جزاك الله خيراً و ديه خطوة كويسة جداً و يا ريت الناس كلها تتصل بيهم و تقولهم أنا أتصلت بواحد فى المبيعات اسمه علاء و قالى هابلغ الإدارة و الله المستعان
عرض للطباعة
طب احسبها صح العربية سعرها بعد الفائدة سوف يكون عالى جدا جدا اوى و بعدين ايه لازمتها الفايدة انتظر قليلا او اعمل جمعية كبيرة تكون حلال مائة فى المائة و بعدين اتقوا الشبهات مثل قول الرسول الكريم صلى الله عليه و سلم و الله تعالى ولى التوفيق
السلام عليكم
الشراء تم بدون حظر بيع
بدون توكيل
بدون نسخة مفتاح
مجرد شيكات بباقى المبلغ على اقساط شهرية
اما التعاقد تم ازاى
انا قعت جادلت مع الراجل شوية بالنسبة للفايدة
واخدت اقرا استلام سيارة وخدت العربية وبعد اسبوع رجعت اخدت ورق العربية ورخصت
وانا دفعت 50% مقدم وهادفع الباقى على سنة واحدة ان شاء الله لانى ما بحبش الدين ولكن الراجل ممكن يقبل لحد 3 سنين
بالتوفيق للكل وباقول للاخوة ما تستعجلوش واياكم تستسهلوا
ربنا يغنينا بالحلال
السلام عليكم
اسف للتأخير ولكنى مش بادخل كتير
على كل الرقم هو 0102820001
والراجل عنده عربيات كتير ولو مالاقيتش عربيتك عنده ممكن تقوله عليها وهو يجبها لك
عنده اوبل وهيونداى ولانسر واوكتافيا وغيره كتييير
بالتوفيق لكل الاخوة
بس حضرتك قلت ان الفايده وصلت 23% طب ازاي وانت مقسط علي سنه واحده ؟
السلام عليكم
ايوة فعلا هو كتيييرررررر جدا جدا بس اعمل ايه
انا لفيتها من فيصل لل كونتاكت ل التمويل المصرى السعودى ل قبنور ى
وكله تغيير مسميات بس الاقى فى الاخر برضه البنك يمول والتاجر يشترى بناء على طلبك و حجزك عشان كدا انا وافقت مضطر
لانى كنت يا اما اعمل كدا يا اشترى مستعمل
بس الحمد لله انا مش زعلان ونفسيتى مستريحة جدا بغض النظر عن الفائدة
يا اخوان الموضوع مش سهل دا ربنا بيقول لنا ان دى حرب منه هو احنا قادرين نحارب نفسنا
ربنا يغنينا بالحلال
السلام عليكم
ايوة يا اخى اعتقد انه ممكن اقترح انك تقوم بزيارة للمعرض و تدردش مع صاحب المعرض وربنا يوفقك
السلام عليكم جميعا
الحمد لله الذي بفضله تتم الصالحات
جزاك الله خيرا يا اخي abohagar2001 وجعلة الله في ميزان حستاتك وبارك لك في سيارتك الجديدة.:laugh:
نرجو منك ان توضح لنا بالتفصيل موضوع هذا المعرض بمعني ما هي صيغة العقد وايه الضمانات المطلوبة وايه هي حكاية %23 دي يعني انت كان متبقي عليك كام واتفقتم تدفعه اد ايه وعلي كام سنة , وهل %23 زيادة دي عن كل سنة ولا ايه والموضوع خد وقت اد ايه , ياريت تعذرنا وتسامحنا ( بس زي ما انت شايف في ناس كتيييير بتدور علي الحلال ولو كان اغلي في السعر ومتشوقيين يعرفوا كل التفاصيل فمعلش اعذرنا ).
