استفسار بخصوص الفرش لنيسان جوك

**ME5EMR** · 26-09-2012 04:04 AM

بدور علي الفرش بتاع العربيه الجوك لفيت التوفيقيه كلها مفيش
و انا من المنيا و كون ان انا انزل كل شويه صعب لو حد يعرف محل موجود عنده
يديني رقمه بس
و في الاخر كله
لله و للوطن
و شكرا

**BassamHafez** · 26-09-2012 11:13 AM

روح جينز كار في القاهرة

لو تعرف شوارع القاهرة كويس هو موجود في الشارع بتاع محطه بنزين شل اللي شارع الطيران

ها يفصلك فرش العربيه وها تنبسط منه جدا جدا

**Ahmed.TV** · 26-09-2012 12:43 PM

حضرتك نزلت التوفيقية بتدور على كسوة للفرش .. طبعا مش حتلاقى .. ولكن
انصحك بلاش كسوة ولا من التوفيقية ولا حتى من التوكيل .. لان الكسوة مهما كانت معمول على الكرسى بتبوظ الفوم السفنج بتاع الكرسى .. لان لما بتقعد بتشد الاجناب .. واحسنلك اعمل فرش تفصيل بيركب على الفرش وبيكون مظبوط على كرسى العربية والفوم بتاع الكرسى

وكلامى بالنسبة للكسوة اللى بتبوظ الفرش عن تجربة .. وكنت عامل موضوع فى مكتبة نيسان فى القسم فيه صور للكسوة اللى بتعمله فى فوم العربية .. لو شوفت الصور حتتخض .. وحتقول لا بلاش اركب كسوة وخالينا بفرش الفبريكة

ولو عايز تعمل تفصيل افضل واحد هو جينز كار

بالتوفيق

**Youssef.Awad** · 26-09-2012 03:22 PM

حضرتك بتدور على ابرة فى كوم قش ..
لأن الجوك اصلا مش معروفة فى السوق ولا منتشرة لدرجة ان محلات بيع الكسوة تعرفها وبالتالى هاتروح بالعربية ويقيفولك عليها كسوة عندهم ..
رأيى لو الفرش اسود خلى الفابريقة بتاعها واستخدم العربية عادى وعيش بقى ..