هاجيب m12 ان شاء الله بس عايز رايكو

[OVERLINE]بسم الله الرحمن الرحيم[/OVERLINE]

[OVERLINE]ازيكو يا رجاله .. والله ليكو وحشه بقالى كتير مدخلتش المنتدى هنا .. المهم يارب يكون الجميع بخير و بأحسن حال ان شاء الله

بصو يا جماعه زى ما هو واضح فى العنوان .. انا ان شاء الله تقريبا هاجيب ال m12 الشهر الجى
و القرار ده مكنش سهل لان زى ما انتو عارفيين كل الناس عندها عقده من اسم عربيه صينى بس والله مش ديما الصينى وحش او كده بالعكس العربيه دى انا شايف انها حلوه جدا ما شاء الله و امكانيتها حلوه جدا بالنسبه لسعرها ياعنى انت بتتكلم فى عربيه ب 73 الف بس جامده جدااااااا .. المهم انتو بقى ايه رايكو فيها و اللى معاه العربيه دى يقولى ايه الدنيا معاه و ايه المشاكل اللى بتقابله .. فا ياريت متبخلوش عليا بالمعلومات و شكراااااا مقدما و معلش طولت عليكو .[/OVERLINE]

..

:bye:

وجهه نظر
لو ناوي علي ال ام
يبقي خليك في الا ام 11
اكثر انتشار

طبعا شكرا لاهتمام حضرتك .. بس المشكله ان ال ام 11 شكلها مش شبابى اوى .. ياعنى ال ام 12 حاسسها شبابى جدا و شكلها حلو اوى بصراحه مع شويا تعديلات فى دماغى هاتبقى ان شاء الله تحفه .. بس بشكل عام ياترى هى عربيه حلوه سواء دى او دى لان اصلا الاتنين واحد ..

موفق فى قرار الشراء .

اقتباس:

---

المشاركة الأصلية كتبت بواسطة googlemilano

طبعا شكرا لاهتمام حضرتك .. بس المشكله ان ال ام 11 شكلها مش شبابى اوى .. ياعنى ال ام 12 حاسسها شبابى جدا و شكلها حلو اوى بصراحه مع شويا تعديلات فى دماغى هاتبقى ان شاء الله تحفه .. بس بشكل عام ياترى هى عربيه حلوه سواء دى او دى لان اصلا الاتنين واحد ..

---

الاثنين واحد من الامام لكن من الخلف فوانيس واكصدام ورفارف وشنطه وزجاج مختلفين
انا ذكرت الحاجات دي علي الاخص لانها من المستهلكات
ربنا يعافينا لاقدر الله لو حصل حاجه ومحتاج تغيرها ماتتعبش في قطع غيارها
عن نفسي شايف ان الام 11 افضلمن ال 516 كتصميم وشكل وتقفيل
كفايه باكتات الاكصدامات اللي مابتنزلش غير في العربيات الالماني
وباكتات الاجناب بفوانيس اشاره من الفاخره

انا زيك بس محتار بين ام 11 وام 12
لو حد من الاعضاء يقولي كل شنطة كام لتر هقدر احدد انهي فيهم لاني محتاج شنطة بحجم كويس

m12-m11 واحد فى قطع الغيار نفس الماتور ونفس العفشه بس m12 اشيك شويه بس تقريبا m11 اطول واكيد الشنطه اكبر فى m11 لان النمط مختلف ومبروك مقدما اختيار موفق

شكرا للجميع على الاهتمام و الرد .. و بصراحه انا مقتنع جدا ب الام 12 لانى زى ما قولت هى شبااابى جدا فا ده مناسب ليا و بعديين حجمها مش كبير فا ده كويس برده .. و بالنسبالى قصه الشنطه مش هاتفرق لانها مش هاتبقى للعيله و بعديين اصلا انا هابقى حاطط فيها البازوكا و الجى ام و الحاجات دى . بس انا كنت عايز اسأل على حاجه كده .. انا واحد صحبى قالى لما تيجى تسقط العربيه غير المساعديين بتوعها متسقطش عليهم .. ياترى فعلا هما مش هايستحملو التسقيط ولا ايه الدنيا و لو هاغيرهم ايه المساعديين المتوافقيين معاها ؟ معلش عارف انى طولت عليكو بس بجد محتار جدا فى الحاجات دى و مفيش غيركو بيفيدنى ... ربنا يخلينى ليكو هههههههههههههههههه .. شكرا

تسقط بمعني توطي ولا تسقط موتور....

