شداية الحمد لله اني خسرتها

**haissam24h** · 25-09-2012 07:55 PM

فكرتنى من 3 سنين كنت فى شارع الهرم ايام الجامعه كان برضو واحد معاه شاهين فاكرها بى ام شد معايا فى الهرم وجت عند قبل كازينو الاندلس لقيته بيقولى هاتلها كارت شحن لحسان بتفضى ههه كنا لسه بقا شباب كان اتوبيس نقل عام وعربيه نص نقل والمسافه بنيهم تجيبك بالظبط لقيت صحبى بيقلى اعقل يا مجنون قولته يلا بقا حته هيثم بتوع زمان وخدتها صح وجه جنبى قولته ابقى وديها مرور فيصل يمكن تلاقى حد ياجرها يتمحن بيها الواد يا عينى سكت ومش قطم بتاع النقل جرى وجبنى يقولى اموت واعرف قلب الجاحد يخليك تعمل كده اذاى قولته السواقه عاوز قلب ميت وسواق شاطر يعرف امته ينقل غيار وامته يفرمل وامته يهدى وامته يشد ويكبس وبعدها قولته مفيش كبير فى السواقه ربنا الى ب يستر الظابط الى كان بيقولع شارع الهرم الناس تعدى عن العريش ادى تمام مشى مشيت ولفيت وركنت ونزلت بوسه كبوت عربيتى حبيبتى وصحبى قطع خلف هههههه ايام الجامعه بقا

بس تقيمى للفيرنا عربيه فوق السيئه بشويه حرام يتدفع فيها ربع جنيه لان ركبتها وكان عامله 600 كليو وكنا 5 راكبين وراجع من مدينه نصر وكوبرى اكتوبر وكانت كايبه 110 وبتعوم وكانت اول مرة تجيب الغيار الخامس الاسف غبور بيضحك على الناس لو تشوف الهيونداى الخليجى والمصرى او بمعنى اصح هيونداى المعوقين والمصرى هتعرف ان غبور من اكثر الناس ضحك على الناس
وربنا يسترها معا الناس كلها

**lanos2004** · 25-09-2012 08:56 PM

المشاركة الأصلية كتبت بواسطة eng f3lix

رجالة الفيرنا متهورين مش عارف ليه
فاكرينها شيروكو

انته جبت من الاخر

**lanos2004** · 25-09-2012 08:58 PM

المشاركة الأصلية كتبت بواسطة تامر.محمد

سلام عليكم

عايز اقول في الاول ان مش عادتي عموما اني اشد مع حد , يمكن غاوي اجري بس مابحبش الشد , و عربيتي مش بتاعة شد
بس حيث ان الموضة حكايات الشد بقى اليومين دول :)

النهارده كنت ماشي على الدائري , و الطريق كالعادة قافلاه عربيات النقل ماعدا الحارة الشمال كان بيعدي منها بيجو 7 راكب على اقل من مهله , دخلت وراه و و انا بادخل كبس عليا واحد ظريف بعربية فيرنا , المهم ما سألتش فيه و خلتني ورا البيجو و هو عمال يتحنجل ورايا و كل ما حتة بسيطة اوي تفضى بيني و بين الحيطة يحاول يحشر نفسه فيها

المهم مجرد ما البيجو عدى رحت انا جاري يمين كعادتي لما باطلع من حتة زحمة عشان اريح دماغي منهم , و لقيت الاخ ماسك في ديلي , و عرفت ان انا اتورطت في شداية

المهم قلت و ماله و اهو الطريق فاضي و مستقيم , و الطبيعي يعني اني الفيرنا هاتطلع مني هوا , رحت جاري و جري ورايا , مش عارف عشان على سرعة عالية ولا ايه لقيته ما سبقنيش و المسافة بيننا زادت شوية صغيرين

لحد ما وصلنا لكمية عربيات ماشية ابطأ مننا , و انا لقيت نفسي لو دخلت وسطهم هاضطر اخد غرز غبية و الوضع هايبقى غبي رحت موسع من قدامه للناحية التانية و مهدي ............... و لسذاجتي افتكرت البيه هايعمل زيي , و طبعا اتفاجئت لما شفته دخل بسرعته الغرزة الغبية اللي انا ما رضيتش ادخلها و اخدها قطم و شفته و هو بيعاااااااااااااافر عشان يلم العربية تاني و لمها فعلا , انا طلعت من وسط العربيات بالراحة و هو كمل جري و غرز

للحظة تخيلت انه كان ممكن يلبس في العربية اللي قدامه او انه ما يعرفش يلم العربية بعد الغرزة و يلبس في حد تاني , و خفت يبقى ليا يد في ده !!!

الحمد لله انها جت على قد كده

خير ما فعلت انا لو لقيت الى بجرى معاه متهور بكبر مخى واقوله اتفضل مش ناقصه هبل

**alaasaid** · 26-09-2012 10:50 AM

الحمد الله انك هديت قبل ما تحصل كارثة و أكيد كان هيكون ليك ذنب لو حصل حادثة لا قدر الله , أى حاجة ممكن تتعوض الا ان الواحد يشيل ذنوب غيرة .

ربنا يستر طريقنا جميعا

**تامر.محمد** · 26-09-2012 03:00 PM

المشاركة الأصلية كتبت بواسطة lanos2004

خير ما فعلت انا لو لقيت الى بجرى معاه متهور بكبر مخى واقوله اتفضل مش ناقصه هبل

صح , اصل الناس التانيين كمان مالهمش ذنب لما حد يكسر عليهم ولا حد يخبط فيهم

المشاركة الأصلية كتبت بواسطة alaasaid

الحمد الله انك هديت قبل ما تحصل كارثة و أكيد كان هيكون ليك ذنب لو حصل حادثة لا قدر الله , أى حاجة ممكن تتعوض الا ان الواحد يشيل ذنوب غيرة .
ربنا يستر طريقنا جميعا

اه و الله :(