الموضوع: جبت سيفيك 2009 وفي مشكلة؟

المشاركة الأصلية كتبت بواسطة dawood

انا لسه جايب سيفيك 2009 و الميه في القربة بتنقص بمعدل نص القربة في اسبوعين عادي كده؟
حاجة تانية لما بسوقها كتير بلاقي سخونة نسبية علي شمال الفتيس مكان ال r n d ds عادي؟
اخر حاجة بس هو انا بملي مية للمساحات منين؟ سؤال غريب انا اسف =)

الف مبروك و شكل كده في تسريب بسيط في دورة التبريد و في التوكيل هيعملوها بسيطه انشاء الله
حتة السخونه دي غريبه و خصوصا ان معاك في تي اي زي اللي معاي
و حتة مية المساحات عمري ما زودتها في اي عربيه على اساس اني بودي العربيه التوكيل في ميعاد الصيانه بس ممكن حد يقول لك من زمايلنا

المشاركة الأصلية كتبت بواسطة hany63

الف مبروك و شكل كده في تسريب بسيط في دورة التبريد و في التوكيل هيعملوها بسيطه إن شاء الله
حتة السخونه دي غريبه و خصوصا ان معاك في تي اي زي اللي معاي
و حتة مية المساحات عمري ما زودتها في اي عربيه على اساس اني بودي العربيه التوكيل في ميعاد الصيانه بس ممكن حد يقول لك من زمايلنا

هي مش سخنة لدرجة إنها تلسعك يعني بس بردو الموضوع غريب!!

اكشف في التوكيل عشان لو تسريب تلحقه من الاول
وعموما حتى لو طلع تسريب فالموضوع بسيط باذن الله

يمكن الشكمان واخد خبطه و لزق في الشاسيه و عشان كده في سخونه

المشاركة الأصلية كتبت بواسطة moustafa_kamel

غريبه
عموما طول ما مؤشر الحراره في النص سواء صيف شتا او بتتحرك او واقف يبقي كله تمام و ما فيش داعي للقلق
زود ميه و العربيه بارده لغايه العلامه بين الmin & max و يستحسن لو لغايه فوق ال min بحاجه بسيطه و بعدين لما تشيك تاني شيك و العربيه بارده برده
و اتاكد ان بطانه الكبوت مش عرقانه و لمه تراب و لو ده عندك تعرف انك بتزود القربه زياده عن الحد فبيحصل بخر للجزء الزياده و لو عاوز تتاكد اكتر ما تزودش بعد ما تنقص تاني و سيبها كمان اسبوع و غالبا هاتاتقيها زي ما هي و ده طبعا مع مراقبه مؤشر الحراره
و لو لسه بتنقص اكشف في التوكيل علي دوره المياه

و بخصوص سخونيه الفتيس اتاكد ان عصايه الفتيس (الجزء المعدن اللي ظاهر)ما بيسخنش اوي

بخصوص ميه المساحات هاتلاقي زور القربه علي اقصي الشمال في النص و غطاها ازرق او لبني و املاها لغايه العلامه برده
و بالتوفيق

ايه يا عم فينك ؟
رحت و قلت عدوا لي
والله ده كنت قربت اعمل موضوع اسمه فين مصطفى كامل بس لقيت كله هيرد و يقول لي في و سط البلد