الموضوع: حكايتي مع اللادا الكالينا بتاعتي (^_^)

متابع ربنا معاك
اسلوبك هايل

medododo باشا
شكرا لزوووقك منور الدنيا كلها .
بحاول والله مبقاش رخم في الاسلووب عشان الكلام كتييييييييير . يا رب بس متزهقوووش مني

المشاركة الأصلية كتبت بواسطة drmagieed

إحنا كسبنا عضو جديد وحمد لله علي السلامة وعايزين نشوف صور للعربية قبل التعديل (زيرو) وبعد التعديل علشان نعرف عظمة الصنايعي المصري رغم ما يقوله البعض عنه

drmagieed
يا باشا انا اللي اتشرفت بحضرتك
و متقلقش من الصنايعي , عفريييييييييييييييت بمعني الكلمة . انا العربية بتترش انهاردة في الكابينة و هستلمها بلونها الجديد و ان شاء الله هصورها و ارفع الصور لحضراتكوا

نرجع لمرجوعنا
المهم جيت علي الماتور و الفتيس . طقم الدبرايج بتعاها شغال و مغيرتووش ولا مرة من ساعة ما جبتها و لحد التجديد لحد ما الدسك بقي علي البرشام رحت اشوف الطقم بتاعها عامل 800 قابليين للزيادة و مش موجووود دورت عرفت ان بتاع اللادا 2110 هينفع عليها بس البلية مش هي . رحت دورت علية جبت طقم الماني احلي من اللي كان فيها 100000 مرة سمعت اسعارة فكذة حتي من 450 الي 640 جنية . و في الاخر جبتة من شارع شبرا من عند الروماني بــ 230 من غير البلية (( هع هع هع هع هع )) و ركبناااه و الحمد لله تماااااااااام قوي . جيت علي المكنة كان في حساسات كتيير عامله فيها عبيطة (( رميت ابوهم )) زي حساس علبة الهوا و حساس البوابة و حساس الحرارة (( دا غير الثرموثتااااات , معايا انتوا )) و رميت علبة الهوا كلها عشان كانت مكسرة من ساعة الحادثة و مش موجوودة (( ودا العادي يعني )) و جبت فلتر هوا K&N و جبت Simota carbon (( نتكلم علي حوار الفلاتر دي بعدين عشان موضوعها كبير قــــوي )) المهم ركبت السيموتا .
و طقم بوجيهات NGK تلاتة شمعة من توكيل شارع شبرا و هجرب برضو الايريديوم قريب بإذن الله لو كان في عمر يعني .
و اكتفييت بكدة دلوقتي لحد ما امشي بيها شوية كدا بس و بعدين ابتدي في ( الجعفرة ) . و جيت عند اللون بقي (( لوووونها خنق اهلي مفيش اي تعديل نافع مع اللون دا , مش عارف اظبتها )) المهم دورت و شفت صور كتييير لحد ما اتفقنا علي النبيتي الغامق دم الغزال زي بتاع السيراتو الجديدة كدة .
خبر عاااااااااااااااااااااااا ااااااجل :-
و دلوقتي حالا الناس لسة متصليين بيا في الكابينة و قالوولي تعالي العربية خلصت و الناس بتتفرج عليها بره و خارجه بسم الله ماشاء الله عليها , ((استرها يا رب)) .
هستأذنكم بقي عشان هذة اللحظة كم طال انتظارها
انا هنزل استلم العربية و اشوفها و هي بتتفنش
هريحكوا مني شوية بقي
وما زالت للحكاية بقية ....
(((( كملها بالستر من عندك يا رب ))))
ابقوا معنا ..

ربنا يباركلك فيها و يكملها بستره

ههههههههههههههههههههههههه هموت من الضحك واللهي وهموت اكتر واشوف العربيه بس بجد تعديل الفوانيس ده محترف فعلا واسلوبك يخلي الواحد لسا عاوز يسمع اكتر وربنا ومتابع معاك وانشألله خير

المشاركة الأصلية كتبت بواسطة hassanin_lada

ههههههههههههههههههههههههه هموت من الضحك واللهي وهموت اكتر واشوف العربيه بس بجد تعديل الفوانيس ده محترف فعلا واسلوبك يخلي الواحد لسا عاوز يسمع اكتر وربنا ومتابع معاك وانشألله خير

hassanin_lada
بعد الشر علييك يا باشا , والله انا اللي فرحان اني اسلوووبي مش مضايق حد , انا استلمت العربية امبارح من الكابينة و رحت غيرت الزجاج المامي عشان كان متكسر . بس انا عندي شوية مشاكل حلوة كدا , فمش في وقت من امبارح عشان اصورها و اكمل الموضووع . بس ان شاء الله هنكملة مع بعض اليومين اللي جايين دول