بس حضرتك انا معايا شارك 2012 اوتوماتيك ودى اول مرة اركب اوتوماتيك ولاحظت ان العربية وهى
على n بيكون فى صوت ونة من الفتيس وبيروح لما بجيب d وادوس بنزين يعنى اول ما امشى تروح الونة وفى ونة اخرة مع تشغيل التكييف أيضا وانا واقف بالعربية ولما سألت فى التوكيل قالوا هذا الصوت طبيعى وايضا ابن عمى معاه بومة اوتوماتيك 2008 وايضا عنده الونة دى من ساعة ما اشترى العربية زيرو .

ومن خلال مشاراكاتى فى هذا المنتدى من سنين وانا لاحظت حاجة غريبة جدا ان فى حاجات كتير بيختلف الناس فيها مع انها موجودة فى السيارة يعنى فى أصوات ممكن تسمعها وتظن ان الناس كلها بتسمعها ولكن بعض الناس بيكون عندهم نفس الصوت بس مش بيركز فيه او مبيسمعوش فعلشان كده هتلاقى الرد انه يقول انا مش عندى الصوت ده .

وبعد اذنك خدها قاعدة وهى ان أغلب الاصوات والمشاكل اللى هتلاقيها عندك موجودة بالفعل عند كل اللى يمتلك نفس موديل السيارة بس بعض الناس مابيخدوش بالهم وده شىء مجننى وهديك مثال لو قولت لحضرتك ان البومة بتاعتك فيها صوت اكد حديد بيخبط فى الدريكسيون فى المطبات الناشفة وبالاخص وانت كاسر شمال هتقولى الصوت ده مش موجود عندى مع العلم انى مجرب 100 عربية بومة وفيهم نفس الصوت .

نصيحة لو الصوت مش مأثر فى العربية فى شىء وزيت الفتيس تمام متحتهوش فى دماغك وطنش .