معقوله سعر بيض مقص ومسمار بيض ميزان m11

**aftr** · 02-10-2012 02:20 AM

معقوله ده سعر بيض ميزان m11 بجد حرام 250 جنيه --وده صينى --- وسعر مسمار واحد بيض ميزان 75 جنيه وده تركى وعليه علامه رينو طيب لما يكون ده سعر البيض طيب سعر المقص كامل كام بجد صدمه انا سالت على سعر بيض 516 بس مختلفين خالص فى الحجم والشكل 55 جنيه --- ياريت ياجماعه اللى عارف اسعار الحاجه دى يقول لان حاسس ان كده زياده كتير العفشجى قال كله بالكتير 250 جنيه وكده الحوار دخل فى 400 جنيه المشكله مفيش غير مسمار بيض ميزان واحد عند التاجر وبجد كده سعر قطع الغيار نار

**S O P H O S** · 02-10-2012 02:39 AM

بصراحة عندك حق
السعر عالي ..

**akmm** · 02-10-2012 11:37 AM

ده لأن العربيه لسه جديده وقطع غيارها بالتالى تكون مبالغ فيها لندرتها المؤقته لكن بعد فتره تكتر قطع غيارها وينزل السعر للتنافس فى البيع

**aftr** · 02-10-2012 09:30 PM

المشاركة الأصلية كتبت بواسطة akmm

ده لأن العربيه لسه جديده وقطع غيارها بالتالى تكون مبالغ فيها لندرتها المؤقته لكن بعد فتره تكتر قطع غيارها وينزل السعر للتنافس فى البيع

العربيه نازله من 2009 المفروض قطع الغيار تكون موجوده حتى فى التوكيل مش موجوده انا اتصلت بالفرع الرئيسى مش موجوده موجوده فى فرع جسر السويس 220 جنيه ثمن البيض ومسمار بيض الميزان مش موجود ولا الرئيسى ولا اى فرع بس على فركه مسمار بيض الميزان نفس مسمارالرينو

**hugan** · 02-10-2012 09:34 PM

ياباشا اسال في شارع دمشق او التوفيقيه
عند زكي جرجس
او عزيز سليمان او البطل في التوفيقيه
هاتلاقي الاصلي والمضروب
والاسعار الحقيقيه

**aftr** · 02-10-2012 11:09 PM

فى حاجه كمان غريبه ان البيض واحد عالى واحد واطى غير 516 بمعنى ان اليمين بيضه عاليه وعليها حرف m والشمال بيضه واطيه سالت التاجر قال ده نظامها كده والعفشجى لما شال الاقديم فعلا كل اتجاه ليه بيضه معينه ايه السبب مش عارف