متابع بإهتمام:icon_bs:
السلام عليكم ورحمة الله وبركاته
يا اخوانى انا وضحت ان ماكان فى عقد ارجو ان انتم تراجعوا الموضوع
السيارة كان تمنها 97000 وانا دفعت 50000 وال 47000 الباقيين على 10 شهور بوقع 5500 جنيه كل شهر يبقى تلاقى المبلغ زاد حوالى 8000فى عشرة شهور ودا بشيكات بنكية قبل ميعاد القسط انا بحط القيمة فى الحساب وبعدين انا كتبت التليفون كلموا الراجل يمكن توصلوا لنتيجة احسن منى بالنسبة للفائدة انا اكمنى ما صدقت لاقيته كنت عارف ان انا ما عندي خيار تانى فتنازلت بسرعه حاولوا انتم يمكن تقدروا تشطروا احسن منى
ابو هاجر المصرى
السلام عليكم ورحمة الله
لا يا اخى العفو ما فى ازعاج ابدا
انا والله حاسس بيكم لانى دخت كتير اوى لدرجة ان انا خلاص كنت باخلص فى تيريوس مستعملة بس الحمد لله ربنا يوفقكم ويهديكم للحلال
ابوهاجر المصرى
السلام عليكم ورحمة الله
الحمد لله الذي بفضلة تتم الصالحات
انا بعت ميل لشركة كونتاكت وجاني رد عليه النهاردة والرد هو
السلام عليكم ورحمة الله وبركاته
شكرا لاهتمامك بعروض شركة كونتكت لتجارة السيارات اما بخصوص العقد الشرعى فا ان الاداره العليا لم تحدد بعد تفعيل العقد الشرعى لدى الشركة فنحن لم نتعامل بعد بهذا العقد و شكرا
نسرين صالح خدمة العملاءشركة كونتكت لتجارة السيارات – 1 ش العزيز عثمان – الزمالك27361234-02
وطبعا لا تعليق :ANSmile05:
سبحانك اللهم وبحمدك اشهد ان لا اله الا انت استغفرك واتوب اليك
انا بس مستغرب من الحملة الأعلامية الأعلانية اللى نزلوا بيها فى الجرايد و اللى أكيد أتكلفت مئات الألوف من الجنيهات عن العقد الشرعى و التقسيط الإسلامى!!!:shocked4:و الناس للأسف عندهم الجهل سيد الأدلة إلا من رحم الله و ربنا يرحمنا برحمته و ييسرنا الحلال و يباعد بيننا و بين الحرام كما باعد بين المشرق و المغرب
السلام عليكم ورحمة الله
الحمد لله الذي بفضله تتم الصالحات
انا عندي خبر كويس , بفضل الله لقيت معرض عربيات بيبيع عربيات مستعملة وعربيات كسر الزيرو بالتقسيط ( بس كل الموديلات اللي عنده من سنة 2000 واحدث لغاية موديلات 2007 , وماعندوش غير حظر بيع فقط بس هو بيحط شروط في الدفع
من % 65 ال % 75 من ثمن العربية دفعة مقدمة ( علي حسب الشخص اللي متقدم للشراء ) , والباقي علي سنة واحدة فقط بفايدة % 10 من المبلغ المتبقي
المعرض ده موجود في 56 عمار بن ياسر , خلف سور الكلية الحربية
تليفون المعرض : 26242454
انا رايح النهاردة اشوف عربية عنده , ادعوا لي ربنا يوفقني.
