قلولي اعمل ايه

**khaled_Saga** · 29-09-2012 08:54 PM

المشاركة الأصلية كتبت بواسطة hm414

الحلو ان كل اللي ردو عالموضوع مركبوش الصيني!!!!!!!!!!!!

ونعم الفتوى...

هههههههههه والله معاك حق .. انا اتعمدت اقرأ كل الردود وللأسف لاحظت ان كل اللى رد قبل حضرتك شتم فى الصينى وخوف الراجل منه وتبص تلاقى كلهم عربيات مش صينى يعنى واضح انه كله كلام تطفيش من غير تجربة.

اللى ضحكنى اكتر الاخ اللى رد وقال اركب النترا او بروتون او ميتسوبيشى (يعنى كورى او ماليزى او يابانى) ماشاء الله جاب كل البلدان والمهم صينى لأ وبس

ياجماعة الرد الموضوعى يكون كالاتى مع احترامى لجميع اللى شتموا فى الصينى:

" انا معايا ام 11 بقالها سنة ونص عامله 18400 كم .. كعربية جيدة جدا فى حدود فئتها السعرية مليانة مميزات ولكن يعيبها التوكيل (ابو الفتوح) والعفشة اللى كل شوية عايزة تربيط وتشحيم ولكن اسمع ان تم حل مشاكل العفشة فى موديلات 2012.
بالنسبة لماتريكس او 516 فاللى اقدر اقولو ان دى نمط ودى نمط والاختيار بيرجع لطبيعة استخدام حضرتك.
ماخاب من قال لا اعرف .. انا مركبتش لا ماتريكس ولا 516 (ماسوقتش) عشان اقدر احكم مين فيهم افضل.
واضح من كلام حضرتك ان الماتريكس تعباك اوى وده اللى خلاك تفكر تجيب اسبرنزا زيرو .. فحضرتك تسأل اصحاب ال 516 اللى جربوها وتعرف منهم الكلام الاكيد"

اتمنى من كل الاخوة اللى شتموا فى الصينى لله فى لله ياخدوا بالهم ان الراجل مضايق من الماتريكس حسب كلامه واتمنى ان الردود تكون اكتر موضوعية.
تحياتى واحترامى للجميع

**hugan** · 29-09-2012 10:22 PM

هاقول ايه
لا اله الا الله
شوف حضرتك كل اللي افتوك مع احترامي ليهم
ولا يعرفوا اي حاجه عن الاسبرانزا علي الخصوص
وفي منهم اللي مامعهوش عربيه من الاساس
اي كلام في اي كلام
الماتريكس كعربيه كويسه معقوله اي حد يشتغل فيها قطع غيار استيراد
سعرها فيها ومطلوبه
لكن
الاسبرانزا 516 تتفوق عليها في وجهه نظري في حاجات كتير
اصالون اوسع بكتير
ثبات اعلي
كماليات اكتر
شاسيه وبودي خارجي محترم 1300 كيلو
شكل افضل وجهات نظر
هاتكون زيرو وهنا الافضليه
بكل امانه من شخص يمتلك 516 من اكتر من 4 سنين وعامل 102000
ال516 عربيه محترمه وافضل من الماتريكس
لاني ركبتها كتير
عربيه شبهه المكواه
مافيهاش اي مميزات غير العلامه الكوريه
بودي ضعيف جدا
ثبات في الضياع
للعلم كانت الماتريكس موجوده وانا باشتري ال 516 لكني فضلتها عليها
ولولا اختلاف الاذواق لبارت السلع

**hugan** · 29-09-2012 10:52 PM

المشاركة الأصلية كتبت بواسطة ashrafmahmoud93

حاجة مستفزة والله ماله الصينى مش عارف انا بقيت بضدايق اوى من الموضوع دا
دا غبور اخد توكيل جيلى هل غبور عبيط عشان يعمل كدا الا اذا كان كتاكد انها عربية حلوة وشركات محترمة انا ارى انا الاسبرانزا خلال سنتين تلاتة هتتفوق ف مصر على مبيعات الهيونداى وبكرة افكركم عربيات تمام وحلوة جدا انا معايا ام 11 بجد زيها زى الالنترا والاوبترا ورايى احسن من الاوبترا ف الصالون والسواقة بس هنقول ايه بقة وبعدين اللى بيقول نسيان صنى دا عربية شكلها متخلف وغبى ومجبهاش ولو ب 50 الف مفيش اى تصميم خالص
معلش انا كتبت كلام جامد بس بجد حاجة تعصب و تحرق الدم محسسنى ان العربيات التانية دى بى ام او مرسيدس حاجة تغييييييييييييييييييييييي ييييييييييييييييييييييييي ييييييييييييييييظ