لو هتوطي مش فارق المساعد ... لو هتغير موتور يبقي حسب وزن اللي هيركب ...لو اخف مش هتفرق قوي انما لو اتقل كتير هيبقي عايز مساعد اقوي

لا هاسقط العربيه نفسها .. هاوطيها ياعنى.. لا قصه تسقيط موتور دى بعيده شويا لان العربيه هاتبقى جديده فا حرام انى العب فيها .. ياعنى انت متأكد ان المساعد هايستحمل ؟ لانى هاغير الجنط و اجيبه 17 او 18 .. يارييت بجد تفيدنى فى الحوار ده لانى محتار جدا جدا و قلقان . و انت عارف شوارع جمهوريه مصر العربيه عامله ازاااى فا ياترى اغير مساعد و اركب صدادات و كده ولا لا ولو اركب يبقى ايه المساعد اللى ينفع يركب ؟ معلش يا كبير تعبك معايا

انا معايا بقالها 3 سنين و ساكن في الحرفيين و بجد المساعدين ربنا يحرسهم زي الفل ... و لغاية النهارده بتسمع صوت نفس الهوا في المطبات ...
لو هتركب 17 عادي لان في نسخة كانت نازلة في المعرض ب جنط 17 بس مش فاكر مقاس الكاوتش
بس ليه تنزلها علي الارض .... العربية اساسا فيها طقم فبر داير ما يدور تحت الاكصدامات و علي العتب و شكلها مش عالي عن الارض ولا حاجة و لو هبطها هتفقد ميزة من اهم مميزاتها بالنسبة لشوارعنا

ثم ان كده هتخرب علبة شكمانك في السريع البني ... انما كمساعدين انا شايف ان هما يستحملوا حلاوة

انت بتتكلم على الام 12 ولا 11 ؟ اصل 3 سنين مكنتش لسه نزلت .. بالنسبه بقى لحكايه التسقيط دى فا دى متعه ههههههههههههههههههههه لما تهبد العربيه على جنط 18 ولا 17 بتبقى جاااامده جدا و بتكون ثابته فى الغرز مع انى مش باعمل غرز كتيررررر بس لازم تبقى العربيه جاهزه هههههههههه .. عموما خلاص ان شاء لله لما اجيبها هاسقطها على المساعديين اللى فيها .. و ربنا يسهل و تبقى كويسه . و بفكر اروح بورسعييد و اركبلها العافشه الهيدرونك .. بس مش عارف هى بكام و ايه عيوبها ... لو عندك فكره عنها ياريت تفيدنى .. معلش يا كبير انا عارف ان زمانك بتقول انا ايه اللى خلانى ارد ههههههههههههههههههههههههه هه .. بس انا مش هاسيبك برده هههههههههههههههههههه ..بجد تسلم على اهتمامك و ردك يا كبير

معايا m11 والاتنين حاجة واحدة في العافشة .... و بدل ما ترمي فلوسك في الارض متغيرش الستوك الا لما يجيب اخر علي الاقل و الا تبقي بترمي فلوس علي الارض ... ولا ايه ...
اما لو معاك فلوس محيراك فهات يا سيدي وانا ابعزق بدالك :)

بص انا مش معاى العربيه بس انا لو معايه الفلوس هشتريها
اما لو حد قلك هات ام11 عشان متجربه او ما شابه فانا احب اقولك الاتنين واحد بس مع بعض التعديلات
كفايه ان الام 12 شكلها شبابى سبور يعنى

