واللهِ يادكتور ميديكال على عيني وراسي الكلام الي ذكرتوا وميرضيش ربنا طبعاً ولا يرضي اي مواطن الامكانيات الضئيلة الي في المستشفيات مع كمية الفلوس الي بيدفعها المواطن للدولة .... كان زمان عندنا نوع من السياحة المصرية اسمها السياحة الطبية ( بمعنى واحد مريض في الوطن العربي يجي مصر علشان يتعالج) السياحة دي اتدمررررررررت دلوقتي واصبح سمعت الدكترة المصريين على كل لسان .... انا هنا لا اتحدث على مستشفيات الحكومية والغلابة. ... انا بتحدث على المستشفيات الاستثمارية. الهبيشة الكبااااااااااااااااار .... الي يبلبعوا البني ادم الي قدامهم. وياكلوا لحمو نييي وهو حي ويمصوا ويشفطوا كل مليم في جيبوا .... ويحسسوه انوا خلاص صحتوا على المحك ادفع والا هتمووووووت ويموتوك وانتا حي وانتا معندكش حاجة اساساً .... بس هما شاطرين بالتمثيل على الناس. ويحسسوهم بجو العطف والشفقة وشوية شوية هيقولولوا نفسك في ايه قبل مانعملك العملية يا حبيبي ...
ولا الممرضات المايعات والمايصيني الي تدي البت فيهم فلوس علشان تهتم بالمريض تاخود الفلوس من هنا وادي وش الضيف لو شفت وش امها بعد كده .... وتبقى معاك حالة بين الحيا والموت وتسمع صوت دحكتهم وصوت رغيهم ومياصتهم وانتا قاعد مع الحالة ورى الستارة
وحضرتك يادكتور بتقولي على التحاليل والاشعة
انتا عارف يادكتور زمان مكنش في التخصص بتاع اليومين دول. كنت تلاقي دكتور انف واذن وحنجرة وبلعوم وكلوووو النهردة بقيت تلاقي دكتور الانف لوحدوا والاذن لوحدو. ودكتور تخصص حنجرة ههههههههه. وكل تخصص من دول ليهم نوعين او تلاته. يا اما استشاري. ياما اخصائي .... زمان يادكتور كان الدكتور يبص بصه في وش المريض يقولوا انتا عندك كزا النهردة كل واحد يطلب اشعه وتحاليل بشيء وشويات وياريت مثلاً علشان يطمن على صحتك الا بيطلب منك تحاليل واشعه انتا عياك في الشرق والتحاليل والاشعة في الغرب وبعد ماتعمل كل التحاليل والاشعة. يقلك انتا معندكش حاجة ماهوا طبعاً مش هيبقى عندي حاجة لانوا طالب مني حاجة ملهاش علاقة بموضوعي اساساً
انا مش عاوز اقولك ان الحج كان بيتعالج عند دكتور ١٤ سنة ومتابع معاه حالتوا وبعد ١٤ سنة اكتشف ان الدكتور ده عدم الموؤخزة تيييييت في مجالوا وكل مانروحلوا يقلك الكشف غلي ووصل لغاية ٢٠٠ جنية النهردة
تقدر تقلي يادكتور كشف ب ٢٠٠ جنية. هل ده كلام يرضي ربنا ودكتور تاني كشفوا ب ٥٠٠ جنية ده التوكيل بياخود العربية يرفعها ويحطها على الكمبيوتر ويعملها كونسولتوا للعربية من كبار المهندسين على المتور والعبشة والدهان والفتيس ومبيخدوش ال ٥٠٠ جنية دي. وده بس يبص في الاشعه والتحاليل ويكتب شوية شخبطه على الروجيته. يلهف ٥٠٠ جنية والف ومتين جنية. تحاليل كمان في مركز التحاليل بتاعوا الي عملوا في المستشفى بتاعتوا وفي النهاية بعد ماكلفنا علاج وكشف شيء وشويات واللهي يا دكتور وعلبة الدوى بعت جبتها من برة ب ١٣٠٠٠ جنية. طلع الحج معندهوش حاجة في الكبد اساساً والكنسر موجود في الامعاء
بلاش كده بلاش كده يادكتور
رجليه في مره اتخبطت رحت المستشفى جبسوها كلها من اولها لاخيرها ومش ناقص غير يجبسوا ايديا معاه ولساني رحت مستشفى تانيه بعديها باسبوع اغير الجبس قالك اعمل اشاعه لو سمحت علشان نغيرلك رحت اعمل اشاعه وانا متنرفز وبشتم في سري هيا ناقصني مصاريف. الدكتور بص على الاشاعه. وقالي ياحج انتا معندكش حاجة هما جبسوك ليه اساساً. قلتلوا يدكتور ركز بص على الاشاعه كويس. هتلاقي شرخ هنا او هنا ولا حتى كسر في انهي ناحيه قعد يحلفلي ويقلي والله العظيم معندكش حاجة ههههههههههههههه
بلاش كده يادكتور تقدر تقلي لو دكتور غلط وادى إلى اعاقه كلية للمريض او وفات المريض .... ايه عقاب الدكتور ، تحب اقولك يادكتور عقاب الدكتور ولاحاجة صفر. ويمكن يخصموا عليه يومين فقط وروح ياحبيبي شوف شغلك
واصلاً اصلاً المريض معندهوش اي اثبات ومش هيعرف يجيب اي اثبات على ان الدكتور ده اتسبب بكزا وكزا وكزا وياعيني المريض مش هيكون معاه غير وصل احمر جربان كده مكتوب فيه الي دفعوا فقط حتى الروجيتة مش مختومة ولا ممضية وليس سند قانوني على الدكتور وعليه العوض ومنو العوض
بس كلامي ده لايمنع ان كتير من الدكاترة كويسيييين وممتازين بس انا بتكلم على النظام الي لا يحفظ للمريض حقه ... وهتلاقي حضرتك وزير الصحه ذات نفسوا لمن بيعيى ولا بيمرض بيروح يتعالج بره مصر لانوا عارف مستوى العلاج المصري بقه شكلوا ايه
وتحياتي ....