صوت خفيف في فتيس البومه 2007 اتوماتيك 1600

ياجماعه بالله عليكم استاذنكم بحاجه تجربوها والرد بعد التجربه من فضلكم
اللي معاه بومه 1600 اتوماتيك فتيس ctv
هو ماشي بالعربيه علي سرعه 20 او اقل ومقفل الزجاح ومش مشغل التكيف ويشيل رجله من علي دواسه البنزين ويسيب العربيه ماشيه عالسلانسيه يشوف هيسمع صوت ونه خفيفه جدااا جايه من الفتيس ولا لاء لاني من فتره عايز اسال في الموضوع ده وعلي فكره الموضوع ده مش هيبان غير وانت فاصل التكيف وقافل الزجاج والعربيه علي سرعه 20 وتشيل رجلك ياريت الرد بعد التجربه بالله عليكم
ملحوظه الفتيس عندي مغيرله الزيت في ميعاده والفتيس الله اكبر شغال كويس جدااا بس خلينا نعرف الصوت موجود في البومه كلها ولا لاء لاني سالت واحد صحبي وقالي اه في صوت

متابع

لا انا الصوت ده مش موجود عندي

اقتباس:

---

المشاركة الأصلية كتبت بواسطة zalabany

لا انا الصوت ده مش موجود عندي

---

لو ركزت معاها كويس هتلاقيه انا جربت عربيه تاني انهارده ولاقيته
فاستاذنك حاول تركز مع الصوت وتقول موجود ولا لاء

بس حضرتك انا معايا شارك 2012 اوتوماتيك ودى اول مرة اركب اوتوماتيك ولاحظت ان العربية وهى
على n بيكون فى صوت ونة من الفتيس وبيروح لما بجيب d وادوس بنزين يعنى اول ما امشى تروح الونة وفى ونة اخرة مع تشغيل التكييف أيضا وانا واقف بالعربية ولما سألت فى التوكيل قالوا هذا الصوت طبيعى وايضا ابن عمى معاه بومة اوتوماتيك 2008 وايضا عنده الونة دى من ساعة ما اشترى العربية زيرو .

ومن خلال مشاراكاتى فى هذا المنتدى من سنين وانا لاحظت حاجة غريبة جدا ان فى حاجات كتير بيختلف الناس فيها مع انها موجودة فى السيارة يعنى فى أصوات ممكن تسمعها وتظن ان الناس كلها بتسمعها ولكن بعض الناس بيكون عندهم نفس الصوت بس مش بيركز فيه او مبيسمعوش فعلشان كده هتلاقى الرد انه يقول انا مش عندى الصوت ده .

وبعد اذنك خدها قاعدة وهى ان أغلب الاصوات والمشاكل اللى هتلاقيها عندك موجودة بالفعل عند كل اللى يمتلك نفس موديل السيارة بس بعض الناس مابيخدوش بالهم وده شىء مجننى وهديك مثال لو قولت لحضرتك ان البومة بتاعتك فيها صوت اكد حديد بيخبط فى الدريكسيون فى المطبات الناشفة وبالاخص وانت كاسر شمال هتقولى الصوت ده مش موجود عندى مع العلم انى مجرب 100 عربية بومة وفيهم نفس الصوت .

نصيحة لو الصوت مش مأثر فى العربية فى شىء وزيت الفتيس تمام متحتهوش فى دماغك وطنش .

اقتباس:

---

المشاركة الأصلية كتبت بواسطة heka_m_y

بس حضرتك انا معايا شارك 2012 اوتوماتيك ودى اول مرة اركب اوتوماتيك ولاحظت ان العربية وهى
على n بيكون فى صوت ونة من الفتيس وبيروح لما بجيب d وادوس بنزين يعنى اول ما امشى تروح الونة وفى ونة اخرة مع تشغيل التكييف أيضا وانا واقف بالعربية ولما سألت فى التوكيل قالوا هذا الصوت طبيعى وايضا ابن عمى معاه بومة اوتوماتيك 2008 وايضا عنده الونة دى من ساعة ما اشترى العربية زيرو .

ومن خلال مشاراكاتى فى هذا المنتدى من سنين وانا لاحظت حاجة غريبة جدا ان فى حاجات كتير بيختلف الناس فيها مع انها موجودة فى السيارة يعنى فى أصوات ممكن تسمعها وتظن ان الناس كلها بتسمعها ولكن بعض الناس بيكون عندهم نفس الصوت بس مش بيركز فيه او مبيسمعوش فعلشان كده هتلاقى الرد انه يقول انا مش عندى الصوت ده .