يارب الحل ده ينفعكم ويكون مناسب ويجنبنا الربا والوقوع فيه
سبحانك اللهم وبحمدك , اشهد ان لا اله الا انت , استغفرك واتوب اليك
يا ترى معدل الفائدة كااام
واي نوع عربية موجود
وفي بنك وسيط ولا بدون بنك
السلامعليكم ورحمة الله وبركاته
النهاردة 13 \8\2008 بتوع كونتاكت اتصلوا بى وقالوا انهم فعلوا العقد الشرعى
وان انا اءقدر اشترى بالعقد دا لو حبيت يا ترى يا اخوانا ايه اخبار موضوع التوكيل
حد عنده معلومات جديدة
ابو هاجر المصرى
مش معقووووووووووول
على فكرة يا اخوانا هما بعتوا لى صورة العقد الشرعى لعملية بيع منفذة بالفعل
هو كويس جدا بس العقد موضح ان العربية خاضعة للرهن طرفهم طيب امال ايه لازمة التوكيل انا مش عارف لو حد عاوز صورة العقد اناممكن ارفعه لكم
وشكرا
ابوهاجر المصرى
للعلم وللأهمية :
شركة كونتاكت مش شركة تأمين هي شركة بيع سيارات فقط لا غير وبتتعامل مع شركة الدلتا للتأمين بالعمولة بمعنا بتتعامل معا الدلتا بنسبة 2.5%شامل ، وبتتعامل مع عميلها بنسبة 4% تقريبا ، تحياتي
ياريت ترفعلنا صورة العقد عشان نشوفها
وجزاك الله خيرا
كان المفروض اني هاقسط عن طريقهم بس غيرت رأيي عشان حتة التوكيل دي.. امبارح كلموني عشان تخصيص العربية و عشان أكمل باقي الإجراءات قلت لهم اني غيرت رأيي و مش هاقسط عن طريقهم، سألني ليه و إذا كانت حاجة خاصة بيهم و لا بية قلت له عشان نقطة اني اعمل لهم توكيل بالعربية دي انا مش موافقة عليها، قام قاللي اوك متشكر جدا و تمنى لي حظ سعيد في عملية شراء العربية عن طريق حد تاني غيرهم :1eye:
نفس اللي حصل معايا الأسبوع اللي فات ... رغم اني كنت مبلغاعم اعتراضي على التوكيل من حوالي شهر بس رجعوا و كلموني تاني و الراجل قال لي ده علشان العربية بتبقى باسم حضرتك في العقد و في المرور طيب احنا نضمن حقنا ازاي و لما قلت له عندك العقد و الشيكات اللي بتخدوها عليه و ان انا ناقشت الموضوع ده قبل كده مع واحد من اللألف شخص اللي كلموني من عندكم قال لي قولي لي اسمه علشان لازم افهم هو ازاي اتكلم معاكي في موضوع التوكيل ده المفروض انه حاجة اساسي و بتتحضر مع تخليص الورق و مفيش حد يقدر يقول انه هيشوفها او هيتكلم فيها.
آه نسيت اقولكم كمان انه كان بيكلمني عشان تمن العربية مش زي اللي مكتوب عندهم و زاد 3000 جنيه.
بس و السلام كان الختام.
الله يفتح عليكى يا استاذة علا و إن شاء الله ربنا هايعوضك خيراً منها فمن ترك شيئاً لله عوضه خيراً منه، و للأسف الشيوخ اللى راجعوا العقد مكانوش يعرفوا موضوع التوكيل ده و لما عرفوا لم يجيزوا التعامل معهم،،،
و الأهم من كده إن الشيخ على السالوس أجاز التعامل مع بنك فيصل فرع عباس العقاد بعد تعديل أجراءات التقسيط و لله الحمد و المنة،،،،
ممكن ترفع لنا صورة العقد الجديد
الدنيا بقت صعبه قوى والحلال بقا شبه مستحيل ولا ايه
لا حول ولا قوة الا بالله حسبنا الله ونعم الوكيل
أبشر لأن الله جعلك ممن يبحثون عن الحلال فى هذا الزمان،،،أنا لو قولتلك كمية الناس اللى فى الشغل معايا اللى واخدين قروض سيارة من البنك مش هاتصدق! حتى أنا قلت لأخ عندنا لو موضوع البنك ده كان حلال و اللى ياخد قرض السيارة ده يتكتبله ألف حسنه محدش كان هايروح بالصورة ديه و الله أعلم و حسبنا الله و نعم الوكيل،،،