تغير زيت فتيس a4

**magedkahla** · 27-09-2012 08:11 PM

انا معاية اوكتافيا 2007 a4 شاريها من 4 شهور بس وعاملة 68ألف كيلو لحد دلواتي وعايز أغيرلها زيت الفتيس المهم انا لية مهندس مكانيكي شال في الألماني بس ورى حديقة بدر اسمو محمد محسن المهم بقى قالي الزيت بتعها تمنو تقريبا 1200 حاجة زي كدة وهو زيت لونو أبيض الزيت الأصلي بتعها انا ملقتش برة الزيت الأبيض ده ومش عارف اجيبو منين فهل الكلام ده صح ولا ايه النظام مع العلم انو شخصية محترمة جدا وعندو عربيات ألماني كتير جدا بس انا كل لما اروح لحد يورين الزيت الالماني إل بــ 100 جنيه إل لونو اسود فلو حد عندو خلفية يا ريت يقولي يا جماعة معلش طولت عليكم

**lamada** · 27-09-2012 10:10 PM

كلامه مظبوط فعلا و عن تجربه فى سيارة بورا

**AbO MosTaFa** · 27-09-2012 11:15 PM

ليا واحد صاحبي معاه a4 النهارده غير زيت الفتيس حط زيت ليكوي مولي الالماني 5 ليتر والليتر ب 90 جنية

والزيت زي الفل

**abdallah12345** · 28-09-2012 12:41 PM

مبروك يا باشا علي العربيه وربنا يديك خيرها ويكفيك شرها .وانا معايا واحد اختها 2007 برده بس الحقيقه مش فاكر كان الزيت بكام . ياريت اعرف منك انت اشتريتها بكام علشان بفكر ابيع بس عايز اعرف الاسعار عامله ايه دلوقتي

**magedkahla** · 28-09-2012 01:27 PM

الله يبارك فيك يا باشا بالنسبة للعربية بتعتي هي 2 إير باج وتاكيف تاتش طبعا الكاسيت العقيم ابو شرايط بس انا غيتو وجيبت بايونير كانت ماشية 50 ألف كيلو بس هي كانت استيشن وكانت حالتها شاذة جدا جدا جدا فابريكا جوة وبرة يعني إل يشوفها كان يقول عليها زيرو مشاء الله بس هي استاشن مش عادية لإني عندي شقة كدة بوضبها وآجاك الله على مصاريف النقل فجبتها استاشن علشان تساعد شوية والصراحة وفرت عليه كتير الحمد لله بالنسبة لسعرها هي كانت عاملة 94 ألف جنيه
بس ناقصلي انا بس موضوع زيت الفتيس هتوكل على الله وأغير الزيت لإنها بتنتش معاية لإن حصلت مشكلة اني حطيت ماية مضروبة والماية المضروبة ده بوظت الكولر بتاع الفتيس والماية دخلت على زيت الفتيس فعايز أغير الزيت واخلص من النتشة السخيفة ده منهم لله التجار الحرمية بتوع مصر وحاجتهم المضروبة

**ibrahimssh** · 29-09-2012 04:03 PM

بص يا باشا الزيت الأصلى اللتر بيعمل 175 جنية و الفتيس بياخد حوالى 4 كيلو و بس لازم تغير فلتر زيت الفتيس و دة فى حدود 275 جنية و لازم تراجع على جوان كارتيرة الفتيس ان كان شغال ممكن تركبة زى ما كان و نصيحة اوعى يجيب غير الأصلى و الأ انسى الفتيس ( ممكن تلاقى الأصلى عند الهاشمية خلف المستشفى الجوى بالعباسية )

**engmohfaw** · 01-10-2012 02:48 AM

السلام عليكم
اولاد
الزيت الكيلو بتاعه عامل 90 جنيه فعلا مش شرط تجيب الاصلى لكن تجيب من واحد مضمون ولو هتغير على 50 الف الغيار الجاى غير على 40 واظن فرق السعر يستاهل
ثانيا كتالوج العربيه بيقول انك تحط 3 كيلو وبعدين تدور العربيه وتحطها على الكمبيوتر لحدماتوصل درجة حرارة الفتيس من 35-40 ساعتها بطل العربيه وافتح الطبه تانى شرط ان العربيه تكون على سطح مستوى لو مفيش زيت نزل هتزود لو الزيت نزل هتستنى لحاد ما الزيت ينزل وتقفل الطبه وده مع تغيير الفلتر والجوان بتوع الكارتيره بتاع الفتيس ومتخليش صنايعى يقولك هدى سنة مارش بدون ما ادور العربيه بحجه انه بيصفى الزيت اللى جوه كله لان ده غلط على الفتيس جدا