الموضوع: اقتنعتوا انه مصري

المشاركة الأصلية كتبت بواسطة y a r i s

رغم اني في فترة اطلاق سراح مشروط للمشاركات
بس مش قادر امسك ايدي .... هو بص ياعزيزي انا الحج قالهالي زمان قالي يا ابني الجواز ده بالضبط بيخلييك ثور مربوط بساقية وتفضل تلف. حولين الساقيه في روتين الحياة .... ومع الاسف. الي يقول الرجل المصري جبار يكون غلطان. ده الرجل المصري ياعيني ماهو غير رجل مسكين غلبان مغلوووب على امروا .... احنا عندنا المرأة المصرية جبروتها يهد جبااااااال .... وانا من الناس المؤمنة ان حكاية بنى الاهرمات هتلاقي فرعون بيقول لمراتوا: ها يا حبيبتي تحبي ابنيلك فيلا ولا قصر.
قالتلوا : لا يا حبيبي انا عاوزة جبللللللللل
فرعون : . جبل ايه يا حببتي بس وهنجيب الطوب منين
فرعونه : مليش دعوة ياحبيبي اتصررررررررررررررررف مش انتي فرعوني ولا اقولك انا سمعت من فرعونه زميلتي ان في شوية طوب حلوين في جنوب مصر ابعت هتلينا شوية طووووووووب من هناك .
وياريت وصل الموضوع لكده وبس بعد مابنالها الهرم ياعيني طوبة طوبة
قالتلوا : والنبي ياحبيبي عاوزة مركب بتطير وتطلع تفسحني في الشمس ... وكل ما اكون زهقانه نطلع نطير بيها شوية
فبنالها المركب بس مع الاسف ماطريتش

@@@@@@@@@

المشكلة مش في الهرم ولا في المركب المشكلة ان كل فرعوووونه من فرعونات مصر
قالت لجوزها اشمعنا فرعونه عندها هرم وانا لأه. انا عاوزة كمان هرم ويكون اكبر من هرمها ومن هنا بدئت قصة بناء الاهرمات في مصر الي العلماء محتاريين فيها لغايت دلوقتي هههههههه. وتحياتي

يا باشا هاااار اسود ده انت فظيع السر ده مخبيه من امتى ده العالم كله نفسه يعرف سر بناء الاهرامات هههههههههه

والله احنا كلنا شعب طيب فينا ال فيه جبروت وفينا ال مفهووش اى حاجه