ههههههههههههه بفكر اتجوز....ايه اخبار الاهالي في اليومين دووول

**wael30003** · 28-09-2012 02:44 PM

هاقولك كلمتين
انا كنت حاطط شروط للى هاتجوزها شروط كتير

انا هاقولك حاجة انا استفدتها بعد الجواز

اولا : اذا اردت فاطمة فكن عليا

ثانيا : شوف نفسك انت ايه ؟

لو انت تنك هتناسب ناس تنكه

ولو متواضع ان شاء الله هتناسب ناس زى الفل

بس اللى احب اقوله لك مش كل الواصفات اللى انت عايزها هتلاقيها لازم تتنازل عن بعض المواصفات

رابعا اعمل بوصية حبيبك محمد صلى الله عليه وسلم

فاظفر بذات الدين تربت يداك

وبعد كده الاخلاق

واى حاجة تانية ممكن تتعوض الا الدين والاخلاق

وربنا يرزقك ببنت الحلال

**akramlail** · 28-09-2012 03:31 PM

انا بقا مبقتش عارف اختار ع اى اساس ولا بقيت فاهم حاجه
انا مش حابب الصالونات ومش مقتنع وفشل معايا
اما الحب باجى ساعتها واقول اللى بعمله ده صح ولا غلط
طب مهى كان ممكن تعمل كده مع اى حد ولا هى عاوزة تتجوز وخلاص
مبقتش فاااااااااااهم

**ميرو اسامه** · 29-09-2012 12:40 PM

نصيحه من متجوز ...لوانته عازب فانته فى مشكله .. وحدانى - حياتك مهرجلة - فى المجتمع كأنك نص بنى ادم ....... ولوانته متجوز فانته فى مشكله من نوع اكبر...مسؤليه اسرة - ومشاكل وطلبات اولاد ماتنتهيش..والمدام واخداك كأنك أسير حرب تخلق كل طلباتها من تحت الارض وهيا عليها تشاور بس

**yoko** · 29-09-2012 12:43 PM

المشاركة الأصلية كتبت بواسطة akramlail

انا بقا مبقتش عارف اختار ع اى اساس ولا بقيت فاهم حاجه
انا مش حابب الصالونات ومش مقتنع وفشل معايا
اما الحب باجى ساعتها واقول اللى بعمله ده صح ولا غلط
طب مهى كان ممكن تعمل كده مع اى حد ولا هى عاوزة تتجوز وخلاص
مبقتش فاااااااااااهم

هو لما تحب واحده لازم تكون ماشي معاها إنت ممكن كلام عادي جدا تعجب بيها تتقدم مش بحبك وبموت فيكي قبل الجواز وتتصاحبوا وبالشهور على ما تفكر تروح تتقدم!!!

المشاركة الأصلية كتبت بواسطة ميرو اسامه

نصيحه من متجوز ...لوانته عازب فانته فى مشكله .. وحدانى - حياتك مهرجلة - فى المجتمع كأنك نص بنى ادم ....... ولوانته متجوز فانته فى مشكله من نوع اكبر...مسؤليه اسرة - ومشاكل وطلبات اولاد ماتنتهيش..والمدام واخداك كأنك أسير حرب تخلق كل طلباتها من تحت الارض وهيا عليها تشاور بس

مش كل الستات

**yoko** · 29-09-2012 01:47 PM

المشاركة الأصلية كتبت بواسطة ميرو اسامه

فالح

شكرا

**shaddadfalcon1** · 29-09-2012 05:55 PM

من الأخر اللي بيدور علي واحده يكون فيها كل المزايا اللي اي شاب يتمناها لازم هو كمان يكون فيه كل المزايا اللي اي بنت تتمناها

**Y a r i s** · 29-09-2012 07:36 PM

بس عودو لراس موضوعنا الي بنتكلم فيه هنا
انا بعتقد ان الاهالي بيجرو رجل العريس في البداية وطبعاً تمسع الدباجه بتاعت كل الاهالي احنا بنشتري راجل. احنا ميهمناش الفلوس .... احنا ميهمناش الماديات المهم سعادة بنتنا ..... الخ

