( باختصار) هل تشعر بالامان في مصر.!!

**dede_dodo88** · 29-09-2012 07:46 PM

هو أنا عن نفسي مش حاسس بأي قلق أو خوف و دي حاجة ملهاش علاقة ان الدنيا بقت وحشة أو مش أمان هو الواحد واثق في ربنا بس مش أكتر..
لكن لو الواحد ساب نفسه و بص للدنيا حواليه أكيد هيكتئب و مش هيخرج من بيته..
أنا عندي في المنطقة اللي ساكن فيها و في الشارع بتاعي كذا مرة تحصل حوادث سرقة بالموتوسيكل لشنط بنات ماشيين في الشارع في عز النهار..

**shaddadfalcon1** · 29-09-2012 07:53 PM

بصراحه لا وبفكر جديا في الهجره او الذهاب لاي دوله لحد ماالدنيا تهدي

**totaa** · 29-09-2012 09:18 PM

لأ مكنتش حاسة فى الأجازة دي للاسف بأي أمان ودايما خايفة وقالقانة
غير إني اتصدمت بحاجة غريبة اوي يمكن كان مفروض اقولها فى قسم المغتربين
لكن هقولها هنا وخلاص إن المغترب مواطن من الدرجة التانية
يعني يطلعوا عينه فى كل حاجة ((مش معاه؟ يدفع بقى)) وكأن الغربة دي بقت ميزة ولا الفلوس اللى اهالينا بتشتغل بيها دي بيلاقوها في الشارع ومش بتطلع عينيهم عشان ياخدوها
ولا حاسين بطعم اى حاجة فى الدنيا ...........
فنضيف لعدم الأمان ولا العدل والمساواة

يمكن للمرة الأولى اللى بقولها كدة بأعلى صوتي
تحيتي للجميع

توتاااااااا

**S O P H O S** · 29-09-2012 09:19 PM

لكي الله يا مصر ..

**MASERATI** · 29-09-2012 09:31 PM

السلام عليكم و رحمة الله و بركاته

طبعا كل واحد حر بالكاااااااااااااامل فى رأيه, بس أنا عاوز أعرف من الأخوة الفاضل اللى اختاروا (نعم) لأنهم بيشعروا بالأمان فى مصر و الحياة زى الفل و زبادى بالفاكهة, ممكن يقولولنا هما عايشين فين و عايشين ازاى, يمكن احنا اللى مش عارفين نعيش الحياة و أن الحياة فى مصر ليها طريقة معينة بتتعاش بيها و احنا اللى مش عارفين؟؟؟؟

ده عربيات رياسة الجمهورية بتتسرق, يعنى لو زوجة محمد مرسى كانت قاعدة فى العربية ساعة ماتسرقت, على أساس أنها مستنية محمد مرسى اللى نزل يجيب طلب بسرعة من البيت و راجع تانى, كانت بأقت حادثة سرقة سيارة رياسة الجمهورية و اختطاف زوجة رئيس الجمهورية !!!!!!!!!!!

**night_whisper** · 29-09-2012 10:13 PM

بلد بلا قانون تبقى بلد لا تصلح للناس المحترمة

**SASA3** · 29-09-2012 10:29 PM

ماهى برضه مش لا اوى و برضه فى نفس الوقت مش نم بالقوى

يعنى بين و بين

**Y a r i s** · 29-09-2012 10:44 PM

المشاركة الأصلية كتبت بواسطة night_whisper

بلد بلا قانون تبقى بلد لا تصلح للناس المحترمة

الله يفتح عليك يا اخي
القانوووووووووووووووووووو ووووون
احنا بلد يكاد يكون في قانون لايوجد به قانووووووووون
لو انتا عارف انك وانتا ماشي لو حد خبطك هيجي المرور ويشوف مين الغلطان ويدي لكل واحد حقوا طبقاً لقواعد المرور كنت هتنام مطمن وتمشي مطمن وتحس بامان

@@@@@@@@@@
لو انتا عارف ان لو حد اعتدى على ملكيتك. بمكالمة تيلفون وحدة للشرطة. هتجبلك حقك. كنت هتنام وتعيش في بلدك وانتا مطمن

@@@@@@@@@@
لو انتا حاسس ان في رقابة. على الدكاترة وفي مفتشين عليهم زي العالم والناس .... وان الدكتور خايف على سمعتوا. وخايف لايتوقف ويتسجن. كنت هرتوح المستشفى وانتا بامان ومطمن

@@@@@@@@@@
لو انتا عارف ان عندنا شرطة قوية ممكن تجبلك عربيتك لحد باب البيت ونظام امني منيع وقوي واتصال بالاسلكي على جميع المحافظات. ونشرة فورية باوصاف عربيتك وارقام عربيتك الي اتسرقت كنت هتنام وانتا مطمن على عربيتك

@@@@@@@@@@
لو انتا عارف ان الشهر العقاري على مستوى الجمهورية مرتبط ببعض وفي قاعدة بينات طويلة عريضة كنت هتشري اي ارض او اي شقة او اي عربية وانتا مطمن ان الحاجة الي بتشتريها مش مسروقه. ولا الارض الي هتشتريها متباعه لواحد واتنين وتلاته قبليك .

