صيانة المازدا ٣ ٢٠١٢

**medokassem** · 28-09-2012 04:43 AM

معلش ياجماعة اللي معاه العربية دي او اي عربية جديدة المفروض اول صيانة بتم علي كام كيلوا وايه اللي بيتغير فيها وفين مركز صيانة محترم ممكن يعملها الصيانة دي عشان قابلت واحد معاه العربية من شهر ٥ ٢٠١١ وماشية ٨٠٠٠ كيلو ومعملهاش اي صيانة ولا حتي غيرلها زيت ؟؟؟!

**shouk_1987** · 28-09-2012 05:09 AM

أنا أخويا معا نفس العربية بضمان غبور و تقريبا أول صيانة ليها 10000 على طول بس مش متأكد
و بيروح أبو رواش و كان قالى إن mazda هناك بس

**Ahmed_Adham** · 28-09-2012 12:20 PM

أول صيانه بتبقى غالبا تغيير زيت وفلتر زيت وبس.

**romar** · 01-10-2012 09:41 AM

التوكيل عنده صيانة ألف كيلو... بس الكتالوج مافيهوش إلا من أول 10 آلاف (تغيير زيت وفلتر وتدوير العجل وتربيط على العفشة وتنضيف فلتر الهواء والكشف على تيل الفرامل).... أنا العربية معايا عاملة 17 ألف كيلو ومروحتش التوكيل ولا مرة... ومعملتش صيانة الألف. وحتى صيانة 10 آلاف كيلو عملتها في سمارت كار في المعادي... والزيت بغيره في كاسترول المعادي وبفكر المرة اللي جاية إن شاء الله أجرب ليكوي مولي... أنا مفيش ولا مرة دخلت فيها توكيل سيارات معتمد في حياتي إلا وخرجت زعلان إني في يوم من الأيام رفضت بإرادتي الحرة إني أهاجر لكندا وإني أستقر في مصر :)

الصراحة أنا لا أئتمن 90% من صنايعية مصر إني أسيب عربيتي معاهم من غير ما أكون شايفها... سمارت كار سمحوا لي إني أدخل مع العربية في صيانة العشر آلاف وقالوا لي إن ده بس عشان أول مرة..بس إن شاء الله أنا ناوي في صيانة العشرين ألف إنهم لو مرضيوش أدخل مع العربية حطلع بيها على الحرفيين أعمل لها الصيانة

**romar** · 01-10-2012 09:56 AM

خلي بالك برضه إن موضوع صيانة الألف عند التوكيل دة سبوبة مش أكتر.. أعتقد إنهم بياخدوا الزيت ويبيعوه لأنه (بناءا على اللي مكتوب في الكتالوج) بيكون سليم... أو جايز يكونوا مش بيغيروا أي حاجة أصلا وبياخدوا بس حلاوة العربية الجديدة... ولو قولتلهم مش عايز أغير الزيت حيقولولك انت كدة حتخرج برة الضمان... بالنسبة لغبور... قراري إني أخرج برة الضمان بتاعهم كان من أسهل القرارات اللي أخدتها في حياتي :)

**medokassem** · 02-10-2012 12:54 PM

المشاركة الأصلية كتبت بواسطة shouk_1987

أنا أخويا معا نفس العربية بضمان غبور و تقريبا أول صيانة ليها 10000 على طول بس مش متأكد
و بيروح أبو رواش و كان قالى إن mazda هناك بس

تسلم ياباشا هو المشكلة صاحبها مش عايز يروح بيها بعيد لغبور وهو اساسا قافل منه ^_^

**medokassem** · 02-10-2012 12:55 PM

المشاركة الأصلية كتبت بواسطة ahmed_adham

أول صيانه بتبقى غالبا تغيير زيت وفلتر زيت وبس.

تسلم ياباشا انا اتصلت بيه وقلتله بردوا كده

**medokassem** · 02-10-2012 01:01 PM

المشاركة الأصلية كتبت بواسطة romar

التوكيل عنده صيانة ألف كيلو... بس الكتالوج مافيهوش إلا من أول 10 آلاف (تغيير زيت وفلتر وتدوير العجل وتربيط على العفشة وتنضيف فلتر الهواء والكشف على تيل الفرامل).... أنا العربية معايا عاملة 17 ألف كيلو ومروحتش التوكيل ولا مرة... ومعملتش صيانة الألف. وحتى صيانة 10 آلاف كيلو عملتها في سمارت كار في المعادي... والزيت بغيره في كاسترول المعادي وبفكر المرة اللي جاية إن شاء الله أجرب ليكوي مولي... أنا مفيش ولا مرة دخلت فيها توكيل سيارات معتمد في حياتي إلا وخرجت زعلان إني في يوم من الأيام رفضت بإرادتي الحرة إني أهاجر لكندا وإني أستقر في مصر :)

الصراحة أنا لا أئتمن 90% من صنايعية مصر إني أسيب عربيتي معاهم من غير ما أكون شايفها... سمارت كار سمحوا لي إني أدخل مع العربية في صيانة العشر آلاف وقالوا لي إن ده بس عشان أول مرة..بس إن شاء الله أنا ناوي في صيانة العشرين ألف إنهم لو مرضيوش أدخل مع العربية حطلع بيها على الحرفيين أعمل لها الصيانة

انا معاك في كل كلمة قلتها معادا انك متروحش كندا ^_* وبالنسبة لسمارت خلي بالك منهم دول سفاحين في قطع الغيار وعن تجربة جبت قاعدة موتور اصلية منهم ب ١٤٠٠ وطلعت الاصلية اللي عند الحرفيين ب٧٠٠-٨٠٠ تخيل بقي سفاحين قد ايه قطع الغيار جبهاا من بره وهما يركبوها واوعي تشتري قطع غيار منهم (:
وبلاش تروح لاي حد في الحرفيين عشان مض كلهم صنايعية في منهم كتيير اي كلام ولسه جداد هناك

**medokassem** · 02-10-2012 01:03 PM

المشاركة الأصلية كتبت بواسطة romar

خلي بالك برضه إن موضوع صيانة الألف عند التوكيل دة سبوبة مش أكتر.. أعتقد إنهم بياخدوا الزيت ويبيعوه لأنه (بناءا على اللي مكتوب في الكتالوج) بيكون سليم... أو جايز يكونوا مش بيغيروا أي حاجة أصلا وبياخدوا بس حلاوة العربية الجديدة... ولو قولتلهم مش عايز أغير الزيت حيقولولك انت كدة حتخرج برة الضمان... بالنسبة لغبور... قراري إني أخرج برة الضمان بتاعهم كان من أسهل القرارات اللي أخدتها في حياتي :)

معلش في الكلمة ده مش توكيل ده خيش وقش
والمازدا يعتبر فعليا ملهاش توكيل لان عمو غبور بيموتها

**romar** · 03-10-2012 10:16 AM

المشاركة الأصلية كتبت بواسطة medokassem

معلش في الكلمة ده مش توكيل ده خيش وقش
والمازدا يعتبر فعليا ملهاش توكيل لان عمو غبور بيموتها

آه والله عندك حق.. غبور سبب أساسي في تمويت العربية في مصر... لسة امبارح كنت بوصل بعربيتي واحد معرفة أمريكاني جاي مصر زيارة... أول ما شاف عربيتي المازدا قعد يقول فيها شعر.