تقرير على السريع,استهلاك بنزين "صنى الجديدة"

السلام عليكم ورحمة الله وبركاته

الموضوع ده بخصوص اول مشوار طوالى فعلى ليا بالصنى الجديدة

الرحلة :كانت من المنصورة للقاهرة

التفاصيل:
مونت الصبح التانك على الاخر لحد تكة المسدس,كنا اربعة اشخاص وبما ان العربية بتلين كانت السرعة القصوى 100 واحيانا 110 وبدون تكييف الا مرة وانا راجع شغلته 10 دقايق قولت اجربه برده وطبعا المسافة المقطوعة كان فيها وقوف كتير فى اشارات فى القاهرة وزحمة

المسافة المقطوعة: رايح جاى باللف فى القاهرة 286 كيلو لحد البنزينة فى المنصورة

الكمية المستهلة للمشوار: 23 لتر برده لحد تكتة المسدس وكان العداد البزين فى نصه بالظبط

انا حبيت بس انقل تجربتى, وبصراحة العربية بصفة عامة ممتازة وربنا يبارك فيها..., والسلام ختام

سبحان الله وبحمد سبحان الله العظيم

اولا شكرا ً علي التقرير ..
علي فكرة دا استهلاك ممتاز جدا .. ده معناه ان اللتر بيعمل معاك 12.50 كيلو
بس لو عايز تعرف الاستهلاك بالظبط يبقي لازم تفول العربية لحد الزور و تصفر عداد الرحلات و تموت بعد مسافة كبيرة و من هنا تعرف استهلاكك بالظبط اد ايه

الف مليون مبروك يا دوك
وتسلم على افادتك للقسم نيسان
وبسم الله ماشاء الله القراءة كويسة بالنسبة لعربية لسه فى التليين .. وكمان انت بتقول انك دخلت فى زحمة
وكمان كان مفروض متزدش على 100 فى السرعة عشان تقدر تحكم على البنزين اكتر .. بس كدا مش وحش ابدا كبداية واهم حاجة اتاكد من مقاس ضغط الكاوتش انه مظبوط ولالا

وربنا يباركلك فيها ويكفيك شر الطريق ويبعد عنك العين والحسد

تحياتى ليك

شكرا على نقل التجربة .. ومقارنة بتجارب باقى الاعضاء هتلاقى الصفيحة معاك ممكن تعمل 300 او 320 كم كمان مش 250 كم بس بعد صيانة الالف و ال5000 كم

ما شاء الله
ربنا يبارك ..

اقتباس:

---

المشاركة الأصلية كتبت بواسطة youssef.awad

شكرا على نقل التجربة .. ومقارنة بتجارب باقى الاعضاء هتلاقى الصفيحة معاك ممكن تعمل 300 او 320 كم كمان مش 250 كم بس بعد صيانة الالف و ال5000 كم

---

طواااالى 345كم فى الصفيحة
و فى كام تجربة فى الايام القادمة ان شاء الله

اقتباس:

---

المشاركة الأصلية كتبت بواسطة peaceman

اولا شكرا ً علي التقرير ..
علي فكرة دا استهلاك ممتاز جدا .. ده معناه ان اللتر بيعمل معاك 12.50 كيلو
بس لو عايز تعرف الاستهلاك بالظبط يبقي لازم تفول العربية لحد الزور و تصفر عداد الرحلات و تموت بعد مسافة كبيرة و من هنا تعرف استهلاكك بالظبط اد ايه

---

طب ليه لازم يفول لحد الزور هو مش المفروض الأدق عند تكة المسدس
يعنى لو عربيتين نفس الموديل و فولتهم لحد تكة المسدس
المفروض البنزين فى العربيتين أد بعض بالظبط لان العوامتين وصلوا لنفس المستوى
لكن لو عامل البنزينة فول كل واحدة فيهم لحد الزور
هنا ممكن تختلف شوية
لان ممكن يفول واحدة أقل من التانية مش لحد آخر الزور

تقرير رائع و ربنا يبارك لحضرتك في العربيه

تحياتي

تقرير جميل وهيكون أدق بعد التليين والصيانة ان شاء الله والف مبروك عليك العربيه وربنا يباركلك فيها .

ربنا يباركلك فيها و الاخوه ملاكها ان عملوا ارقام افضل من كده فى معدل الاستهلاك و ان شاء الله الاستهلاك يبقى احسن من كده بعد الصيانات الجايه

بارك الله فيك ع الافاده

اقتباس:

---

المشاركة الأصلية كتبت بواسطة peaceman

اولا شكرا ً علي التقرير ..
علي فكرة دا استهلاك ممتاز جدا .. ده معناه ان اللتر بيعمل معاك 12.50 كيلو
بس لو عايز تعرف الاستهلاك بالظبط يبقي لازم تفول العربية لحد الزور و تصفر عداد الرحلات و تموت بعد مسافة كبيرة و من هنا تعرف استهلاكك بالظبط اد ايه

---

نجرب المرة اللى جاية تفويلة الزور دى ....... شكرا يا بيشوى على ردك الجميل :)

اقتباس:

---

المشاركة الأصلية كتبت بواسطة ahmed.tv

الف مليون مبروك يا دوك
وتسلم على افادتك للقسم نيسان
وبسم الله ماشاء الله القراءة كويسة بالنسبة لعربية لسه فى التليين .. وكمان انت بتقول انك دخلت فى زحمة
وكمان كان مفروض متزدش على 100 فى السرعة عشان تقدر تحكم على البنزين اكتر .. بس كدا مش وحش ابدا كبداية واهم حاجة اتاكد من مقاس ضغط الكاوتش انه مظبوط ولالا

وربنا يباركلك فيها ويكفيك شر الطريق ويبعد عنك العين والحسد

تحياتى ليك

---

والله يا عمدة انا كنت مظبط ضغط الكاوتش وماليه نيتروجين... والمرة اللى جاية فعلا هحاول ما ازودش عن 100... ومتشكر يا ا/احمد فعلا على مجهودك

اقتباس:

---

المشاركة الأصلية كتبت بواسطة youssef.awad

شكرا على نقل التجربة .. ومقارنة بتجارب باقى الاعضاء هتلاقى الصفيحة معاك ممكن تعمل 300 او 320 كم كمان مش 250 كم بس بعد صيانة الالف و ال5000 كم

---

يا رب يا د.يوسف وشكرا على اهتمامك

اقتباس:

---

المشاركة الأصلية كتبت بواسطة s o p h o s

ما شاء الله
ربنا يبارك ..

