وانا كمان عندى فى الشغل سبحان الله كتير قوى قوى قوى واخدين قروض من البنك وعادى جدا ولا يلقى لها اى بال
سبحان الله
ربنا ييسر الحلال
عرض للطباعة
وانا كمان عندى فى الشغل سبحان الله كتير قوى قوى قوى واخدين قروض من البنك وعادى جدا ولا يلقى لها اى بال
سبحان الله
ربنا ييسر الحلال
النهارده كلمت واحد من كونتاكت
قالي انهم لغوا التأمين
ونسخة المفتاح
وكمان مافيش غرامة تأخير
لكن مازال هناك توكيل بالسيارة لو نقدر نغير موضوع التوكيل ده يا جماعه لصيغة رهن للسياره أظن ان العمليه كده هاتبقى شرعية
السلام عليكم
صورة العقد فى المرفقات ولكنى حجبت اسم العميل احترما للخصوصية واعتذر بسبب عدم وضوح الصورة ولكن للالتزام بتعليمات الموقع بخصوص حجم الصور
وشكرا
ابو هاجر المصرى
السلام عليكم ورحمة الله
يا اخوانا حد شايف فى العقد نفسه اى محذور شرعى والا ايه رأيكم
ابو هاجر المصرى
يا جماعة كونتكت عندها منتج تقسيط اسلامي مختلف عن منتج التقسيط الاساسي فامحدش يخلط بين الاتنين ، التقسيط الاسلامي لسه فاتحينه ماكملشي شهر
خصائص النظام الاسلامي
1) مافيش غرامات تاخير
2) ما فيش تامين لا اجباري و لا اختياري عايز تامن روح امن في اي حته بعيد عنهم
3) العقد و المستندات باستثناء التوكيل تم تعديل صيغهم و كتابتهم لاستبدال ما هو غير شرعي بما هو شرعي و ذلك عن طريق عرضها على الدكتور السالوس و الشيخ محمد حسان و الشيخ محمد حسين يعقوب و الشيخ ياسر ، لم يتم عرض التوكيل لان الصيغه معتمده في الشهر العقاري و ماينفعشي تتعدل ، الخلاف الي ظهر: في وجود التوكيل من عدمه مش في الصيغة بتاعته
4) مافيش نسخة مفتاح
طريقة تحصيل القسط :
1) تحط الفلوس في حساب الشركة في بنك ال Cib
2) يكون عندك حساب في ال Cib بتاعك انت و تحط فيه القسط و الشركه تخش تسحبه اول كل شهر و انت مرتاح (مفيد اوي للي مرتبه بينزل في حساب مش بيقبض كاش)
3) تكتب شيكات بنكيه ، شيك عن كل قسط ، و في ميعاد استحقاق القسط الشركه تروح تصرف الشيك عشان تاخد فلوسها
انا بقى عايز اسال سؤال ليه الشركة لغت كل الضمانات و سابت التوكيل ؟؟؟
ببساطة شديده : لان هي دي الحاجه الوحيده الي فعلا تضمن ليها حقها
حتى الشيكات انت ممكن تتحبس لو مادفعتش بس العربيه لسه بتاعتك و الشركة مش هاتطوا منك و لا مليم عدم سداد الشيكات لايعني انك ملزم ترجع العربيه للشركة ابدا.
و بعدين لو فيه اثم اعتقد هايقع على الشركة مش على المشتري ، التوكيل مش ربا عشان يكون حرام على الشاري و المشتري.
انا اشتريت عربيتين بالقسط من كونتكت و كتبت التوكيل و ماحصليش اي مشكله اول عربيه خلصتها و لسه باقسط في التانيه. و اعرف ناس كتير من الي اشتروا من كونتكت و لا واحد منهم حصلوا مشكلة بسبب التوكيل
و بعدين هما هايعملوا ايه بالتوكيل ؟ هايضحكوا عليك و ياخدوا منك العربيه ؟؟ اذا كان هما كل مكسبهم انك تدفع القسط هايخدوها يعملوا بيها ايه ؟؟
سيبك من كل ده و رد على السؤال الجامد ده : اديني حل اسلامي يلغي التوكيل و في نفس الوقت يحافظ للشركة على حقها و انا مستعد اوصله ليهم.
