زياده الجنط ٢ بوصه يدمر العفشه

**ana** · 26-09-2012 07:28 PM

السلام عليكم أنا النهارده كنت بلف و بدور على جنط ١٧ لعربيتى فوقفت عند واحد سالنى الاصلي كام قلتله ١٤ قاللى حرام عليك هت دمر العفشه صدقته بس قاللى لو ركبت ١٦ برضه هتبوظ العفشه وقاللى لو هتركب ركب ١٤ او ١٥ متركبش اكتر من كده وانا عايز اشترى النهارده او بكره بالكتير فهل هتبقي فيها مشكله لو جبت ١٦ وغيرت مقاس الكاوتش من 185/70 /14
هخليه 205/50/16 فأرجو الرد السريع و شكرًا مع العلم ان العفشه محتاجه جوز مساعدين خلفى وجلب مقصات

**تامر.محمد** · 26-09-2012 07:41 PM

مش هاقول اني جربت , بس اي حد شفته زود 3 بوصة عفشته بتتدمر فعلا لاختلاف وزن الجنط

ظني الشخصي ان 2 ممكن , بس برده فيها مخاطرة كبيرة
في حين ان بوصة واحدة امان تماما

**mbx4e** · 26-09-2012 08:38 PM

دا انت وهو لازم تتغير الطنابير عشان تعدل صح وماتعرضش بغباء الجنط ذات نفس القطر في اكتر من عرض دا غير اختلاف ابعاد المسامير واختلاف مركزيتهم على بعض ودا كله بيحدده حجم وقياسات الطنابير

**vinosse** · 26-09-2012 08:56 PM

المشاركة الأصلية كتبت بواسطة bkaltalamana

بص ياباشا القول الفصل في الموضوع ده لو وزن الجنط الجديد ازود حوالي 10% او 15% عن الوزن بتاع الجنط الاصلي مافيش مشكله حتي لو ركبت جنط 40 .. ياريت تكون وصلت المعلومه اللي هي بتقول اهم حاجه ان الجنط اللي هتجيبو يكون خفيف عشان مايأثرش علي العبشه بالسلب

صح كدة

**ana** · 27-09-2012 04:13 AM

المشاركة الأصلية كتبت بواسطة hassanin_lada

بص ياباشا القول الفصل في الموضوع ده لو وزن الجنط الجديد ازود حوالي 10% او 15% عن الوزن بتاع الجنط الاصلي مافيش مشكله حتي لو ركبت جنط 40 .. ياريت تكون وصلت المعلومه اللي هي بتقول اهم حاجه ان الجنط اللي هتجيبو يكون خفيف عشان مايأثرش علي العبشه بالسلب

تمام يا باشا كده بس انت أكيد عارف ان الجنوط الخفيفة بتبقى غاليه جداً وعموما هبص

**ana** · 27-09-2012 04:14 AM

المشاركة الأصلية كتبت بواسطة تامر.محمد

مش هاقول اني جربت , بس اي حد شفته زود 3 بوصة عفشته بتتدمر فعلا لاختلاف وزن الجنط

ظني الشخصي ان 2 ممكن , بس برده فيها مخاطرة كبيرة
في حين ان بوصة واحدة امان تماما

عندك حق وشكرا لمرورك

**hassanin_lada** · 27-09-2012 10:39 AM

المشاركة الأصلية كتبت بواسطة ana

تمام يا باشا كده بس انت أكيد عارف ان الجنوط الخفيفة بتبقى غاليه جداً وعموما هبص

احنا اتعلمنا هنا في المنتدي نقول الصح والعضو يعمل اللي يعمله اهم حاجه نوصل المعلومه صح ونوصله موضوع التعديل بيتحسب ازاي وبس :)

**sabregas2010** · 27-09-2012 07:56 PM

انا يا باشا عربيتى اصلا 14 وانا ركبت جنط 15 وبعدين ركبت جنط 16 وبصراحة فرق معايا تماما فى ثبات العربية وبعمل الصيانة فى التوكيل والعفشة سليمة جدا والحمد لله مع العلم ان استخدامى للجنط 16 مختلف شويه عن ما كانت 14 و 15 ولما فكرت اجنط 17 كله حذرنى منه وبصراحة خفت وسمعت الكلام وخلتنى فى الجنط 16 ومقاس الكاوتش عندى 205/45/16