تحياتي واستفسار

**mohamed khamis** · 26-09-2012 01:41 AM

السلام عليكم دي اول مشاركة ليا في المنتدى الجميل بصراحة انا بقالي 3 ساعات قاعد بتصفح الخبرات فيه وحاجة رائعة بصراحة ربنا يبارك لكم جميعا. انا شاري عربيتي الاوبل من 3 شهور هي استرا موديل 2000 ال 1200 سي سي عربية جميلة بصراحة ونضيفة جدا بس اول مرة تزعلني من يومين. جيت ادور مفيش اي حاجة خالص ولا صوت مارش بس البطارية شغالة ونور الطابلوه شغال. معايا ور قالبطارية مكتوب فيه ان عمرها 11 شهر. رميت لها دارت على طول. انهاردة حصل نفس الكلام بدون سابق انذار ركنت العربية جيت ادورها بعد ساعة ونص مفيش برضه تكة تكة بس ومفيش دوارة رميت برضه لقطت ودارت. رحت على بتاع البطاريات قاس البطارية وهي شغالة لقاها 13 بطلت العربية المؤشر بتاع جهازه فضل ينزل لحد 9 تقريبا قالي البطارية لازم تتغير طبعا رحت للكهربائي بتاعي انا بثق فيه جدا هو شحتة اللي في اسكندرية اللي جمب بنزينة التعاون في الشاطبي جاب جهاز كده وحطة والعربية دايرة قالي الدينامو شحنه ضعيف تقريبا 12 وحاجةوالمفروض يبقى 14 او 15 قالي تعالى بكرة (الاربعاء) نفك الدينامو ونشوف ده عيب ايه شربون ولا كتاوت ولا ايه. انا رايح له بكرة بس انا بحب احط احتمالات في الاول راي الخبراء ايه؟ وفي اسوا الظروف لو الديناموا فيه حاجة قطع غياره بكام وكله استيراد بكام؟ شكرا طولت عليكم بس عشمان الردود منكم

**فادى محمد** · 26-09-2012 08:20 AM

وعليكم السلام ورحمه الله وبركاته
اهلا بيك ياباشا وسط اخواتك
المشكله دي حصلت لزميلي هنا معاه نفس الموديل
لما فك طلعت المشكله في كتاوت الشحن وغيره بس
مش فاكر الاسعار .علي العموم كل حاجه موجوده استيراد
وجديد ماتقلقش بس ابقي قولنا عملت ايه علشان نطمن ونستفيد تحياتي

**احمد فهمى** · 26-09-2012 01:17 PM

لو البطاريه مشحونه يبقى العيب عيب مارش او الكتاوت بتاعتو ولو البطاريه مش مشحونه يبقى دينامو او الكتاوت بتاعتو وفى الحالتين الموضوع بسيط ان شاء الله شوف اى كهربائى اوبل

**mohamed khamis** · 27-09-2012 02:46 AM

السلام عليكم
انهاردة رحت لشحته الكهربائي اللي في الازاريطة فك الدينامو لقى المشكلة من الكتاوت والشربون مع بعض (الدينامو ماركو Bosch). المهم رحت سالت في الازاريطة عند مزروعة قالي الكتاوت بالشربون مع بعض ب 260 ماركة بيرو الماني روحت سالت في صلاح الدين عند خميس الصعيدي لقيت نفس الماركة ونفس الصنف ب 230 بس كلمت شحته قالي الماركة دي محترمة جدا والماني جبتها ركبها وشحن لقى الشحن وصل الى 14 (بعد ما كان 12 امبارح) والبطارية شحنت تمام ولحد دلوقتي شغالة كويس واخد 60 جنيه مصنعية طبعا بعد ما تعب جدا في فك وحل المارش (الماني بقى ليه نسهلها لما ممكن نقعدها)

**mohamed khamis** · 27-09-2012 02:47 AM

المشاركة الأصلية كتبت بواسطة hellboy

وعليكم السلام ورحمه الله وبركاته
اهلا بيك ياباشا وسط اخواتك
المشكله دي حصلت لزميلي هنا معاه نفس الموديل
لما فك طلعت المشكله في كتاوت الشحن وغيره بس
مش فاكر الاسعار .علي العموم كل حاجه موجوده استيراد
وجديد ماتقلقش بس ابقي قولنا عملت ايه علشان نطمن ونستفيد تحياتي

فعلا زي ما حضرتك قلت الكتاوت والتفاصيل في الرد الكامل على الموضوع. تسلم ربنا يكرمك

**mohamed khamis** · 27-09-2012 02:53 AM

المشاركة الأصلية كتبت بواسطة mohamed hafiz

إنشاء الله خير و ميكنش عيب كبير أو يكلفك كتيير

انا كمان بفكر في نفس العربية و نفس الموديل( أسترا 2000-2001) بس حضرتك جبتها بكام ؟
و هل دورت كتيير لحاد م لقيت عربيه كويسه

بالتوفيق

بصراحة عربية محترمة جدا انا اشتريتها من واحدة دكتورة ب 45000 جنيه رشة حزام ودواخل فبريكة الفئة كامة اتنين ازاي كهرباء تكييف طبعا وسنتر اصلي بس مفيش فتحة سقف وسجلتها ب 600 ورخصتها سنتين ب 300 تقريبا بص هي كموتور 1200 سي سي اقتصادي طبعا وفي السفر مريحة جدا وعربية شيك وثابتة وصاجها صاج اوبل. عيوبها حتى الان متنفعش تبقى مع حد بيهين عربيات لانها ممكن تبهدله عايزة على طول ايديك فيها وتحافظ عليها اعتقد انها اختيار مثالي لفئة الاربعينات (تخيل بتنافسها اللانوس والنوبيرا والكليو !!!!!) هي عايزة حبة صبر في التدوير وبلاش التجار انا لقيتها على الوسيط بعد اسبوعين تدوير

**mohamed khamis** · 27-09-2012 02:53 AM

المشاركة الأصلية كتبت بواسطة ahmed_fahmy

لو البطاريه مشهونه يبقى العيب عيب ورش او الكتاوت بتاعتو ولو البطاريه مش مشحونه يبقى دينمو او الكتاوت بتاعتو وفى الحالتين الموضوع بسيط ان شاء الله شوف اى كهربائى اوبل

تسلم يا باشا ربنا يكرمك

**mohamed khamis** · 27-09-2012 02:54 AM

المشاركة الأصلية كتبت بواسطة hesham.h

ماتقلش يا باشا .... طالما الدينمو بيشحن ومش فاصل خالص هاتبقى بسيطه بإذن الله ... كتاوت أو شربون
تحياتى واهلا بيك معانا

تمام زي ما قلت بالظبط تسلم ربنا يكرمك

الموضوع: تحياتي واستفسار

LinkBack

أدوات الموضوع

عرض

-

-

المواضيع المتشابهه

تحياتي لوزراة الصحة

تحياتي لهذه السياره

خالص تحياتي للعضو MR.Ghost

عكنن علي مراتي ولك تحياتي!!!

الكلمات الدلالية لهذا الموضوع

المفضلات

المفضلات

ضوابط المشاركة