الموضوع: خـاص لنايل موتـورز .. نيـسان ايجـيبت توضـح أسـباب إســتدعاء سـيارات القاشـقاى فى مصـر

ده خبر يرفع من نيسان وليس العكس ..

المشاركة الأصلية كتبت بواسطة land_cruiser

الاستدعاء دى معناه وجود متابعه للعربيه حتى بعد البيع و ده ضمان لاستمرار الجوده و لا تنتهى علاقه نيسان بالمشتري بمجرد البيع و لكنها دائماً بجواره لكى تقدم له افضل ما عندها. يعنى لو شركه تعبانه كانت سابت العيب يبوظ حاجه و بعد كده تصلحه بمبلغ محترم و تقول ده عيب استخدام و الكلام اياه ده لكن نيسان شركه محترمه فعلا ما تعملش كده أبدا طبعا

كلام جميل و مظبوط
شكرا نيسان

مشكورين أخوانى جميعاً على المشاركة والردود
انا رحت أوتو ايجيبت امبارح (السبت 29/9/2012) حسب الحجز وهناك عرفت التالى
زى معظم مصانع السيارات بالعالم تقوم نيسان بتصنيع بعض قطع سياراتها الأساسية والمهمة داخل مصانعها فى حين تقوم باستيراد بعض القطع الأخرى (ولنقل الأقل أهمية) من موردين من مختلف أنحاء العالم
وفى حالتنا فى العربيات القاشقاى قامت نيسان باستيراد القطعة الواصلة بين طارة الدركسيون وعمود الدركسيون من أكثر من مورد فى العالم بمواصفات فنية معينة
وكان أن قام أحد الموردين بتوريد تلك القطعة بعدد 2 كلبس فقط وليس 3 كلبس كباقى الموردين ولما كانت تلك قطعة غير ذات أهمية كبرى فى السيارة تم تركيب هذه القطعة لحوالى 7400 سيارة قشقاى فى العالم وصل منهم ما يقرب من 500 سيارة لمصر
ولكن فريق مراقبة الجودة بنسيان أكتشف قصور تلك القطعة عند اختبار السيارة على سرعات عالية وملفات خطرة حيث تؤثر على استجابة عجلة القيادة بنسبة تقل عن النسبة القياسية بحوالى 3% وعليه قررت الشركة استدعاء كل السيارات التى اشتبه فى احتوائها على هذه القطعة فى كافة انحاء العالم
طبعا فى مصر هنا بقى اتصلوا بمالكى الـ 500 عربية دول وانا كنت منهم عشان يطمنوا
واللى بيتم كالتالى
بيفتحوا الطارة ويبصوا على القاعدة اللى واصلة بعمود الدركسيون لو لاقوها مربوطة بـ 3 كلبسات يبقى تمام والعربية مفيش فيها مشكلة وبيقفلوا وتمشى فى خلال 15 دقيقة بالظبط (والله من غير مبالغة 15 دقيقة فعلاً)
لا قدر الله لو لقوا القطعة بـ 2 كلبس بيفكوها ويركبوا قطعة أخرى بـ 3 كلبس وده بياخد حوالى 1 ساعة وبدون أى تكلفة من قبل العميل

الحمد لله عربيتى مطلعشى فيها القطعة ام 2 كلبس وفعلاً بعد 15 دقيقة كانوا خلصوا الفحص وكله تمام التمام

بصراحة انا كل يوم بحس ان فلوسى مرحتشى على الأرض لما اشتريت نيسان
ناس محترمين ووكيل محترم وشركة تهتم بادق التفاصيل

مشكورين جميعا مرة أخرى على مشاركتكم معايا
السلام عليكم ورحمة الله وبركاته

توكيل محترم ونتمنى من باقى التوكيلات ان تتبع نفس الاسلوب