ممكن مساعدة من فضلكم يا شباب..

**start_wow** · 26-09-2012 12:51 AM

السلام عليكم ورحمة الله وبركاته..
لو سمحتم يا شباب انا معايا في حدود 65000 جنيه وعايز ادخل عالم البي ام واشتري عربية بي ام لكن مش عارف بالسعر ده انا ممكن اجيب اي موديل بالاضافة كمان انا عايز عربية يكون قطع غيارها كتير ومنتشر زي الكوري او الياباني كده..وازاي اعرف العربية الكويسة في موديلات البي ام..انا حاليا معايا النترا وبفكر ابيعها واجيب بي ام..عذرا علي الاسئلة الكتير لكن انا معرفش في البي ام اووي..

**sheko_2000eg** · 26-09-2012 11:52 AM

الحيارات المتاحة :
لو عايز عربية شبابية بس صالون ديق شوية :
E36 from 92 to 98
لو عايز عربية عائلية و واسعة و مريحة جدا :
E34 from 88 to 94

دول اسعارهم من 55000 الي اقصي سعر 65000
و في واحد صحبي عايز يبيع E34 لو عايز.

**start_wow** · 27-09-2012 01:53 AM

شكرا لذوقك وردك عليا استاذ شيكو..انا راجعت الموديلات اللي حضرتك قلت عليها ولقيت انه افضلها فعلا الشكل الشبابي الموجود في e63.. علشان كده انا بعتذر عن الموديل e34 الموجود مع صديق حضرتك..بس انا كنت حابب اسال حضرتك عن e36 من ناحية توافر قطع الغيار وسهولة الحصول عليها وكمان اسعارها اذا كانت في المعقول ولا لأ وشكرا لحضرتك مرة تانية..

**fahd_628** · 27-09-2012 02:29 AM

قطع غيار ال e36 موجودة فى كل حتة و متوفرة جدا جدا

و اسعارها معقولة و فية موضوع كان معمول عن اسعار قطع الغيار

و بالنسبة للأسعار فا ال e36 مش اخرها 65 الف طبعا !!!

انا رأى ال 65 الف دول بداية لعربية ينفع تتركب !!!!

انا عمرى ما شفت e36 ب 60 او 65 الف و انا ممكن اشتريها الصراحة !!!!

كلهم حالاتهم زى الزفت !!!

علشان تلاقى واحدة متصانة كويس و حالتها كويسة حتلاقى صاحبها طالب 75 ولا حاجة !!!!

و برضة دور و ربنا يوفقك