السلام عليكم
بعد صراع مع البلالين وحاليا محتاج اغير 2 كاوتش على الاقل فقلت اغير لجنوط 16 افضل وامسك العصايه من النص بس عايز حاجه شيك برضوا واصليه ذى ال بتنزل فى العربيه ففكرت فى جنوط السيراتو الكوبيه اعتقد انها 16
انتم ايه رايكم ولو هبدل الجنوط 17 ال عندى ب 16 الفرق تقريبا كام فلوس ومين ممكن ابدل عنده وهل هلاقى فى فرق ملحوظ فى العفشه وهل التغيير ليه ال مشاكل فى العفشه او الثبات
الكوبيه ال16 نفس شكل ال16 بتاع السيدان بس لونه غامق وقليل اصلا لما تلاقى كوبيه 16 معظمهم 17
اقتباس:
المشاركة الأصلية كتبت بواسطة yasserelsayad
اخبارك ايه يا باشا ليك وحشه والله
انا مش اقصد بتاع الكوبيه بالظبط بس اقصد انى عايز اغير ل 16 وخلاص ناوى لا محاله ان شاء الله بس عايز اعرف فرق الاسعار بين الجنوط ال 16 وال 17 ال عندى يعنى عايز ابدل
أنا كنت سألت فى التوكيل جنط 16 بـ 1420 و جنط 17 بـ 1675 بس فى المستعمل كله حيقولك الجنط 17 مفيش عليه طلب الناس كلها بتخلص منه عشان ياخدهم بأقل سعر لو مشكلتك فى البلالين بس هات نوع كاوتش نضيف و نتروجين على 35 و المشكله دى هتختفى اما لو على نعومة العفشة ممكن الجنوط 16 تقلل النشوفية شوية بس الفرق مش حيبقى كبير عشان العفشة اساسا ناشفة عشان كده انا احتفظت بالجنوط 17 عشان ميزة الثبات و جبت كاوتش يوكوهاما يابانى مع السواقه الهادئة خصوصا فى المطبات وربنا يستر
انا رحت انهاردا عند غطاطى ال فى المريوطيه فى شارع فيصل ولقيت عنده جنط 16 صينى بس قالى نظيف جدا ماركه gls او حاجه كدا مش متاكد او من الماركه بصراحه وانا قلتله انى متخوف من الصينى راح مورينى جنط مكتوب عليه من الداخل هوندا موتورز
الجنوط الجديده ب 2600 اربع جنوط مقاس 16
600 جنيه فرده كاوتش اندونيسى مش فاكر نوعها بصراحه
يعنى كله 5000 والجنوط القديمه بتاعتى ب 1500 يعنى هدفع 3500 انتم ايه رايكم يا شباب اغير ولا مش مستاهله دفع المبلغ دا ولا ادفع وارتاح من الجنط 17 وانعم العفشه شويه
رايكم ايه
كتير اوى على جنوط صينى
اقتباس:
المشاركة الأصلية كتبت بواسطة yasserelsayad
انا شفت الجنط شكلوا نظيف جدا وعامل ذى الاصلى بس القرار صعب بصراحه مش عارف اعمل ايه يا صديقى
انت جنوطك ال 17 شكلهم ايه ؟
اقتباس:
المشاركة الأصلية كتبت بواسطة ahmedbahi76
الجنوط ال 17 بتاعت السيراتو الهاى لاين
توكل على الله وغير فوراً .. أنا كل ماشوف سيراتو بـ ال17 بيوحشنى شكلها وفى نفس الوقت بيصعب عليه اللى مركبها ولسه مغيرش لل 16
موضوع التغيير لل 16 ده أحسن حاجة أنا عملتها .أنا معاك إن القرار صعب ولما الجنوط بتتغير بستغرب شكل العربية وبيبقى نفسك ترجع فى كلامك تانى .. إنما مع أول مطب بتعدى عليه وإنت مروح بالعربية هتعرف إنك عملت الصح.. الثبات فعلاً مش فارق كتير إنما المطبات فرقت كتير أوى معايا
ده رقمى تانى لو عايز حاجة كلمنى 01284311431
بلاش جنوط صينى هات اندونيسى او تايلاندى
هو وزن الجنوط ال 16 بتاعه السيراتو كام كيلو
الصينى بيتكسر يسهوله شوف حاجه احسناقتباس:
المشاركة الأصلية كتبت بواسطة excel_team2000
اقتباس:
