الموضوع: هي كوري بالكامل فعلا ؟؟

بما أنك يا أستاذ أيمن معاك نيو أكسنت

أنا عايز أعرف الموديل اللي معاك سنة كام
وايه اللي أخلي بالي منه في العربية دي
وهل هي حمالة شغل ولا احاسب عليها
ولو عندك نصيحة أخوية بالنسبة لإستخدامي للعربية تكون مشكورا
طبعا أكيد عرفت ان السيارة معي موديل 2010

المشاركة الأصلية كتبت بواسطة m6r1282

بما أنك يا أستاذ أيمن معاك نيو أكسنت

أنا عايز أعرف الموديل اللي معاك سنة كام
وايه اللي أخلي بالي منه في العربية دي
وهل هي حمالة شغل ولا احاسب عليها
ولو عندك نصيحة أخوية بالنسبة لإستخدامي للعربية تكون مشكورا
طبعا أكيد عرفت ان السيارة معي موديل 2010

نفس الموديل اللى معاك.
العربية مجملا ممتازة بالنسبة لفئتها السعرية-موفرة للبنزين-سحب جيد وتسارع عالى على rpm عالى ولكن مع حرق زيادة فى البنزين-تكييف جيد جدا.

يعيبها فى رايى : العفشة الناشفة والدونجل اللى ورا واللى بيخلى العربية تتنطط فى المطبات ومطبات الهوا.

اهم حاجة الصيانة الدورية من :

تغيير زيوت-سيور-مياه الريادتير-فلتر الهوا+فلتر التكييف.

تدوير الكاوتش-تربيط العفشة كل 8000-10000 كم

اظبط الكاوتش نيتروجين مش هوا واظبطه على 32 هتفرق معاك العفشة كتير والفرامل.

وطالما العربية استعمال يبقى بص على الكاوتش وغيره لو محتاج ويستحسن تغيير الاربع فرد مرة واحدة.

حمالة اسية : مقصود بيها ايه بالنسبة لك ؟

وانصحك تشوف موضوع المهندس هانى سبيد سرفيس وروحله خليه يبصلك عليها.

المشاركة الأصلية كتبت بواسطة Ayman-Ahmed

نفس الموديل اللى معاك.
العربية مجملا ممتازة بالنسبة لفئتها السعرية-موفرة للبنزين-سحب جيد وتسارع عالى على rpm عالى ولكن مع حرق زيادة فى البنزين-تكييف جيد جدا.

يعيبها فى رايى : العفشة الناشفة والدونجل اللى ورا واللى بيخلى العربية تتنطط فى المطبات ومطبات الهوا.

اهم حاجة الصيانة الدورية من :

تغيير زيوت-سيور-مياه الريادتير-فلتر الهوا+فلتر التكييف.

تدوير الكاوتش-تربيط العفشة كل 8000-10000 كم

اظبط الكاوتش نيتروجين مش هوا واظبطه على 32 هتفرق معاك العفشة كتير والفرامل.

وطالما العربية استعمال يبقى بص على الكاوتش وغيره لو محتاج ويستحسن تغيير الاربع فرد مرة واحدة.

- أشكرك على هذه المعلومات مع إني جاهل بالحاجات دي ماعدا ضبط الكاوتش

حمالة اسية : مقصود بيها ايه بالنسبة لك ؟

- أقصد معمره والداخل بتاعها الطابلوه وما يحتويه والكراسي الميكنه ضفيرة الكهرباء العفشه، هي كاكل معمره يعني مايقارب من الياباني كده ولا سكه ولا نص ونص
وأنا عالعموم سواقتي حنينه ومش بهري ومش بحب الجري لكن بحب التسارع السريع وبحب الكرسي اللي ساند نفسه مش بينخ بسرعة ... فما قولك دام فضلك ؟؟

وانصحك تشوف موضوع المهندس هانى سبيد سرفيس وروحله خليه يبصلك عليها.

ههههه.كلنا اتعلمنا شوية شوية.

فى رايئ ولاننى كنت مالك للانسر2006 قبلها.اليابانى متميز فى العفشة والموتور والهيونداى بتقنية الموتور الحديثة تميز فى توفير الوقود+قوة الموتور.

التابلوه انا شايفه فى الاكسنت جميل ومتناسق بعكس اللانسر شفته فقير.ومعمر بس من غير معطرات ومواد تلميع مضروبة مجهولة النوع والمصدر.

الكرسى مكنش مريحنى فى الاول ولكن بعد كدة عملته جلد تفصيل وفرق معايا كتير.

الخامات هقول عليها فوق المتوسط مقارنة برضه باللانسر.

العفشة بالرغم انها ناشفة ولكن ده بيزيد من عمرها واحتمالها ولكن متمشيش بيها فى مدق على 50-60 وتطلب منها تعيش مدة طويلة.

العربية مجملا حلوة لليحافظ عليها ويهتم بصيانتها.

وبالنسبة لك وعربية استعمال يبقى وان حتى كانت الحاجات ديه جديدة تتغير احسن :

زيت الموتور + الفلتر.

فلتر الهوا + التكييف.

دورة التبريد + مياه التبريد.

