انا استلمت الشارك 2012 امبارح اول فئه اللي ب 125000
اول حاجه البور حساه تقيل. هل ده علشان هي جديده؟
ثاني سؤال كان في تحت الكاسيت غطاء مكتوب عليه aux لما فتحته لقيت مدخلين وا حد احمر و واحد ابيض هو ده ايه؟
عرض للطباعة
انا استلمت الشارك 2012 امبارح اول فئه اللي ب 125000
اول حاجه البور حساه تقيل. هل ده علشان هي جديده؟
ثاني سؤال كان في تحت الكاسيت غطاء مكتوب عليه aux لما فتحته لقيت مدخلين وا حد احمر و واحد ابيض هو ده ايه؟
الف مبروووووووووووك
وان شاء الله ملاك الشارك هيفدوكي :)
الف مبروك وربنا يعطيكى خيرها ويحفظك من شرها
وممكن اعرف حضرتك اشتريتها منين لانى مش لاقيها خالص
الف مبروك علي السيارة
فعلا سيارة تستحق الاقتناء
الباور بتاعها ممتاز حضرتك هتتعودي علية بالتدريج
مبررررروك عربيه محترمه فعلا سوقتها مرتين عجبتنى وكرسيها مريح جدا
بس اسمع ان قطع غيارها غاليه
على العموم ربنا يكفيكى شر طريقها ولو شويه صور ليها تبقى تمام
الأحمر و الأبيض ده يتحط في سلك يتوصل بالموبيل او الايبود او mp3 عشان يشغل أغاني من عليه. و الباور بتاعها تقيل مقارنة بالكوري لأنه زيت مش كهرباء و دي انا شايفها في مصلحتي لأني سقت هيونداي النترا و كنت بحس ان اي حركة اعملها منغير ماقصد ممكن تشقلب الدريكسوين من خفته, انما في الشارك الدريكسوين تقيل و مش سهل يروح كدة ولا كدة فجأه.
الف مبروك يا باشا ..
الف مبرووك وربنا يديكى خيرها ويكفيكى شرها ويحفظهالك امين يارب الباور مش تقيل بالعكس ده مريح جدا بس هو مش زى الهيونداى اتقل سيكه وده امااااان جداوهتتعودى عليه وهو كهربه مش زيت ثانيا الفتحتين دول لو عايزه توصلى موبايل او ام بى 3 هاتشترى من راديو شاك واصله اتنين فى واحد ودى بتكون ناحيه فيها جاكين اللى هما بيركبو فالمداخل دى والناحيه التانيه بتكون جاك واحد 3.5 مللى وده اللى بيركب فالام بي ثرى او الموبايل يارب اكون قدرت افيدك والف مبروك مره تانيه
الباور مش تقيل ولا حاجه ده اخف من السيراتو كتير وهو باور كهربا مش زيت على فكره
الف مبروك ربنا يديكي خيرها ويكفيكي شرها ويحرسهالك من العين
اختيار موفق
الله يبارك فيكم كلكم :-)
أولا ألف ألف مبروك ربنا يديكى خيرها ويكفيكى شرها , أختيار موفق بأذن الله .
بالنسبة لسؤال حضرتك عن الباور الزيت أحسن ولا الكهرباء :
فى 3 أنظمة للباور :
الكهربى والهيدروليكى والهيدرو-كهربى (استعمل فى بعض السيارات الفخمة زى مرسيدس w210 ,w211 , بس دلوقتى رجعوا تانى للهيدروليكى الخالص)
1)الباور الهيدروليكى : أول نظام باور اتعمل , ميزتة أنة أكتر نظام يعطى السائق feedback من الطريق مش بيعزلة عن الشارع , عيبة أنة بيزود استهلاك البنزين من 5-8%
2)الباور الكهربى : ميزتة أنة بيوفر استهلاك البنزين الزيادة بتاع الهيدروليكى وبرضة يعتبر أرخص نظام , عيبة أنة بيعزل السائق تماما عن الشارع , ودة يعتبر عيب وغير مطلوب , عشان كدة دايما تلاقى الفئات الفخمة من العربيات تستعمل الهيدوليك مش الكهربى (على سبيل المثال هوندا سيفيك 2012 باور كهربا , هوندا أكورد 2012 باور هيدروليكى)
3) الباور الهيدروكهربى : جمع مزايا النظامين , بس عيبة أنة غالى
فالنظام اللى مع حضرتك دة أحسن نظام .