@@@@@@@@@@@@@

بس وقت الجد وفي عز الزحمة وخلاص بعد ماجيت رجلك في الخية تبص تلاقي وش تاني خالص وعاوزين وعاوزين وعاوزيين ومش ناقص يقلك عاوزين لبنتنا فلاية بالكهربة وشخارة بالكهربة ... وفي الاخر قبل الكتاب بساعتين تبص تلاقي حماك سحبك بشويش كده من وسط المعازيين وبعيد عن عيون اهلك ويقلك. تعاله يا حبيبي عاوزك في كلمتين. .... قبل ماتمضي على بنتي وتكتب كتابك عليها امضي هنا ياحبيبي على الفرش والعبش والمنقولات
طبعاً انتا هتزبهل كده وهتبلم. وتقولوا ايه ده ياعمي
انتا هتديني بنتك اعز ما تملك وخايف على شوية خشب وانتيكات ومش خايف على بنتك الي هتبقى معايا
يقلك لا ياحبيبي. الحق حق
انتا : بس احنا متفقناش على كده ياعمي
عمك: ياحبيبي امضي ومتضيعش وقت الناس بره بتستنى ههههههههههه
انتا تيجي تمسك القايمه علشان تمضي ( تبص تلاقي قايمة ب ٢٥٠.٠٠٠ جنية اقل واجب ) وحاجات مجتش كمان .... ومش بعيد تبص تلاقي في وسط القايمة قمر صناعي نايل سات. بقنوات مفتوحه وقنوات مشفرة ....
انتا طبعاً هتصرررررررررررررخ باعلى صوتك متين وخمسين اللففففففففففففف جنيه ليه انشاء الله هو انا هتجوز بنتك ولا هتجوز اوكتافيا ٢٠١٢ هههههههههههه

فهما كده الاهالي بقو عاملين زي الشركات السياحية الي عاملين سداد في الاقساط. وتسهيلات وبدون ضمنات. ومش عارف ايه اصناصير هديه على كول وحده سكنية وفي النهاية كتشف بلاووووووووي زرقه ورى التسهيلات دي

**pro_samir** · 29-09-2012 08:42 PM

المشاركة الأصلية كتبت بواسطة Amro_ON

عثل والله ... تعلقاتكم مشجعه جدا ... خصوصا اني عندي انترفيو صالونات النهارده ... أحبطوا الراجل واحبطوني

طب اعمل ايه يعني هدني عايش وحيد كده في الشقه لحد مشنق نفسي .... هدني كده بتفسح لوحدي بما ان صحابي متجوزيين ومش فاضيين ... هدني كده اروح نوادي هاديه وشيك لوحدي وكل واحد قاعد مع الحته بتاعته وانا قاعد بحب في كنز البيبسي

طب لو حبيت افضفض مع حد ولا اشكو لحد اروح لمين .... صحابي كلهم في حته وانا في حته ... هيدنو كده كل اكلي تك اوي وبتتزا ومطاعم او بايت من اول امبارح وعلى مروح بيكون الاكل برد وبكسل اسخن .... هدنها هدومي معفنه لحد منزل اخر الاسبوع او اسبوعين لماما عشان تغسلهم.... طب الشقه هدنها مقلب زباله عشان بروح مهدود من الشغل وبكسل انضف الشقه لحد ما تستغيث كده او لحد ما ماما واختي تيجي تنضفا كل شهر او شهرين او تلات شهور ....

طب الواحد كده هيدنو حاسس ان الدنيا ملهاش طعم ومش مستاهلها الواحد يدفن نفسه فالشغل طلما الحمدلله المرتب بيكفي ويفييييييض وبجيب اللي انا عاوزه والحمدلله ... يبأ ليه اتعب نفسي في الشغل زياده وادور على ترقيه ومسؤوليات جديده في الشغل

الحمدلله انا معايا كل حاجه بس الدنيا ملهاش طعم وبهتااااااا

عندك حق طبعا

بس المشكله انك احتمال بعد ما تتجوز تلاقي كل الحاجات دي زي ما هي

وضيف عليها انك هتبقي قرفان من البيت ومش طايق تروح

لازم تفتح عنيك كويس قبل ما تدوس

-

الموضوع: ههههههههههههه بفكر اتجوز....ايه اخبار الاهالي في اليومين دووول

LinkBack

أدوات الموضوع

عرض

-

-

-

-

-

المواضيع المتشابهه

محدش جدد ترخيص اليومين دول يقولنا اخبار المرور ايه دلوقتى ..؟

انت مين فى دول ولا كل دووول

بفكر اتجوز تاني

عاوز اتجوز.............. اة عاوز اتجوز فيها حاجة ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة