تبا للميديا فاير ولكل مواقع الرفع!!!!

**grand hand** · 29-09-2012 08:14 PM

4 ساعات برفع ملف حجمه 190 ميجا وبعد ما يوصل 99%
يقولى Failure
لييييييييييييييييييييييه

**Land_Cruiser** · 29-09-2012 08:26 PM

حاول إلا ترفع ملف واحد كبير الحجم و لكن قسمه إلى أجزاء يعنى ال ١٩٠ ميجا ده خليه ٥ أو ٦ أجزاء مثلا و بكده لو حصل اى خطأ أثناء الرفع هتقوم برفع الجزء اللى حصلت المشكله فى رفعه فقط و مش كل ال ١٩٠ ميجا و كمان ممكن تضغط الأجزاء كمان بال winzip مثلا و بكده هتقلل الحجم بتاع كل جزء كمان يعنى ممكن تستخدم ال winzip مثلا فى تقسيم و ضغط الاجزاء بالمره و بالنسبه للى هينزل الاجزاء بمجرد تنزيلها على جهازه و فتح اول جزء هو هيجمع الاجزاء كلها بشرط أن يكون عنده ال winzip طبعا

**grand hand** · 29-09-2012 08:42 PM

ما هو يا باشا الملف اكبر من كدة وانا ضاغطه ومقسمه اجزاء مخصوص عشان الموقع مش بيقبل اكتر من 200 ميجا لكل ملف والرفع شغال زى الفل وكل شوية ابص عليه بيتقدم ومفيش مشاكل ومكنتش بعمل حاجة عالنت مخصوص عشان معطلش الرفع يجى بعد ما يخلص يقولى فشل رفع الملف! طب ليه؟! انا اتخنقت من كل مواقع الرفع ومش لاقى موقع مفيهوش مشاكل

**Land_Cruiser** · 29-09-2012 08:59 PM

المشاركة الأصلية كتبت بواسطة grand hand

ما هو يا باشا الملف اكبر من كدة وانا ضاغطه ومقسمه اجزاء مخصوص عشان الموقع مش بيقبل اكتر من 200 ميجا لكل ملف والرفع شغال زى الفل وكل شوية ابص عليه بيتقدم ومفيش مشاكل ومكنتش بعمل حاجة عالنت مخصوص عشان معطلش الرفع يجى بعد ما يخلص يقولى فشل رفع الملف! طب ليه؟! انا اتخنقت من كل مواقع الرفع ومش لاقى موقع مفيهوش مشاكل

المشكله فى الأغلب بتحصل من اتصال الإنترنت الخاص بحضرتك فهو لو وقعت كام byte هتبوظ عمليه التحميلات علشان كده نصحت حضرتك تصغر حجم الجزء علشان تقلل الخساره . طيب بص حضرتك فى برنامج اسمه Dropbox ممكن ترفع به الملفات كويس قوى. و هناك موقع تانى ممكن تجربه برضه اسمه. Free File Hosting - Online Storage; Upload Mp3, Videos, Music. Backup Files بس جرب ال Dropbox و أن شاء الله هيعجبك

**MASERATI** · 29-09-2012 09:46 PM

السلام عليكم و رحمة الله و بركاته

طاب ماتجرب مواقع رفع تانية زى:

www.depositfiles.com

بس لازم تعمل فيه Registeration الأول.

بالتوفيق ان شاء الله.

**OMAR61995** · 30-09-2012 12:57 AM

حصلت معايا كذا مرة

**hossam_elwani** · 30-09-2012 03:04 AM

عارف اللعبه كلها فى ايه ؟؟؟

اللعبه فى امتداد الملف

بعد ايقاف ميجاابلود وثور حماية الملكيه الفكريه فى امريكا تم الزام المواقع دى بقوانين ومعايير لرفع الملفات لها واثناء الرفه بيتم فحص الملف من قبل موقع الرفه ومعرفى محتواه ان كان مسموح ام لا ...

الحل غير صيغة الملف الى بترفعه لصيغ exe ولما تفكه تانى لما تنزله رجع الصيغه الاصليه ليه وبكده حتتحايل على ميديا فير

**grand hand** · 30-09-2012 10:23 AM

انا كرهت النت عالعيشة واللى عايشينها
من 12 بالليل امبارح لحد 8 الصبح انهاردة برفع فيديو على اليوتيوب مدته 300 ميجا
8 ساعات برفع لما حيلى اتهد بس الفيديو اترفع وظهرت رسالة Upload complete

ولما جيت اشغله يقولى

This video has been removed because it is too long.

Sorry about that

**ayman_omer2007** · 30-09-2012 10:23 AM

احساس مرير وبالذات لو بتحمل حاجة بقالك اكتر من يوم وده اخر جزء

**ahmed_h_g** · 30-09-2012 05:27 PM

يا راجل أنت لسه فى ميديا فاير ؟؟؟ محدش بقى يرفع عليه حاجه حاليا" علشان مبقاش زى زمان
شوف المواقع اللى فى المنتديات اللى بيرفعوا عليها برامج مساحات كبيرة وجرب على واحد فيهم
وطبعا" تضغط الملف الأول