أية رأيكم فى أوبل تيجرا كوبيه ؟

**MaNoLa** · 25-09-2012 07:09 AM

كنت شوفت العربيه دى (أوبل تيجرا كوبيه)
و عجبتنى أوى كشكل و عشان كدة نفسى أعرف عنها شوية حاجات كدة
زى قطع الغيار منتشرة ولا لأ ؟
الكنبه إلى ورا واسعة ولا متوسطة ولا ضيقة أوى ؟
سريعة ولا سلحفة ؟
سعرها كام ؟
و لو معلومات كدة عنها يبقى حلو أوى

**فادى محمد** · 25-09-2012 10:54 AM

-عربيه حلوه جدا شبابيه مش عائليه
-قطه غيارها استيراد كتير-جديد قليل
-مشتركه مع الكورسا في بعض قطع الغيار
-سريعه جدااا بتنزل بمواتير 1400 و1600 ايكوتك
-سعرها حاجه وتلاتين حسب الحاله لانها مش منتشره
-اهم شيء تختار حاله حلوه علشان تريحك

**kar!m** · 25-09-2012 11:05 AM

على فكرة هاني العايدي عنده واحده ممرمطها .. بينقل فيها قطع غيار من المخزن للمحل و العكس .. هي فعلا فيها كتير من الكورسا .. و قطع غيارها الاستيراد موجودة.

أنا كل ما أروح هناك أقول له .. أنا متأكد ان العربية دي جايه نصين و انتوا مركبينها و النمر اللي عليها مضروبه .. يقول لي و الله الرخص سليمة :-)

**Menna Hassan** · 25-09-2012 11:22 AM

وليه اوبل...........
فيه حاجات تانية كوبيه احسن..من وجهة نظرى

**alnmr79** · 25-09-2012 11:55 AM

المشاركة الأصلية كتبت بواسطة menna hassan

وليه اوبل...........
فيه حاجات تانية كوبيه احسن..من وجهة نظرى

ليه اوبل!!!!!!!!
يا باشا انتى فى قسم الاوبل والاعضاء هنا العربية الاوبل بالنسبالهم عيل من عيالهم ممكن يشتمو فيها شوية بس لو ركبو حاجة غيرها بيحسو انهم ركبين توكتوك.

**Amrgamal1** · 25-09-2012 03:38 PM

اللي اعرفه عن التيجرا ان ليها قطع غيار عادي بس الاكسسوارات والاجزاء الخارجيه نادرة شويه
شكلها حلو اوي وسريعه جدا شديت معاها قبل كدا علي الدائري كنت أول مرة اشوفها
بس انا سيبته يطلع مني عشان كنت عايز اشوف شكلها من ورا :)

**MaNoLa** · 26-09-2012 03:32 AM

ميرسى يا جماعة على الردود جدا و الأستفاده الجميلة دى

المشاركة الأصلية كتبت بواسطة menna hassan

وليه اوبل...........
فيه حاجات تانية كوبيه احسن..من وجهة نظرى

والله يا منه أنا مش عارفة عربيات كوبيه كتير غير الأوبل تيجرا و الهيونداى كوبيه و السيراتو
بس الأصغرهم حجما على ما أظن الأوبل تيجرا و دى مخلياها شكلها تحفه
لكن ممكن تقوليلنا أية العربيات الكوبيه إلى بتحبيها