بس ام 11 فيها شنطة لو من هواة الشنط زيي
اي رحلة اي سفرية هتنفع اكيد

انا لسه مجربها يا كبير هى جامده من جوه بس واطيهف الكنبه اللى ورا يعنى مش مريحه للى هيقعد ورا وعلى فكره العربيه فيها 6 سماعات كتييييييير اووى وفيها حجات كتير اوتوماتيك زى النور بينور ف الضلمه اتوماتيك والمساحات بتشتغل اوتماتيك ف المياه يعنى زى الفل بس انا هجيب ان شاء الله تيجو

من واقع مشاهدتي للعربتين في المعارض و الشوارع

الام 12 اشيك و كاوتشاتها اعرض و تديك احساس ان تصميمها مش قطش باك زي الاي 10 مثلا لكن مسحوبه شنطتها علي وره بزاويه حاده لكن مش قايمه
و الشنطه مش سيئه تكاد تكون مقاربه تماما لشنطه الفيليشيا وش الاوكتافيا
متوقع ليها مستقبل مبهر زي الاف ار في لما نزلت في الاول ب75 الف و نطت بعد كده نتيجه نجاحها

فيه ناس بتقول ان الام11 وام 12 نازلين ب 6 سماعات وناس بتقول لا بتنزل مصر ب 4 سماعات بس
ايه الكلام النهائي 4 ولا 6
وبالنسبة لموضوع الكاوتش الاعرض في ام 12 برضة الكلام ده اكيد ؟

hemaa_82 هههههههههههههه مش كتر فلوس ياعم والله ربنا اللى عالم ههههههههههههههههههههههه بس المشكله كلها انى بس عايز اخليها مميزه شويا ... ده كل الموضوع ... و عايز اركب عربيه ثابته مريحانى
و بعديين يا كبير لو معايا فلوس اكيد هاديهالك دى تزيد معااااااك ههههههههههههههههههههههههه سامحنى يارب ههههههههههههههههههههههههه ههه حبيبى يا كبير تسلم

بالظبط كده يا نجم انا هاجيبها علشان شبابى شويا عن ال M11 لكن انا عارف ان الاتنين واحد .. بس بصراحه شكلها احسن من ال m11 بكتييييييييييييييييير من الضهر.. شكرا يا كبير و ان شاء الله يبقى معاااااااك ملايييييييين الدنيا تجيب اللى انت عايزه و تهيص ههههههههههههههههههههه بس متنساش اخوك بقى فى حتى فلورا كده استعمال خارج ههههههههههههههههههههههههه ه

اقتباس:

---

المشاركة الأصلية كتبت بواسطة bassmko

بص انا مش معاى العربيه بس انا لو معايه الفلوس هشتريها
اما لو حد قلك هات ام11 عشان متجربه او ما شابه فانا احب اقولك الاتنين واحد بس مع بعض التعديلات
كفايه ان الام 12 شكلها شبابى سبور يعنى

---

بالظبط كده يا نجم انا هاجيبها علشان شبابى شويا عن ال M11 لكن انا عارف ان الاتنين واحد .. بس بصراحه شكلها احسن من ال m11 بكتييييييييييييييييير من الضهر.. شكرا يا كبير و ان شاء الله يبقى معاااااااك ملايييييييين الدنيا تجيب اللى انت عايزه و تهيص ههههههههههههههههههههه بس متنساش اخوك بقى فى حتى فلورا كده استعمال خارج ههههههههههههههههههههههههه ه

اقتباس:

---

المشاركة الأصلية كتبت بواسطة mohamedhamdy90

انا لسه مجربها يا كبير هى جامده من جوه بس واطيهف الكنبه اللى ورا يعنى مش مريحه للى هيقعد ورا وعلى فكره العربيه فيها 6 سماعات كتييييييير اووى وفيها حجات كتير اوتوماتيك زى النور بينور ف الضلمه اتوماتيك والمساحات بتشتغل اوتماتيك ف المياه يعنى زى الفل بس انا هجيب ان شاء الله تيجو