وبعد اذنك خدها قاعدة وهى ان أغلب الاصوات والمشاكل اللى هتلاقيها عندك موجودة بالفعل عند كل اللى يمتلك نفس موديل السيارة بس بعض الناس مابيخدوش بالهم وده شىء مجننى وهديك مثال لو قولت لحضرتك ان البومة بتاعتك فيها صوت اكد حديد بيخبط فى الدريكسيون فى المطبات الناشفة وبالاخص وانت كاسر شمال هتقولى الصوت ده مش موجود عندى مع العلم انى مجرب 100 عربية بومة وفيهم نفس الصوت .

نصيحة لو الصوت مش مأثر فى العربية فى شىء وزيت الفتيس تمام متحتهوش فى دماغك وطنش .

---

وهو انا بالفعل معنديش الصوت وانا كاسر وقولت يمكن الراجل اللي كانت العربيه معاه مركب البستم الفيبر في علبه الدركسيون ولما اروح عند بتاع العفشه هتاكد من الحكايه دي بس هو صوت الفتيس اللي كنت حابب اتاكد منه والحمدلله هو مش عامل اي شي بالعكس انا لو فاتح الشباك سنه صغير مش بسمع اي شي واو حتي مشغل الكاست علي اقل درجه برده مش بسمع حاجه

أنا ممكن ما اقدرش افيدك لأن انا عندي قواعد الموتور عايزه تتغير فبتعمل صوت اصلا

اقتباس:

---

المشاركة الأصلية كتبت بواسطة zalabany

أنا ممكن ما اقدرش افيدك لأن انا عندي قواعد الموتور عايزه تتغير فبتعمل صوت اصلا

---

ههههههههههههه ماشي ياباشا تسلم ايدك علي المشاركه

انا عندي نفس الصوت ونفس المشكلة بالظبط لانسر بومة ٢٠٠٩ والفكرة اني لما ركزت مع الصوت حسيت بيه جامد وعامل ليا عقدة

انا فعلا بسمع صوت عامل ذي صوت مروحة التكييف
بالذات وانا لما اكون لسه بتحرك بالعربيه

ايواه طبعا يا جماعه و الصوت ده عندي و عند كل الناس و لما بتدي ال n لازم تسمعه عشان الفتيس مش بيفصل حضرتك وبيفضل شغال هو بيفصل حركه عن العجل لكن بيفضل شغال ده كله طبيعي جدااا و الحمدلله يعني انك بسمعها وانت ماشي علي 20 و من غير تكييف و مش دايس بنزين اومال انت عايز ايه ماتسمعش حاجة خااالص ؟ و لو ودنك حساسة المفروض تسمع الموتور كمان و تحس بيه من غير ال RPM كمان


ماتقلقش يا زعيم و كل ده عادي

وماعروف انه الفتيس مش بيفصل عشان كده بيقول ماتقطرش العربيه اكتر من 25 كيلو حتي لو انت طفيها عشان الفتيس مايروحش عشان بيسخن و الزيت مش بيتقل انت و قافل العربيه و مش مدورها

اقتباس:

---

المشاركة الأصلية كتبت بواسطة David Micheal

ايواه طبعا يا جماعه و الصوت ده عندي و عند كل الناس و لما بتدي ال n لازم تسمعه عشان الفتيس مش بيفصل حضرتك وبيفضل شغال هو بيفصل حركه عن العجل لكن بيفضل شغال ده كله طبيعي جدااا و الحمدلله يعني انك بسمعها وانت ماشي علي 20 و من غير تكييف و مش دايس بنزين اومال انت عايز ايه ماتسمعش حاجة خااالص ؟ و لو ودنك حساسة المفروض تسمع الموتور كمان و تحس بيه من غير ال RPM كمان


ماتقلقش يا زعيم و كل ده عادي

وماعروف انه الفتيس مش بيفصل عشان كده بيقول ماتقطرش العربيه اكتر من 25 كيلو حتي لو انت طفيها عشان الفتيس مايروحش عشان بيسخن و الزيت مش بيتقل انت و قافل العربيه و مش مدورها

---

ده فعلا الكلام اللي موجود في الكتالوج بتاع العربية
انا قريته بعد الاخ صاحب الموضوع ماعرضه
وللاسف الكتالوج نزلته pdf بعد طلوع الروح لاني شاري
العربية ومكانش معاها الكتالوج

وشكرا علي التوضيح

طيب ليه في الاول الواحد لما كان شاري العربية زيرو الواحد ما لاحظ الصوت ده ليه لاحظه بعد كام سنة اقصد صوت الفتيس

قواعد الموتور لو مقطوعة بتعمل صوت
العزل في اللانسر ضعيف عشان كدة حتسمع جوقة موسيقية