكن ممكن تقوليلنا أية العربيات الكوبيه إلى بتحبيها