في بنوك ( زي بنك التمويل السعودي) بيعمل حاجه جميله اوي ، بيدفعك تامين ضد مخاطر عدم السداد ! يعني العربية ب 100,000 تدفع انت زياده 1500 عشان لو مادفعتش تقوم شركة التامين تدي للبنك فلوسه.
و تكون انت عميل ملتزم بس بتدفع الفلوس دي احتياطي احسن ماتدفعش يعني بمعنى اخر غرامة تاخير مستتره بس الفرق انك هاتغرمها بالرغم من انك ملتزم !!
كونتكت ممكن تعمل كده بدل ما الفايده 9% يخليها 11% و يلغي التوكيل و لو هربت بالعربية فا كونتكت حقها محفوظ و انت كسبت العربية اما لو انت ملتزم فانت غرمت 2% زياده اونطه ، و هو ده الي بيعمله معظم التجار و البنوك الاسلاميه
هل يمكن التعاقد مع كونتكت كارز بالبطاقة ووصل الكهرباء فقط؟ خاصة إنى هدفع 50% من ثمن السيارة ، ولا لازم ورقة تفيد إنى أعمل أو حد يكون بيشتغل يضمنى ، لأن دخلى ينحصر فى عائد إيجار شقة تمليك ومعاش وللأسف بنك abc و NSGB لازم حد بيشتغل وعنده مرتب عشان يقدروا يمنحوه قرض التقسيط ومش عارف اعمل ايه استلام السيارة موقوف بسبب كدة ، فياترى ايه موقف كونتكت كارز من المسألة دى؟ وايه البنوك اللى أقدر أقسط من خلالها بضمان المعاش أو عائد إيجار او بدون ضمان؟.
سؤال كمان لو تسمحوا
هيا الفايده في كونتاكت كام حاليا
انا اخر مره شاريين عربيه من هناك كانت 8.2% فقط
انا لسه مامن عندهم على سياره نيسان صنى 2008
فى الاسكندريه
ه
يا جماعة تقسيط بنك فيصل حلال ازاى حد يشرح لنا من فضلكم وايه الاجراءات هناك ؟؟؟
سلام عليكم
انا كنت حجز مع كونتاكت
و لسه لاغي معاهم حالا
كان الراجل بتاعهم معايا على التليفون
التأمين مازال اجباري بس مش شرط عندهم
و التوكيل مازال اجباري برده
يا جماعه شركه كونتكت اعلنت رسميا ارجو منكم قراءه الخبر ولكن ليس هناك تفاصيل ارجوا من يعرف احد هناك ان يكمل لنا جميع التفاصيل الصحيحه والمؤكده
http://www.contactcars.com/News_View...sp?NewsID=2282
السلام عليكم
طب لو عملنا بدل التوكيل اقرار بان السيارة تصبح من حق الشركة فى حالة التخلف عن الدفع ويكون هذا الاقرار بمثابة تنازل عن السيارة لصالح الشركة فى هذه الحالة مع عدم الزام الشارى بدفع اقساط اخرى.
ممكن يوافقوا على الاقرار دة ولا لأ
والاقرار دة حلال ولا فيه مشكلة.
ياريت كل الشركات تعمل كده
على الافل الناس تشترى وضميرها مرتاح
ويسلمو من غبار الربا
انا سمعت انهم لغو التأمين؟؟ حد عنده جديد في الموضوع ده؟؟؟
التأمين متلغاش هما بس كانوا قبل كدا بيشترطوا التامين يكون عندهم لكن دلوقتي لغوا الشرط ده لكن هما لسة عندهم بند فاسد في العقد وهو التوكيل ودا يعد بيعتين في بيعة ودا حرام شرعا
معلش عندي كام استفسار...
يعني إيه تقسيط إسلامي... مش برضه فيه فوايد زي الربا (على حد علمي إن إعتراض الإسلام على الربا أي التسليف بفوائد... صح؟)
وانا لما جيت أحسب الأقساط من الموقع بتاع كونتاكت، لقيت الإسلامي أغلى!!!