@@@@@@@@@@
لو في جمعية حماية حقوق المستهلك تضمنلك حقك من غير اي مقابل ولا حتى مصاريف فحص ودمغات وروسوم. ولا وقت وبهدلة كنت اشتريت اي سلعه وانتا مطمن وحاسس بامان

@@@@@@@@@@
لو في جهاز قوي يدرب المدرسين على ضبط النفس واساليب التعليم الحديثة كان الواحد ودى عيالوا وهوا مطمن مش تيجي بنتي الصغيرة تحكيلي ان ابله عفاف كانت بتحكي لابلة ميس وفاء انها قفشت جوزها امبارح مع ...... وبنتي تسمع التفاصيل واكيد البت قبل ماتيجي تحكيلي. حكت للمدرسة كلها ولزميلاتها. .... دي بنتي وانا عارفها وحفظها. رويترز
٦ اكتوبر والشيخ زايد بضواحيها ههههههه

@@@@@@@@@@

لو عارف ان غلطت موظف البسيطة دي ممكن تتحل بمنتهى البساطة كنت رحت اي مصلحة حكومية وانا مطمن اني مش هتهب ولا هتشفط ولا هيدحك عليا واقعد الف ورى الملف بتاعي سبع لفات

@@@@@@@@@@
لو كل واحد غلط واتحمل نتيجة غلطوا .... كنا قدرنا نعيش بامان لكن المشكلة الحقيقة انتا كانسان عايش بتدفع اخطاء الاخريين .... ويقلولك صلح من نفسك وابتدي من نفسك ... طيب ما انا صلحت من نفسي وعملتلها عمرة كمان اعمل اكتر من كده اجيب نفس استيراد. واسقط نفس جديدة بدل نفسي يا اخي. يا اخي حاسبني على اخطائي وانا مستعد ادفع تمنها بس ليه تحتسبني على اخطاء الاخررررررررين. لييييه

حسسني بالعدل. والقانون وانا هحس بالاماااان والاطمئنان
وتحياتي

**Y a r i s** · 30-09-2012 04:39 AM

المشاركة الأصلية كتبت بواسطة totaa

لأ مكنتش حاسة فى الأجازة دي للاسف بأي أمان ودايما خايفة وقالقانة
غير إني اتصدمت بحاجة غريبة اوي يمكن كان مفروض اقولها فى قسم المغتربين
لكن هقولها هنا وخلاص إن المغترب مواطن من الدرجة التانية
يعني يطلعوا عينه فى كل حاجة ((مش معاه؟ يدفع بقى)) وكأن الغربة دي بقت ميزة ولا الفلوس اللى اهالينا بتشتغل بيها دي بيلاقوها في الشارع ومش بتطلع عينيهم عشان ياخدوها
ولا حاسين بطعم اى حاجة فى الدنيا ...........
فنضيف لعدم الأمان ولا العدل والمساواة

يمكن للمرة الأولى اللى بقولها كدة بأعلى صوتي
تحيتي للجميع

توتاااااااا

واللهِ ياتوته ياعزيزتي
انتي لوفتحتي موضوع عن الغربة والمغتربين ومعانتهم على راض الوطن .... مش هتخلاصي من مشاركاتي عارفه دمل واتفتح ههههههه. قونبلة وهنفجرررررررررررررر. خليني ساكت احسلي. .... ده ياريت انهم بيعاملوا المغتربين على انهم مواطنين اساساً مش مواطن درجة تانية ده كلوو كووووووووووووم واستخراج تصاريح العمل كوم تاني وازاي يوقفوا يزلوا فينا. ويزنبونا واطلع ادفع فوووووق. والحق قبل مالبنك او الخزنة تقفل. وبتشتغل فين وبتاخود كام. ده كفايه بيخلو الدكتور يكتب عامل علشان ميسفخهوووش. خمستلاف جنيه ضريبة غربه يعني ولاد التييييييييت. مش مكفيهم انك سيبتلهم البلد والجمل بما حمل ومش عاوزة من الحكومة حاجة. لا وكمان لاحقينك في رزقك وبياخدوا عليه ضرايب

ولا معاملتهم في المطار ولا معملتهم في الميناء لو جيتي بررررر وحاجة قمت قلت الادب .... انتي لو جربتي تيجي في مره عن طريق البر هتلاقي سواق السوبر جيت يوقف كده قبل كوشك سجاير. ويقول حمدالله على السلامة جميعاً كل واحد يحط في جواز سفروا خمسين جنيه ويدي جوازوا للي قداموا وواحد يا جماعه يلم الجوزات ربنا يخليكم خلينا نخلص هههههههه المهم. يجي السواق في النهايه يقوم شايل الفلوس من الجوزات ويقول للي وراه لو سمحت وزع الجوزات على الركاب هههههه ولم من كل راكب خمسين جنيه اونطه في اونطة وحاجة قمة في المهزلة والمسخرة وقلة الادب خليني ساكت ياختي خليني ساكت
اااااااااه ياقلبي يا كتاكت يامنتا شايل وساكت

-

مشاهدة نتائج الإستطلاع: بصفة عامة .... هل تشعر بالامان داخل اراضي الوطن ( مصر المحروسة ) ؟

الموضوع: ( باختصار) هل تشعر بالامان في مصر.!!

LinkBack

أدوات الموضوع

عرض

-

-

-

-

-

-

المواضيع المتشابهه

زيت للفيرنا باختصار

هل تشعر بالأمن

فيرنا باختصار تقفيل سئ سئ جدا

الصراع في دارفور، باختصار ...

عن الأُضـحـــيـة ، باختصار شديد!

الكلمات الدلالية لهذا الموضوع

المفضلات

المفضلات

ضوابط المشاركة