روق دمك ياباشا
الحكايه مش مستاهله
وبعدين هو غبور بس اللي اخد توكيل جيلي
ما البافاريه بجلاله قدرها وكيل بي ام
واخده وكاله بريليانس
هي بريليانس دي مش صيني ولا الماني
والله العظيم ياخي انا باشوف عربيا ت ياباني مش كوري عامله حوادث ومتخرشمه من خبطات لاتذكر
وكله بلاستيك في بلاستيك
اصلها ياباني
المشكله انك تدخل الاقسام حتي مش الكوري ا
الياباني والاوروبي اللي طالعين بيه السماء
عربيات زيرو يامؤمن
اللي عالمه 20000 واللي عامله 40000 وحتي اللي وصل 80000
وكلها مليانه مشاكل تخلي صاحبها يبيع اللي وراه واللي قدامه
اشي عفشه علي فتيس
علي مشاكل الات جر
وفي الاخر تلاقي الكلمه المستفزه اصلها ياباني
لا ياعم دي اوروبي
طب ادفع ياعم

**abdulhafeez** · 30-09-2012 12:44 AM

بعدين لما يكون عربية قطع غيارها الاصلية صيني .... تتوقع هتكون اسعارها ازاي .... ده بيركبولها شوية حاجات كوري تقليد للصيني وبتكون احيانا ارخص من الصيني الاصلي ... زي مثلا الفلاتر

**hossam_elwani** · 30-09-2012 01:15 AM

السؤال الى عايز اجابه ليه مادام الصينى جبار واعتمادى اوى كده ليه لم ينتشر فى السوق الاوروبى او الامريكى او الخليجى او الافريقى او الاسترالى او امريكا الجنوبيه ؟؟؟؟؟؟؟؟؟؟؟؟؟؟

اكيد كل الشعوب دى ماتعرفش حاجه عن الصينى وكفاءته الممتازه فى التشغيل واعتمادية فى قطع غياره !!!!!!!!!!!!!!!!!!!

**dr.hazem** · 30-09-2012 01:52 AM

المشاركة الأصلية كتبت بواسطة hossam_elwani

السؤال الى عايز اجابه ليه مادام الصينى جبار واعتمادى اوى كده ليه لم ينتشر فى السوق الاوروبى او الامريكى او الخليجى او الافريقى او الاسترالى او امريكا الجنوبيه ؟؟؟؟؟؟؟؟؟؟؟؟؟؟

اكيد كل الشعوب دى ماتعرفش حاجه عن الصينى وكفاءته الممتازه فى التشغيل واعتمادية فى قطع غياره !!!!!!!!!!!!!!!!!!!

انت كأنك بتفكرني بقريش والعرب لما سمعوا دعوة محمد عليه الصلاة والسلام وهي اشرف واطهر دعوة على وجه الأرض ومع ذلك اتقال عليه مجنون وسفيه و و و ومنتشرش الإسلام غير فيما بعد وفاته عليه الصلاة والسلام هل معنى كده ان العيب في الرسول ودعوته ولا المتلقي هو اللي عنده مشكلة؟؟
انت بتطلب شئ هيحصل لكن لما حضرتك وجارك واخويا وعمي يغير مفاهيهمه ومعتقداته ساعتها هتشوف الصيني مكتسح...
وهفكرك ان شاء الله...
تحياتي

Sent from my LT18i using Forum Runner

**bassemali** · 30-09-2012 02:21 AM

المشاركة الأصلية كتبت بواسطة hossam_elwani

السؤال الى عايز اجابه ليه مادام الصينى جبار واعتمادى اوى كده ليه لم ينتشر فى السوق الاوروبى او الامريكى او الخليجى او الافريقى او الاسترالى او امريكا الجنوبيه ؟؟؟؟؟؟؟؟؟؟؟؟؟؟

اكيد كل الشعوب دى ماتعرفش حاجه عن الصينى وكفاءته الممتازه فى التشغيل واعتمادية فى قطع غياره !!!!!!!!!!!!!!!!!!!

أحب أقولك أني ف السعوديه والجيلي الجديد .... غرق البلد أقسم بالله والناس كلها بتتكلم عليها لدرجة أن واحد صاحبي شغال ف شركة سوزوكي بيقولي منهم لله بتوع جيلي خربوا بيتنا.... وربنا يحاسبني ع الكلام اللي بقوله ده ... وعلى فكره ... زمان لما كانت الهيونداي الأكسيلؤمغرقه مصر أناؤشوفت منهارهنا ف السعوديه عربيتين بس.... مش الأنتشار ف دول الخليج هو مقياس نجاح العربيه ... والهيونداي والكيا لازالوا مش مفضلين في أمريكا وأوروبا لغاية النهارده... وتقبل تحياتي.

-

الموضوع: قلولي اعمل ايه

LinkBack

أدوات الموضوع

عرض

-

-

-

-

المواضيع المتشابهه

عاوز اعمل صيانة ليارس عاملة 128 الف كيلو اعمل فين

لو سمحتو قلولي اتصرفا ازاي عشان كرهت حياتي بسبب العربية الفاشلة ديه

معايا 100الف جنيه وعايز اعمل مشروع اعمل ايه ؟

قلولي نقدر نسميهم بني ادمين دوول ولا ايه!!!!!!!

معلش يا جماعة اعمل ايه ، شاشة العداد في الميجان فاصلة عندي اعمل ايه

الكلمات الدلالية لهذا الموضوع

المفضلات

المفضلات

ضوابط المشاركة