ولو النظام دة أحسن، ينفع انا أستخدمه؟ يعني لازم بنك إسلامي ولا العميل كمان لازم يكون مسلم؟
شكرا...
طب خلينا نبين بعض الاصطلاحات الاول و بعد كده نرد على الأستفسارات
بيع التقسيط : بيع التقسيط هو بيع يُعَجَّل فيه المبيع (السلعة) ويتأجل فيه الثمن كلُّه أو بعضُه على أقساط معلومة لآجال معلومة .الفوائد أو الربا : الربا في اللغة الفضل والزيادة.
و الفرق بين التقسيط الإسلامى و الربوى يقع فى عدة نقاط:1-يجب ان تكون السيارة مملوكة للبائع قبل بيعها2-أن يخلو العقد من اشتراط غرامة على التأخر في سداد الأقساط ؛ لأن ذلك ربا محرم
*و التعامل بالتقسيط الإسلامى لايشترط كونك مسلم أو غير مسلم
و بغض النظر عن كل ده شركة كونتاكت لا تطبق التقسيط الإسلامى بل هو نوع من أنواع التسويق و التدليس على المشترين حيث أنها تشترط عمل توكيل فى الشهر العقارى ببيع السيارة مما يخالف شروط البيع. :satelite:
الشركة من زمان وفيها التقسيط الاسلامي وانت لو دخلت علي موقعهم علي النت حتي هذه اللحظة هتلاقي نوعين من التقسيط البرنامج الاساسي والبرنامج الاسلامي وانت بتختار اللي انت عايزه بس بصراحة مفيش اي فرق نهائي وشوف بنفسك بعد متحسب قسط عربيتك سواء بالتامين اوغير التامين وفي النهاية انا معاك انها شركة محترمة
يعنى ايه تقسيط اسلامى
شكرا على المعلومات
المهم تكون شركة سمعتها طيبة
واللي اتعاملو معاها ارتاحو فعلا
السؤال بلفظ أخر ...
ما الفرق بين شراء سيارة عن طريق البنك الإسلامي و الربوي ؟
الفرق أن البنك الإسلامي بعد أن يتخذ الإجراءات المبدئية يشتري السيارة و يضمنها ثم يبيعها للزبون فهنا توجد سلعة و مبلغ مقابل لها سواء عاجل أو آجل،
أما البنك الربوى فإنه يشتري الدين الآجل المترتب على المشتري بمبلغ يدفعه لشركة السيارات ليستوفي من الزبون ثمن التقسيط ويستفيد من فرق السعر فالبنك هنا لايشترى السلعة و لكنه يبيع المال العاجل بغيره آجل.
وبهذا يكون قد [overline]اشترى مالاً بمال وليس سلعة[/overline]،
و ده طبعاّ غير غرامات التأخير التى تفرضها البنوك و ذلك لأن وضع غرامات تأخير على الديون من الربا المحرم.
" وأحل الله البيع وحرم الربا " أما لو اشترى هذا البنك السيارات ووضع عليها أرباحاً وباعها تقسيطاً يزول الإشكال.
بسم الله الرحمن الرحيم
أشتريت عربيه من شركه كونتاكت بالنظام الاسلامى فى شهر نوفمبر 2009. لا يوجد تأمين. لايوجد توكيل بالشهر العقارى. لا يوجد ضامن.
لكن يوجد حظر بيع. مضيت شيكات بالمبلغ المتبقى و عمل سحب تلقائى لمبلغ القسط من حسابى فى البنك (أعتقد ممكن تسدد القسط كل شهر بشركه كونتاكت ولكن بمصاريف اضافيه).
لم أستطع رفع ملف صوره العقد(ممكن أرسله على الأيميل ؟).
للأستسفار 0123281653
أسف على الخطأ "يوجد توكيل".
