صيانة 20000 بالسبع

السلام عليكم ورحمة الله وبركاته،
تم عمل صيانة 20000 بالسبع وهو من المراكز المحترمة ومواعيد مضبوطة تكلفت 471 ، تم تغيير بوجيهات حوالى 68 وفلتر هواء حوالى 163 وتكلفة الصيانة حوالى 240 طبعا الفاتورة مش جنبى فبكتب من الذاكرة لكن الأجمالى 471 لم اغير زيت او فلتر ..
- بيعطيك شيك جميل ب15 حصم على الكاقتيريا .. طبعا من وجهة نظرى ده شغل جامد من اللى مأجر الكافتيريا عشان اولا اخدت قطعتين مخبوزات وقهوة اسبريسو دفعت 11 جنيه يعنى الأجمالى 25 تقريبا قبل الخصم .. المخبوزات كانت بايته ومش طازه عموما احنا مش رايحين ناكل .. ندخل بقى فى المفيد
- المفيد انى شربت السبريسو
- الأفيد الصيانة كلها اخدت ساعة واحدة
- بعدها اخدوا العربية للغسيل (10 دقائق) و50 دقيقة منتظر عالفاضى
- عشان لازم تكمل الساعتين
الصيانة عبارة عن تغيير البوجيهات والفلتر وكشف على العفشة وتزويد السوائل والزيوت وتقريبا كده انا لاحظت بيغيروا العجلات اللى قدام ورا.
- حاولت اشرحله العربية بتاكل بنزين والله يخليك دى اخر صيانة فى الضمان (3 سنوات) عشان معظم الوقت راكنها .. شرحلى ان الصح بتمشى 100 كم على سرعة 90-100 والتكييف مش شغال تعمل من 10-11 لتر .. طبعا ده شغل عالى قوى يعنى بيقلك متكلمش كتير. قلتله حطها عالكمبيوتر ، افاد طالما مفيش لمبه check تبقى مضبوطة بس ححطهاعالكمبيوتر.
المهم المركز منظم والمواعيد مضبوطة .. بيرجع البوجيهات وفلتر الهواء القديم
-شكلى كده الصيانات الجاية لو بسيطة هعملها مع نفسى والكبيرة زى 40 & 80 فى التوكيل ان شاء الله.
دى 3 مرة اعمل صيانة فى السبه ومرة فى اتو ايجيبت.
أسف للإزعاج
والسلام عليكم:coming-soon[1]:

مبروك يا باشا و عقبال ال ٢٠٠٠٠٠ كم ان شاء الله

مبروك الصيانة وعقبال وحاول الجاية تكون فى التوكيل برضه علشان ميتلككش فى اللى بعدها

ألف مبروك يا فندم على الصيانه و عقبال صيانه المليون. حكايه اللتر يعمل ١١ كيلو دى ممكن بس لو عربيه قاطراك أو مأجر ناس تزقك :Oc_sun1[1]: لكن فى الواقع. الفعلى ما بيحصلش و ده مش عيب فى العربيه لان تصميمها كده بس على فكره تغيير البوجيهات هتحس انه حسن استهلاك البنزين أن شاء الله و كمان السحب و رجعها تقريبا زى اول ما اشترتها و كمان موضوع تغيير الزيت بيفرق برضه لما تبقى تغيره بس للامانه حتى بالكلام ده برضه عمرها ما توصل ١١ كيلو للتر . هو فى الأغلب. لما حضرتك قلت له استهلاك بنزين و حط العربيه على الكمبيوتر قالك ده ممكن يقوللى ضفيره و تتغير تبع الضمان و لا حاجه تانيه فراح رادد على حضرتك بالكلام ده علشان يقفل على الموضوع . عامه حضرتك حاول تركب العربيه و تطمئن إلى أنها تمام قبل ما تخرج من الضمان و لو لا قدر الله فيها اى حاجه ارجعلهم بيها و بعدين ما تقلقش من موضوع الخروج من الضمان ده المهم تواظب على عمل الصيانات فى مواعيدها و أن شاء الله تلاقى العربيه زى الفل معاك

مبروك الصيانة يا باشا والسبع من المراكز المحترمة

شكرا للأخوة المحترمين .. كنت بفكر اعمل الصيانات الجاية البسيطة مع نفسى لآن حتى لو العربية عاوزة حاجة تتغير وانا فى التوكيل هيقوللى مع نفسك ( يعنى ادفع) لآنى خارج الضمان .. لكن طبعا الصيانات الكبيرة زى ال 40 وال 80 فى التوكيل عشان اتفادى اى افتاء بره التوكيل .. مش كده ولا ايه!
يعنى اى صيانة بعد كدة مصنعية حوالى 240 زى ما قاللى المندوب فى السبع .. طيب حتى لو كان تغيير زيت وفلتر!!! صعبة طبعا. وبعدين لازم يكون فى استثناءات فى شركات الماركات المحترمة مثل النيسان يعنى لو حد اشترى العربية وسافر ال3 سنوات يساويه باللى ماشى بيها 90000 ؟ كلنا عارفين ان اى عربية مشاكلها بتظهر بعد ال50 الف .. خايف اغنى ظلموه >>
يس ليا لوم على السبع .. كان زمان بيحط شاشات تعطيك اخبار العربية من الصيانة والتكلفة الى خروجها للتسليم واحنا فى الأنتظار لكن دلوقت بدلها بالدش!
وده ما بيقللش من احترامى لهذا المركز اللى مواعيده مضبوطة وشغله كمان.. اسق للإطالة

1000 مبروك ع الصيانة ومشكور ع التقرير ..

