الموضوع: طرق سرقه السيارات بالكامل لاخذ الحيطة -حصري لنايل موتورز

المشاركة الأصلية كتبت بواسطة mohammedaladel

مرة واحد واقف بيمون الموتيسيكل بتاعه بنزين وسايب المفتاح فيه

واحد معدى عليه وقاله طيب مش تشيل المفتاح من الموتيسيكل وإنت بتمون محدش ضمن الظروف

قال له : وهيحصل إيه يعنى ؟

راح الراجل ركب الموتوسيكل وقاله هيحصل كدا ودور ومشى

هم يضحك و هم يبكي

في يا جماعة طريقة كويسة ممكن تتعمل عشان لو لا قدر الله اتسرقت العربية بعد ما امنتها بجهاز انزار او غير ممكن توصلها بسهولة ان شاء الله

الفكرة مش مكلفة خالص
وهى انك تجيب موبيل رخيص ارخص حاجة في السوق وتحط جواه خط وتعمل الموبيل صامت
وتخبيه في في العربية وكل تلات شهور تعمل منه مكالمة عشان الخط ميقفش بس
وكل كام يوم تطلعه تشحنه وترجعه تانى او تعملة وصله دائمة من بطرية العربية

طيب بعد كل ده ايه فايدة الموبيل ؟؟؟

الفايدة من ان لو العربية اتسرقت تقدر تبلغ الشرطة والشرطة تعمل للموبيل عملية تتبع وتعرف العربية مكانها فين دلوقت عن طريق شركة المحمول
وبكدة تسهل موضوع البحث عن العربية وتساعد الشرطة انها ترجعهالك في اسرع وقت ممكن

الطريقة انا عاملها في العربية عندي + جهاز gps علشان لو الحرامية فصلوه ... اقدر اوصل للعربية عن طريق الموبيل اللى مخبيه في حتة جوة العربية ميعرفهاش الجن الازرق

وتحياتي للجميع
م حسام جبارة

ناخد بالاسباب يعنى ايه ؟ لما تسيبها وتمشى قول (اللهم انى استودعتك سيارتى هذه) واللى ربنا عاوزه هيتم بس نبقى عملنا اللى علينا