الموضوع: هلاك كلي

المشاركة الأصلية كتبت بواسطة tot

المهم عملت حادثة جامدة التوكيل عمل مقايسة تكلف اكتر من 150 الف، التأمين بعت الخبير عشان يعاين و يتكلم فى المقايسة، المهم الخبير كتب فى التقرير بتاعه ان القيمة السوقية للعربية 40 الف بس، طبعا استهبال، العربية اصلا بحالتها و عاملة 45 الف كيلو بس و كل شغلها كان فى التوكيل،

طبعا الف سلامه عليك من الحادثة والله يعوضك كل خير بأذن الله
بس هي العربيبه اصلا كلها بكام للما تتصلح ب 150 الف

الله يسلمك ، هى الزيرو ب 75 الف

على فكرة هما قالولي ان كلام الخبير فى مسالة تقدير القيمة السوقية للعربية مش بيتاخد بيه، و اللي بيقرر هو اللجنة اللي بتبقى بعد 3 شهور ، بس انا سالت واحد فى التوكيل شغال فى التامين قاللي انهم بيضحكوا عليا و ان كلام الخبير هو اللي بياخدوا بيه، و انهم بيستهبلوا
على فكرة ساعة اما امنت عليها كانت تجيب اكتر من 65 الف ، بس انا قلت عشان اقلل القسط، ماجاش فى دماغي ان ده ممكن يحصل
ثانيا هيثة الرقابة ع التأمين دي خدعة كبيرة و مالهمش لازمة و انا اشتكيت قبل كده فيها و طلعوني انا الغلطان، عشان الجميعة كانت باعته خبير اسمه سمير متري ، لطعني اكتر من اسبوع عشان يعاين، و كمان رفض خبطة كانت فى العتب، و اما اشتكيته فى هيثة الرقابة قالولي انت خدت التعويض بتاعك و مالكش حاجة، اما خرجت من مكتب شكاوي حملة الوثائق لقيت مكتب مكتوب عليه رثيس تقريبا القطاع الاكواتوري و تقريبا دي معناها انه زى الراس الكبيرة هناك او حاجة كده ، المهم الراجل ده اسمه حاجة متري !!! قلتلهم انا عرفت ليه انه طلعتوني غلطان