غير كده فمسألة حظر البيع تنافي مقتضيات العقد الصحيح وتمام البيع والذي بموجبه يحق لك كامل التصرف فيما اشتريت، لكن حظر البيع يمنعك من هذا فبالتالي هو شرط باطل غير جائز
كده تمام , يبقى الموضوع مازال غير شرعي برده
ما ده اللي قالوهولي ساعتها و رفضوا يتنازلوا عنه بأي شكل , و كمان رفضوا يحطوا مادة في العقد تنص على ان في حالة التعسر العربية تتباع و ياخدوا اللي ليهم و اخد انا باقي تمن البيع ( اللي هو الحق يعني ) , و عشان كده انا ما كملتش و لغيت لأني لقيت ان الموضوع مش ضامن لي اي حقوق و في نفس الوقت نقطة التوكيل مش شرعية
موضوع حظر البيع زي ما قالوا لي ايامها انه بيتفك لو اتفقت معاهم و سددت لهم الباقي اظن , مش عارف مدى شرعية النقطة دي , او مش فاكر بمعنى اصح , لكن كده كده نقطة التوكيل دي 100% غير شرعية
جزاكم الله خيرا يا أبومريم..مسألة اشتراط الرهن من مسائل الخلاف والذي أميل إليه فيها هو عدم جواز اشتراط الرهن وإن كان هناك من قال بجوازه- وهم كثير بالمناسبة ومنهم أعلام - فإن الرهن المقصود هو رهن الأوراق - الرهن الرسمي- وليس الحيازي، ومنهم من أجاز بالفعل الرهن الحيازي ولكن الذي يطمئن إليه قلبي والله أعلم هو عدم جواز ذلك لتناقضه ولمنافاته لمقتضيات البيع كما أسلفت....ولحفظ الحقوق يمكن وجود رهن مستقل أو ضامن وهذا أجدى بكثير إن شاء الله في حفظ الحقوق ومنع المتلاعبين أو من ينتوون عدم السداد، لأن وجود رهن مستقل يدل على مالية المشتري وكذلك وجود ضامن يدل على أهليته والوثوق به.
الأمر الآخر فإن للبيع في الإسلام مفهومه وحكمته والناظر إلى أنواع البيوع القائمة على التمويل البنكي يجدها تعارض هذه الحكمة..وحتى من أجاز البيع بالرهن على هذا النحو لو نظر إلى الواقع والقدر الرهيب من الكوارث الاقتصادية والاجتماعية التي ترتبت على موضوع التمويل البنكي ليس في مصر فقط وبل وعلى مستوى العالم سيخرج بنتيجة قطعية وهي وجوب المنع من ذلك، لأن رغبة البنوك في تدوير أموالها بأي طريقة مع وجود حالة من الجشع الاستهلاكي أوقعت المجتمعات في دوامة الديون والأقساط وما يتبعها من انحرافات اجتماعية وسلوكية وفي النهاية انهيارات اقتصادية مثلما حدث في أمريكا وكادت أن تجر العالم خلفها إلى الهاوية تماما في الأزمة الاقتصادية الأخيرة
وفي هذا النموذج الذي بين أيدينا - السيارات- تجد تهافتا مريبا من الناس على التوكيلات لحجز السيارات بفرق سعر كبير قبل نزولها بشهور وحتى بدون تجربتها أو معرفة عيوبها لمجرد الرغبة في التباهي بامتلاك النسخ الأولى من السيارة..والنتيجة في النهاية ترتفع الأسعار بطريقة رهيبة وتغري هذه الأوضاع بقية الناس بالتقليد سواء في شراء السيارات الباهظة أو ما دونها ويدخل المجتمع في دوامة عجيبة
الخلاصة معك ٢٠ ألف جنيه اشتر بها سيارة تناسبك وحينما تمتلك ال٢٠٠ ألف جنيه فلا حرج وقتها أن تشتر بها أخرى لأن هذه هي قدرتك الشرائية في الحالة الأولى والحالة الثانية
أما أن يتغافل الإنسان عن قدرته الشرائية وحتى عدم قدرته على وجود رهن مستقل ويلجأ إلى رهن نفس المبيع بثمنه فهذا خلل حقيقي ولو صح كمسألة قد يلجأ إليه البعض في حالات معينة فلا يصح أن يكون حالة مجتمعية مرهقة وضاغطة على الجميع
جزاكم الله خيرا يا أبا مريم
بارك الله فيك
شكرا بارك الله فيك