وألف مبروك مرة أخرى .
أعتذر للأطالة وتقبلوا تحياتى
معلش كنت عايز اعرف يعني ايه الباور الكهربا بيعزل السواق عن الشارع
ألف مبروك
يعنى الباور الكهربا بيمنع أى تغيير أو أى اختلاف فى المقاومة اللى بيحس بيها السواق فى الدريكسيون نتيجة تغيير القوى اللى على العجل اللى قدام (على سبيل المثال بسبب تغيير اتجاة السير أو تغيير فى سطح الطريق أو بسبب المرور على طبقة مياة على الشارع)
على سبيل المثال :
حضرتك ماشي بالعربية مثلا على سرعة 30 كم/س , ماسك الدريكسيون فى ايدك بتحركة سنة يمين و شمال فى مشيك الطبيعى عشان تفادى البلاعات والنقر وكدة , بتحس بقوة معينة أنت بتلف بيها الدركسيون.
جميل ؟!؟!
قررت تحود فى شارع جانبى عمودى على خط سيرك الأصلى (كنت فى شارع رئيسى وعايز تدخل شارع جانبى) , بس من غير ما تبطأ , عند ادارة الدريكسيون لاحظ القوة اللى بتلف بيها الدركسيون , فى احتمالين :
1)القوة اللى بتلف بيها الدركسيون لما بتحود تلاقيها أكبر من القوة اللى بتلف بيها الدركسيون وانت بتفادى البلاعات , ودة الوضع الطبيعى .
2) أو تلاقى القوة اللى بتلف بيها الدركسيون لما بتحود تساوى القوة اللى بتلف بيها الدركسيون لما بتفادى البلاعات , فى الحالة دى يبقى الدركسيون بيعزل حضرتك عن الشارع , لأنة مابيديش معلومات انت تقدر من خلالها تحدد مقدار التماسك بين العجل الأمامى والطريق .
وبصراحة أكتر عربية لقيت فيها الظاهرة دى كانت الالنترا (2010) سقتها وهى عاملة 8000 كيلو , فعلا تحس أنك ماسك دركسيون لعبة , لا بيتقل ولا بيخف ولا بتحس بأى حاجة , احود اكسر خد غرزة امشى فى مياة اعمل اللى تعملة هى نفس المقاومة اللى بتحس بيها فى ايدك (أنا بتكلم على سرعات أقل من 60 كيلو , بعدها الباور بيفصل , بس برضة مابتحسش بحاجة :)))
بينما الهوندا سيفيك الباور كهربا صحيح , بس مختلف نهائيا عن الالنترا
(أنا ماجربتش باور الشارك الكهربا اللى قبل 2012 , بس أكيد كويس:))
أتمنى أنى أكون عرفت أوصل الفكرة
أعتذر للأطالة وتقبلوا تحياتى .
باور الشارك 2012 كهربا
باور الشارك ٢٠١٢ زيت وده اكيد .. انا معى الشارك ٢٠٠٩ باور كهرباء وفى منتهى. الروعه يا جماعه السيارة دى جميله جداااااا ودايما السوق فى مصر يلفظ السيارات المحترمه ويحفظ الردئ والسبب رخص قطع الغيار اللى بتغيرها اكثر من مرة فى حين ان السيارة المحترمه قطع الغيار اغلى شيئ ما لكن معمرة