انا لسه جايب سيفيك 2009 و الميه في القربة بتنقص بمعدل نص القربة في اسبوعين عادي كده؟
حاجة تانية لما بسوقها كتير بلاقي سخونة نسبية علي شمال الفتيس مكان ال R N D Ds عادي؟
اخر حاجة بس هو انا بملي مية للمساحات منين؟ سؤال غريب انا اسف =)
عرض للطباعة
انا لسه جايب سيفيك 2009 و الميه في القربة بتنقص بمعدل نص القربة في اسبوعين عادي كده؟
حاجة تانية لما بسوقها كتير بلاقي سخونة نسبية علي شمال الفتيس مكان ال R N D Ds عادي؟
اخر حاجة بس هو انا بملي مية للمساحات منين؟ سؤال غريب انا اسف =)
الف مبروك و شكل كده في تسريب بسيط في دورة التبريد و في التوكيل هيعملوها بسيطه انشاء الله
حتة السخونه دي غريبه و خصوصا ان معاك في تي اي زي اللي معاي
و حتة مية المساحات عمري ما زودتها في اي عربيه على اساس اني بودي العربيه التوكيل في ميعاد الصيانه بس ممكن حد يقول لك من زمايلنا
اكشف في التوكيل عشان لو تسريب تلحقه من الاول
وعموما حتى لو طلع تسريب فالموضوع بسيط باذن الله
يمكن الشكمان واخد خبطه و لزق في الشاسيه و عشان كده في سخونه
غريبه
عموما طول ما مؤشر الحراره في النص سواء صيف شتا او بتتحرك او واقف يبقي كله تمام و ما فيش داعي للقلق
زود ميه و العربيه بارده لغايه العلامه بين الmin & max و يستحسن لو لغايه فوق ال min بحاجه بسيطه و بعدين لما تشيك تاني شيك و العربيه بارده برده
و اتاكد ان بطانه الكبوت مش عرقانه و لمه تراب و لو ده عندك تعرف انك بتزود القربه زياده عن الحد فبيحصل بخر للجزء الزياده و لو عاوز تتاكد اكتر ما تزودش بعد ما تنقص تاني و سيبها كمان اسبوع و غالبا هاتاتقيها زي ما هي و ده طبعا مع مراقبه مؤشر الحراره
و لو لسه بتنقص اكشف في التوكيل علي دوره المياه
و بخصوص سخونيه الفتيس اتاكد ان عصايه الفتيس (الجزء المعدن اللي ظاهر)ما بيسخنش اوي
بخصوص ميه المساحات هاتلاقي زور القربه علي اقصي الشمال في النص و غطاها ازرق او لبني و املاها لغايه العلامه برده
و بالتوفيق
هاني باشا
عامل ايه
و الله بصراحه انا بدخل بس ما بيبقاش ليا نفس ارد او اعمل اي مشاركه نظرا للجو العام السائد في المنتدي
و برده بنتي تعبت فتره فنفسي اتسدت اكتر بس الحمد لله بقت احسن
سخونة الفتيس دي في كل العربيات الأتوماتيك .. من اللمبات بتاعة حروف النقلات .. لو السخونة طبيعية كبر دماغك تبقى من اللمبات .. لو سخنة أوي خلي حد يبص لك على الشكمان.