---

يا رب وشكرا لمرور حضرتك واهتمامك

اقتباس:

---

المشاركة الأصلية كتبت بواسطة mollaelolla

طواااالى 345كم فى الصفيحة
و فى كام تجربة فى الايام القادمة ان شاء الله

---

مستنيك تقريرك يا دكتور

اقتباس:

---

المشاركة الأصلية كتبت بواسطة dodyam

طب ليه لازم يفول لحد الزور هو مش المفروض الأدق عند تكة المسدس
يعنى لو عربيتين نفس الموديل و فولتهم لحد تكة المسدس
المفروض البنزين فى العربيتين أد بعض بالظبط لان العوامتين وصلوا لنفس المستوى
لكن لو عامل البنزينة فول كل واحدة فيهم لحد الزور
هنا ممكن تختلف شوية
لان ممكن يفول واحدة أقل من التانية مش لحد آخر الزور

---

والله نظرية برده.. واتفق معاك

اقتباس:

---

المشاركة الأصلية كتبت بواسطة szaalouk

تقرير رائع و ربنا يبارك لحضرتك في العربيه

تحياتي

---

يا رب يا باشا ويبارك لك انت كمان

اقتباس:

---

المشاركة الأصلية كتبت بواسطة ahmed452003

تقرير جميل وهيكون أدق بعد التليين والصيانة ان شاء الله والف مبروك عليك العربيه وربنا يباركلك فيها .

---

[color="rgb(153, 50, 204)"]يا رب يتحسن فعلا بعد التليين وشكرا على اهتمامك [/color]

اقتباس:

---

المشاركة الأصلية كتبت بواسطة kliken

ربنا يباركلك فيها و الاخوه ملاكها ان عملوا ارقام افضل من كده فى معدل الاستهلاك و ان شاء الله الاستهلاك يبقى احسن من كده بعد الصيانات الجايه

---

[color="rgb(153, 50, 204)"]اتمنى كده والله وشكرا لحضرتك[/color]

اقتباس:

---

المشاركة الأصلية كتبت بواسطة limo81

بارك الله فيك ع الافاده

---

[color="rgb(153, 50, 204)"]وبارك فيك يا ياشا[/color]

اقتباس:

---

المشاركة الأصلية كتبت بواسطة dodyam

طب ليه لازم يفول لحد الزور هو مش المفروض الأدق عند تكة المسدس
يعنى لو عربيتين نفس الموديل و فولتهم لحد تكة المسدس
المفروض البنزين فى العربيتين أد بعض بالظبط لان العوامتين وصلوا لنفس المستوى
لكن لو عامل البنزينة فول كل واحدة فيهم لحد الزور
هنا ممكن تختلف شوية
لان ممكن يفول واحدة أقل من التانية مش لحد آخر الزور

---

تكة المسدس ديه مش دقيقة ابدا ً ابدا ً و علي فكرة موضوع التفويل لحد الزور ده من آراء كتيرة و خبرات و علي فكرة انا شاري عربيتي بقالها اكتر من 3 سنوات و نصف و بفول للزور و بتدي نفس التقارير بنسبة 100%

اقتباس:

---

المشاركة الأصلية كتبت بواسطة Dr_MaTrix

مستنيك تقريرك يا دكتور

---

حته كده عى الماشى
اليوم وصلت لمعدل 5.5لتر لكل 100 كم average بعد رحلة 100كم طوالى على متوسط سرعة 95
و ده معناه ان المعدل بيتحسن باستمرار ( واضح ان خلال ال5000 الاولى كل 1000 كيلو حتلاحظ تحسن اكثر فى معدل الاستهلاك)

استهلاك مناسب جدا

انا بتعمل معايا فعليا 6,6 لتر لكل 100 كم مع العلم السرعات عالية (متوسط 140 كم / س ) ومشغل تكييف باستمرار وده بعد صيانة الالف بشوية وقبل ما حتى اوصل ل 5000 وتم حساب الاستهلاك عن طريق الاتي :
تصفير عداد الرحلات بين تفويلتين
تكرار العملية السابقة بمعدل اكتر من 3 مرات
يتم حساب كل مرة على حده وعمل متوسط للقراءات
بذلك يكون في النهاية معدل فعلي بنسبة خطأ ضئيلة سواء بالزيادة او النقصان
حيث يكون في النهاية متوسط استهلاك البنزين كذا ( ممتاز - جيد جدا - جيد - مقبول - مرتفع - مرتفع جدا )

متوسط الاستهلاك عندى 8.6 لكل 100 ك العربية عاملة 3000 كليو مش عارف هل الاستهلاك هيتحسن و لا اية

اقتباس:

---

المشاركة الأصلية كتبت بواسطة ekrami

متوسط الاستهلاك عندى 8.6 لكل 100 ك العربية عاملة 3000 كليو مش عارف هل الاستهلاك هيتحسن و لا اية

---

حيتحسن