توديها لمكان مضمون يبصلك على السيور.

تيل الفرامل تبص عليه وتشوف فاضله قد ايه.

زيت الفتيس يتغير الا اذا كان بيتعملها صيانة دورية فى التوكيل واتغير فى ميعاده.

محدش اشتكى من كهربا العربية بالرغم ان التوكيل رفض كتير اى تعديلات فى العربية من اضاءة-زينون-فوجات ولكن مع تركيب نوع عالى الجودة بتقل المشاكل.

بالتوفيق بامر الله واى سؤال ربنا يسهل ونقدر نجاوبك عليه.

المشاركة الأصلية كتبت بواسطة Ayman-Ahmed

وبالنسبة لك وعربية استعمال يبقى وان حتى كانت الحاجات ديه جديدة تتغير احسن :

زيت الموتور + الفلتر. (التاجر مغيره قبل البيع بيوم ووراني المعيار بتاعه شفاف خالص)

فلتر الهوا + التكييف. (نبص عليه)

دورة التبريد + مياه التبريد. (نبص عليها، بس ده تخصص مين ؟؟)

توديها لمكان مضمون يبصلك على السيور. (أوكي)

تيل الفرامل تبص عليه وتشوف فاضله قد ايه. (الفرامل زي الفل ماشاء الله)

زيت الفتيس يتغير الا اذا كان بيتعملها صيانة دورية فى التوكيل واتغير فى ميعاده. (هو الفتيس المانيول بيغير زيت أصلا .. وكل أد إيه لو بيغير ؟؟)

محدش اشتكى من كهربا العربية بالرغم ان التوكيل رفض كتير اى تعديلات فى العربية من اضاءة-زينون-فوجات ولكن مع تركيب نوع عالى الجودة بتقل المشاكل.

بالتوفيق بامر الله واى سؤال ربنا يسهل ونقدر نجاوبك عليه.

- ربنا يكرمك يارب والله انت راجل تمام، هو أنا معي الكاتالوج العربي أقدر استفيد منه بإيه
- هو أنا على فكره تركت العربية في المنوفية وأنا شغال في مصر طوال الاسبوع وأنا جايبها يوم السبت عشان كده متوغوش وعمال أسأل كتير ... واعذرني لجهلي لأن أنا كان معي نيسان وكان شغلي كله توكيل لذلك قليل الخبرة ...
وعلى فكره العربية كالجديد فعلا حتى الطاره بشوكها هي 2010 و 56000 كيلو

A Taxi of thanks

المشاركة الأصلية كتبت بواسطة m6r1282

وبالنسبة لك وعربية استعمال يبقى وان حتى كانت الحاجات ديه جديدة تتغير احسن :

زيت الموتور + الفلتر. (التاجر مغيره قبل البيع بيوم ووراني المعيار بتاعه شفاف خالص)

ما احنا قولنا وحتى لو كانت جديدة.على الاقل تبقى انت عارف الزيت اللى حطه وميعاده.

فلتر الهوا + التكييف. (نبص عليه)

دورة التبريد + مياه التبريد. (نبص عليها، بس ده تخصص مين ؟؟)

فنى الريادتير او تروح لمحطة بنزين تغير فيها المياه وابعد عن المياه السعودى او المصرى وانصحك يا بموبيل او بالامريكى(بريستون) والغالى تمنه فيه.

توديها لمكان مضمون يبصلك على السيور. (أوكي)

تيل الفرامل تبص عليه وتشوف فاضله قد ايه. (الفرامل زي الفل ماشاء الله)

مش شرط ان الفرامل بتقفش تبقى كويسة بل بالعكس .

زيت الفتيس يتغير الا اذا كان بيتعملها صيانة دورية فى التوكيل واتغير فى ميعاده. (هو الفتيس المانيول بيغير زيت أصلا .. وكل أد إيه لو بيغير ؟؟)

ايون وبيتغير كل 40000 كم.

- ربنا يكرمك يارب والله انت راجل تمام، هو أنا معي الكاتالوج العربي أقدر استفيد منه بإيه

الله يباركلك والكتالوج تستفيد بقرائته وانت قاعد فاضى وتشوف معلومة جديدة وتستفاد بيها.

- هو أنا على فكره تركت العربية في المنوفية وأنا شغال في مصر طوال الاسبوع وأنا جايبها يوم السبت عشان كده متوغوش وعمال أسأل كتير ... واعذرني لجهلي لأن أنا كان معي نيسان وكان شغلي كله توكيل لذلك قليل الخبرة ...

لا تقلق بامر الله وشيك على الحاجات ديه قبل ما تسافر للطمأنينة.وبص على الاستبن بالمرة.


وعلى فكره العربية كالجديد فعلا حتى الطاره بشوكها هي 2010 و 56000 كيلو

ربنا يباركلك فيها ويديك خيرها ويكفيك شرها.

أثقلت عليك أشكرك جدا وربنا يجازيك خير
وادع لي اتعلم الميكانيكا لأن الواحد في الـ خالص

ولا اثقلت ولا حاجة.كلنا هنا بنتعلم من بعض ونفيد بعض والحمد لله.