المشاركة الأصلية كتبت بواسطة kingrab
ان شاء الله هكلم حضرتك انهاردا علشان عايز اتكلم معاك
اقتباس:
المشاركة الأصلية كتبت بواسطة excel_team2000
حتى لو جنط صينى من عند غطاطى على فكره الصين بتعمل حجات كويسه برضوا بس المشكله عندنا فى المستورد هل بيختار درجه اولى ولا درجه 10 بس المنتج الصينى مسمع فى العالم كله
اقتباس:
المشاركة الأصلية كتبت بواسطة ahmad--ezzat
معرفش كام كيلو بس على ما اعتقد هيكون اخف من 17
اقتباس:
المشاركة الأصلية كتبت بواسطة lanos2004
باشا اخبارك ايه والله ليك وحشه كبيره جدا من ايام مقابله مول العرب ان شاء الله نتقابل قريبا
حتى لو جنط صينى من عند غطاطى برضوا هيكون نفس العيب ولا غطاطى حاجته كويسه ودرجه اولى ولا انت ايه رايك
أنا اعتراضي علي غطاطي بس ان حاجته بتبقي اغلي من بره
بيحب يزود في تمن الحاجه و خلاص
إسأل عند حد تاني او بدل مع حد جنوط 16 سيراتو نضيفه
اقتباس:
المشاركة الأصلية كتبت بواسطة mohamed_mohsen
انا عارف ان غطاطى اغلى شويه بس على ما اعتقد ان حاجته نظيفه ودا اهم حاجه وانا اتمنى الاقى جنوط 16 اصلى علشان مش بحب اجيب غير الاصلى بصراحه
طيب ممكن اسال عند مين تانى بس يكون سمعته نظيفه لان فى لعب كتير اوى فى الجنوط وانواع بالعبيط
بس فى سؤال محيرنى بصراحه انا معايا حاليا الجنط ال 17 راكب على كاوتش على 45 صح كدا يعنى ارتفاع الكاوتش من الارض 4.5 سنتى صح كدا ولا غلط
والكاوتش ال 16 على 55 يعنى ارتفاعه من الارض 5.5 سنتى صح كدا
يعنى السنتى دا هو الفرق ال هيمنع البلالين يعنى والله منا عارف فرق سنتى واحد بس يقلل البلالين كدا ولا انا فاهم غلط
بلاش صينى حتى لو من التوكيل لوعايز جنوط نضيفة وتستحمل عليك وعلى ارابكوم هتلاقى تايلاندى وكورى وعن تجربة حاجات محترمة واشكال مش منتشرة مع تحفظى الشديد على تصغير الجنط انا راى ركب كاوتش بريدجستون اويوكهاما هيفرق كتير معاك وسيب الجنط
اقتباس:
المشاركة الأصلية كتبت بواسطة mohamedaghali
انت تانى واحد يقلى بلاش صينى
انا قريت هنا اخ فاضل غير حوالى 15 فرده كاوتش مقاس 17 فى سنتين وجرب كل الانواع حتى مشلان وبريدج استون علشان كدا قلت مش موضوع كاوتش مهمى اختلف النوع
الجنط عاجبنى شكلا جداااااااااا بس المشكله فى البلالين ونشوفيه العفشه بس كدا
نصيحه هات جنوط تايلاندى ssw من عند اشرفكوا او من الحته اللى تعجبك , احسن من الصينى وسعرها هايبقى قريب من السعر اللى قولته
لأ الحسبه مش كدااقتباس:
المشاركة الأصلية كتبت بواسطة احمد المصرى
ال 45 دول عباره عن 45 % من العرض اللى هو 215
وال 215 اللى هما 21.5 سم
يبقى 21.5 سم * 45 % = 9.6 سم
الجنط ال 16 عرضه 205 والبروفايل بتاعه 55
يبقى 20.5 سم * 55% = 11.2 سم
الفرق 1.6 سم
طبعا يعمل فرق
اقتباس:
المشاركة الأصلية كتبت بواسطة Hosam_Optrawy
كلام سليم جدا
حتى لو غيرت الجنوط لازم نوع كاوتش نضيف عشان يكون الجنب بتاعه ناشف انا شفت بعينى وانا بعمل صيانة جنوط 16 عامله بلالين بس كان بالكاوتش التعبان اللى بينزل معاها
اقتباس:
المشاركة الأصلية كتبت بواسطة Hosam_Optrawy