لا شكر على واجب دكتور يوسف
أأقل واجب اقدمه لأسرتى..نيسان

اقتباس:

---

المشاركة الأصلية كتبت بواسطة eyadmorsy

شكرا للأخوة المحترمين .. كنت بفكر اعمل الصيانات الجاية البسيطة مع نفسى لآن حتى لو العربية عاوزة حاجة تتغير وانا فى التوكيل هيقوللى مع نفسك ( يعنى ادفع) لآنى خارج الضمان .. لكن طبعا الصيانات الكبيرة زى ال 40 وال 80 فى التوكيل عشان اتفادى اى افتاء بره التوكيل .. مش كده ولا ايه!
يعنى اى صيانة بعد كدة مصنعية حوالى 240 زى ما قاللى المندوب فى السبع .. طيب حتى لو كان تغيير زيت وفلتر!!! صعبة طبعا. وبعدين لازم يكون فى استثناءات فى شركات الماركات المحترمة مثل النيسان يعنى لو حد اشترى العربية وسافر ال3 سنوات يساويه باللى ماشى بيها 90000 ؟ كلنا عارفين ان اى عربية مشاكلها بتظهر بعد ال50 الف .. خايف اغنى ظلموه >>
يس ليا لوم على السبع .. كان زمان بيحط شاشات تعطيك اخبار العربية من الصيانة والتكلفة الى خروجها للتسليم واحنا فى الأنتظار لكن دلوقت بدلها بالدش!
وده ما بيقللش من احترامى لهذا المركز اللى مواعيده مضبوطة وشغله كمان.. اسق للإطالة

---

الشاشات موجودة يا باشا أمام الكافيتريا أزاى مشفتهاش وبتابع منها موقف عربيتك وصلت لفين :majd(4):

بصراحه بفكر اعمل صيانه اللي جايه عند السبع لأن اوتو ايجبت مبقوش زي الأول

اقتباس:

---

المشاركة الأصلية كتبت بواسطة M.Nabeeh

بصراحه بفكر اعمل صيانه اللي جايه عند السبع لأن اوتو ايجبت مبقوش زي الأول

---

ممكن المزيد من الإيضاح فى هذا :help1:

الف الف مبروك الصيانة و عقبال صيانة 500000 كيلو ان شاء الله و شكرا علي التقرير ..

--------------

اقتباس:

---

المشاركة الأصلية كتبت بواسطة saint2011

الشاشات موجودة يا باشا أمام الكافيتريا أزاى مشفتهاش وبتابع منها موقف عربيتك وصلت لفين :majd(4):

---

يعنى اذا كنت متاكد من كلامك تبقى كارثة .. لآن الكافتيريا ورانا .. يعنى ورا المنتظرين من اليمين يعنى حتى لو كانت الشاشة موضوعة تبقى فى مكان مش ظاهر وعشان كده محدش بالى .. بس اخدت لالى من 2 شاشة كبيرة ال سى دى فى 2 مكان مميز بصالة المنتظرين .. يعنى من الأخر حطوها فى مكان مستخبى بدل الأول اما كانت فى مكان واضخ!
وبعدين الراجل بتاهك ده هيجيلوا صداع من كتر الخبط على دماغه .. الحقوا بقرصين اسبرين :36_1_8[1]:

---

اقتباس:

---

المشاركة الأصلية كتبت بواسطة M.Nabeeh

بصراحه بفكر اعمل صيانه اللي جايه عند السبع لأن اوتو ايجبت مبقوش زي الأول

---

يا باشا هى فيها اول اصلا.. ده انا اول ما فتح روحتوا عشان الفلتر الهدية وضربت مشوار من المعادى وبداية فتح المركز زهقنى .. اولها بجانب الصيانة طلبت ضبط احزمة الأمان الأمامى وطلب احر فى الصالون .. رده كان هتقعد ساعة اضافية عشان هتروح لورشة السروجى بعد الصيانة (سياسة خد الصيانة بس واجرى) .. قلت استحمل وقلتله يعمل الأحزمة بس عشن متخدش وقت كتير.. رجعت البيت فى المعادى والمفاجأه,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,
ها عرفتها الأخزمة محدش لمسها مع انه قاللى اتعملت وقعدت ندى فى الجراج بالعدة وفرشت وصلحتها الكرسى الأمامى واللى بجانب السائق ..بعديها اتعلمت:no2:
بس بصراحة خدمة ما بعد البيع ممتازة . اتصلوا بيا وقلتلهم على المشكلة وطلبوا حضورى للأصلاح فورا واعتذرت عشان المشوار تقيل.

اقتباس:

---

المشاركة الأصلية كتبت بواسطة peaceman

الف الف مبروك الصيانة و عقبال صيانة 500000 كيلو ان شاء الله و شكرا علي التقرير ..

---

يااه 500 الف مره واحدة .. ده انا عملت ال20 الف فى 3 سنين .. اظن احفادى واحفادك حيحضروا الصيانة دى فى مركز نيو سبع !!
وبعدين لا شكر على واجب
بس سؤال .. لو عملت صيانة من الصيانات الجاية عند ميكانيكى اعمله تقرير :)