ssw ماركه معروفه اصلى مليش فى موضوع الجنوط اطلاقا
اشكرك على شرح الفرق لانى اول مره امر بالموضوع دا يعنى معنى كدا انى هزود 1.6 سنتى للكاوتش ودا لحد ما هيقلل البلالين صح كدا
طيب سؤال اخير انا عارف انى تعبتكم معايا بجد تنصحونى اجيب من عند مين يكون عنده جنوط جميله ونظيفه واسعارها معقوله وياخد منى الجنوط القديمه
اقتباس:
المشاركة الأصلية كتبت بواسطة excel_team2000
حسب كلام الناس ان الجنط ال 17 يكثر معاه البلالين ومع الجنط 16 يقل معاه البلالين ومع 15 مفيش بلالين خالص
والله انا بفكر اعمل ال عليا واريح بالى وارتاح من قرف ال 17
ممكن تكون مش معروفه اوى زى الماركات المشهوره momo وغيره بس من تجارب الاعضاء فى المنتدى ومن تجربتى انا الشخصيه فى عربية اخويا جنوط ممتازه على سعرهااقتباس:
المشاركة الأصلية كتبت بواسطة احمد المصرى
دا السايت بتاعهم
Stamford Sport Wheels
اوعى تسترخص في الكاوتش !!
نوع الكاوتش النضيف اهم بكتير من الجنط النضيف نصيحة من واحد فضل انه يدفع كتير في الجنط على حساب الكاوتش !!! وتعالى اتفرج على الزحف
اكن العربية ماشية على اربع فرد صابون !! ابعد عن الكاوتش الاندونيسي والماركات المجهولة الهوية
خليك في الحجات المعروفة والمتجربة زي "مشلان - بيرجيسدون - كومهو ...etc "
الجنوط عندك ال ssw من اشرفكو دي سعرها للجنط 16 في حدود 2000 جنيه بس فاصل معاه عشان ممكن تنزل مبلغ محترم بالفصال
او ممكن تعلى شوية وتجيب HRS من عند اربكوم دي انضف وسعرها في حدود 3000 للجنط ال 16 وبرضوا فاصل معاه
والله ياجماعة أنا جبت الجنوط بتاعتى ممتازة من عند أشرفكو . إسمها hsw أندونيسى
وعلى فكرة معظم محلات الجنوط هتلاقى فيها تشكيلة كبيرة جداً من الجنوط ال 13 و ال 14 وال 15 وال 17 وحتى ال 18
إنما ال 16 مش هتلاقى منها تشكيلة كبيرة ومعظمها اشكال ( بيئة ) من اللى بتلمع أوى
إنما أشرفكو هتلاقى عنده تشكيلة معقولة من ال 16 وكلهم أندونيسى وتايلاندى هوه واخد التوكيل بتاعهم ... إبعد عن الصينى خالص
وبالنسبة للكاوتش مش هتلاقى عند أشرفكو غير نوع واحد اللى هوه الستار ماكس التركى ... وهايقولك كمان قبل ماتشترى الجنوط إنك لو عايز تغير الكاوتش ال 17 بتاعك وتركب الستار ماكس مش هايعمل معاك بلالين علشان الجنب بتاعه مقوى .. بس أنا محبتش أجرب وغيرت علطول
الكاوتش أنا مركبة بقالة حوالى 7 شهور ومعايا زى الفل فى الجرى والفرامل
والعربية أنا بسافر رايح جاى بيها على شرم الشبخ يعنى 500 كيلو رايح و500 جاى .. فرق الإتزان مش كبير ... بس المطبات فرقت كتير أوى . والحمد لله مظهرش معايا أى بلالين لحد دلوقتى .. مع إنى برده أخدت مطبات كتير ... ده معناه إن الكاوتش التركى أثبت كفاءة ... من وجهة نظرى أنا شايف إنك لو غيرت لل 16 ملهاش لازمة تجيب البريدجستون أو الميشلان هاتفرق معاك فى الفرده الواحدة حوالى 300 جنيه إنت أولى بيهم ... . علشان كده بقولك والله غير وبكل ثقة هتستريح
أنا إستنيت تليفونك وإنت مكلمتنيش .. عموماً لو عايز تكلمنى كلمنى فى أى يوم بعد الساعة 6 مساءاً علشان تضمن إنى أبقى موجود
اقتباس:
المشاركة الأصلية كتبت بواسطة hosam_optrawy
اهم حاجه انك مجربها ان شاء الله انا كدا استقريت على نوع الجنوط وان شاء الله مش هجيب غيرها ان شاء الله
انا دخلت على الموقع وفعلا فى شويه اشكال حلوه اوى
اقتباس:
المشاركة الأصلية كتبت بواسطة ahmod
طيب معلش هو اشرفكو دا فين بالظبط علشان عايز اروحله واشوف هيتكلف كام الموضوع
اقتباس:
المشاركة الأصلية كتبت بواسطة kingrab
عاجز عن الشكر يا باشا وشكرا مقدما يا باشا
سؤال اخير
اشرفكو عنوانه فين علشان لو رحتله وهو فاتح الجمعه علشان يكون الشوارع مش زحمه
انا مش فاكر اسم الشارع بس هو موازى لطريق النصر من جوا يعنى وانت ماشى فى طريق النصر فى اتجاهك ناحية عباس العقاد وسيتى ستارز , قبلهم بكتير يعنى من قبل المنصه كدا هاتدخل يمين وتمشى حوالى كيلو وبعدين تدخل شمال بحيث تبقى موازى لطريق النصر , الشارع دا يعتبر امتداد مصطفى النحاس هاتلاقى اشرفكوا على اليميناقتباس:
المشاركة الأصلية كتبت بواسطة احمد المصرى
انا اسف ان الوصفه مش مظبوطه لانى ماروحتش بقالى فتره
غالى جدا الجنط الصينىاقتباس:
المشاركة الأصلية كتبت بواسطة احمد المصرى
و جنوط السيراتو بتتباع فى رينج 500 للجنط الواحد .يعنى هيكسب منك رايح جاى كتييييييير جدا
و اوعى تشترى جنوط صينى بتتقطم بسهوله
لسه فى فيرنا ركب جنوط صينى و اتقطم من مطب و العجله بالجنط طار برا العربيه .
ربنا يستر طريقك .
و لما تيجى تجيب كاوتش و خايف من البلالين هاته zr هيبقى اقوى من العادىبكتير و هيستحمل المطبات اكتر لان سمك الكوتش من الجنب بيبقى اعرض .و هات الكوتش اللى فيه الشفه اللى بتحمى الجنط .
و هات نوع كويس و ليه ريفيوهات كويسه . بغض النظر عن عن الجنط 16 او 17 او 15
لو عاوز تبعد خالص عن البلالين و عاوز العربيه تطرى اكتر هات ال 15
أنا كان الأستبن بتاعي اتسرق فاشتريت من الجندي اللي في شارع دمشق جنط 16 الأصلي بتاع السيراتو زي اللي عندي بالضبط ب1250 جنيه
ممكن تجيب الأربعة ب5000 لو ما أخدتش منه خصم
وتبيع بتوعك لأي حد ب2000 مثلاً مع أني مستحرمهم بس تلاقيك اتهريت كاوتشات
وشكله لايق على العربية لأنه بتاعها اصلاً
وممكن تجيب كوري من أشرفكو اللي في الحي السادس - مدينة نصر قدام جامعة الأزهر
وممكن تشوف عند ارابكو مدينة نصر عند سيتي ستارز
من بعد قسم ثانى مدينه نصر (قصاد مبنى امن الدوله يعتبر اول مصطفى النحاس ) بحوالى 500 متر امام بوابه المدينه الجامعيه للأزهر بالحى السادساقتباس:
المشاركة الأصلية كتبت بواسطة احمد المصرى
الشارع اصلا كله تجار كاوتش و انت ماشى اكد حتشوف المحل
شوف الجنط 16 بتاع الكارينز لو ينفع يركب فى السيراتو شكله قريب من الجنط 17 بتاع السيراتو
لو هتبيع جنوطك ال 17 انا عاوز اشترى الاستبن منك يا باشا .
اقتباس:
المشاركة الأصلية كتبت بواسطة moha4tec
انا رحت بردج استون فى اكتوبر قالى دخل الجنوط ال 17 فى جنوط 16 راس فى راس من غير ما تدفع فرق بس المشكله ان لما الاقى حد عايز 17 ...... بس فعلا كله بيقول بلاش صينى
والله انا ميال لتركيب 16 علشان ارتاح واريح دماغى بس عايز جنوط حلوه وسعر طبيعى مش اسعار حراميه