---

مش مشكله الكنبه ههههههههههه محدش هايركب فيها اصلا لان هايبقى عليها صندوق السماعات هههههههههههههههههههههههه انا اخرى هاركب واحد جمبى هههههههههههههههه ده لو ركب هههههههههههههههههههه بس حلوه الحاجات الاوتوماتك دى بس انت قصدك على النور بتاع الفوانيس ولا النور بتاع الصالون ؟ و عارف انا حوار المساحات ده .. لقيت مكتوب يوجد بيها حساس للمطر هههههههههه فا بقول للراجل هى هاتقولى ان الدنيا هاتمطر قبل ما تمطر ياعنى قالى اتفضل بره يا استاذ مش عارف كده يبقى زعل ههههههههههههههههههههههههه ههههههههههههههههههههههههه ههههههههههههه ..و حوار السماعات ده انت شوفته بعينك هههههههههههههههه ؟ و ياترى اللى بتنزل مصر بيكون فيها ال (( مالتى فانكشن )) اللى فى الدركسيون ولا بيتشال زى ال ( ارباك ) علشان تبقى رخيصه لما يستوردها ؟
شكرا يا كبير و ان شاء الله تجيب العربيه التيجو و تبقى جامده و نطلع نخمس بقى ههههههههههههههه

اقتباس:

---

المشاركة الأصلية كتبت بواسطة amir

من واقع مشاهدتي للعربتين في المعارض و الشوارع

الام 12 اشيك و كاوتشاتها اعرض و تديك احساس ان تصميمها مش قطش باك زي الاي 10 مثلا لكن مسحوبه شنطتها علي وره بزاويه حاده لكن مش قايمه
و الشنطه مش سيئه تكاد تكون مقاربه تماما لشنطه الفيليشيا وش الاوكتافيا
متوقع ليها مستقبل مبهر زي الاف ار في لما نزلت في الاول ب75 الف و نطت بعد كده نتيجه نجاحها

---

تمااااااااااااااام كلام سليييييييييييم ... الحمد لله الكل بيشكر فيها .. يا مسهل يا رب ..شكرا على الاهتمام و الرد .. و ان شاء الله الحق اجيبها قبل ما سعرها يضرب فوووووق .. هى دلوقتى ب 73 و سعرها مناسب جدا جدا جدا لامكانيتها و يمكن الامكانيات اكتر كمان .

انا سألت في معرض علي ان كاوتش ام 12 اعرض من ام 11 وقالي لا فرق الشنطة بس
متأكدين من موضوع عرض الكاوتش ده ؟

اقتباس:

---

المشاركة الأصلية كتبت بواسطة islamnasser10

انا سألت في معرض علي ان كاوتش ام 12 اعرض من ام 11 وقالي لا فرق الشنطة بس
متأكدين من موضوع عرض الكاوتش ده ؟

---

مش عارف والله يا كبير بس معتقدش .. اانا اعتقد ان الاتنين نفس الكاوتش .. يمكن بس علشان العربيه هاتش باك فا الكاوتش من ورا بيكون ظاهر اكتر من قدام .. بس هما الاتنين واااااحد .. و صباح الفل

الكاوتش واحد في الاتنين
حساس نور بمعني انك بتجيب زرار النور"القرص" علي وضع الاوتو و لما تضلم الدنيا العربية بتنور الطريق لوحدها و لما الشمس تطلع بتطفي النور لوحدها
حساس مطر بنفس الطريقة .. لما تمطر المساحات تشتغل لوحدها
شنطة ال 12 مش اصغر من ال 11 الا يادوب كام سنتي بس تشيل حاجات اعلي لان مقيش غطا شنطة ... فممكن تشيل فبرة اللي ورا الكنبة و تشيل اكبر من ال 11
السماعات عددها 6 ... 2 في كل باب امامي و واحدة في كل باب خلفي

اقتباس:

---

المشاركة الأصلية كتبت بواسطة hemaa_82

الكاوتش واحد في الاتنين
حساس نور بمعني انك بتجيب زرار النور"القرص" علي وضع الاوتو و لما تضلم الدنيا العربية بتنور الطريق لوحدها و لما الشمس تطلع بتطفي النور لوحدها
حساس مطر بنفس الطريقة .. لما تمطر المساحات تشتغل لوحدها لك
شنطة ال 12 مش اصغر من ال 11 الا يادوب كام سنتي بس تشيل حاجات اعلي لان مقيش غطا شنطة ... فممكن تشيل فبرة اللي ورا الكنبة و تشيل اكبر من ال 11
السماعات عددها 6 ... 2 في كل باب امامي و واحدة في كل باب خلفي

---

تمااااااااام يا كبير تسلم بجد ... جامده حكايه النور دى ...

بس ياترى السماعات صوتها كويس ؟ و الكاسيت الخرج بتاعه حلو و نقى ولا هايحتاج يتغير ؟
انا ان شاء الله كده كده هاشيل الرف اللى ورا ده و هاعمل واحد خشب و احط فيه السماعات و الشنطه هاحط فيها بازوكتيين او صبيين لسه محددتش بصراحه .. بس قولى صحيح الرف اللى وار بتاع ال 12 بيكون خشب ولا فبر ولا ايه ؟ و بينفع يتشال ولا لا ؟
معلش يا برنس طولت عليك والله

اقتباس:

---

المشاركة الأصلية كتبت بواسطة hemaa_82

الكاوتش واحد في الاتنين
حساس نور بمعني انك بتجيب زرار النور"القرص" علي وضع الاوتو و لما تضلم الدنيا العربية بتنور الطريق لوحدها و لما الشمس تطلع بتطفي النور لوحدها
حساس مطر بنفس الطريقة .. لما تمطر المساحات تشتغل لوحدها
شنطة ال 12 مش اصغر من ال 11 الا يادوب كام سنتي بس تشيل حاجات اعلي لان مقيش غطا شنطة ... فممكن تشيل فبرة اللي ورا الكنبة و تشيل اكبر من ال 11
السماعات عددها 6 ... 2 في كل باب امامي و واحدة في كل باب خلفي

---

بالنسبة لجزئية السماعات يعني ال 6 سماعات في الابواب مفيش اي حاجة في في التابلوة اللي ورا ده سواء ام 11 او 12 ؟
والكاسيت فيه يو اس بي ولا لا
شكرا علي اهتمامك

اقتباس:

---

المشاركة الأصلية كتبت بواسطة islamnasser10

بالنسبة لجزئية السماعات يعني ال 6 سماعات في الابواب مفيش اي حاجة في في التابلوة اللي ورا ده سواء ام 11 او 12 ؟
والكاسيت فيه يو اس بي ولا لا
شكرا علي اهتمامك

---

بص يا كبير الكاسيت فيه usb & aux & cd
بس انا مش عارف هو كويس ولا هايحتاج يتغير .. لانى هاركب سماعات كتيرررررررررررررررر فا مش عارف هو هايستحمل الجى امات و لا ايه و ياترى الخرج بتاعه هايبقى جامد ولا لا ..
و حوار السماعات ده انا مش عارف بقى .. بس ازااى فى سماعتيين فى باب واحد ؟؟ يارييت تجاوب علينا يا كبير ..

الكاسيت صوته تحفة ... و اللي يحكم لازم يكون غيره علي نفس السماعات علشان يقدر يحكم ...
انا غيرته و جبت dvd ب جي بي اس علشان الكاسيت الاصلي كان فصل مرة جنب علي كل حاجة الا الراديو بس انا كده كده كنت ناوي اغير ...

خرجه اعلي من خرج dvd الجديد و صوته فعلا نقي جدا ...

السمعتين اللي قدام منهم واحد متوسطه عادية و واحدة صغيرة زي تويتر و اللي في الباب اللي ورا اكبر من اللي قدام و صوتها غامق كأنها صب بس علي اهبل يعني ..

قبل ما تلعب كتير ركب سمعتين بس ورا و احكم و اعتقد لو غاوي سمع مش دوشة هيكون كفاية ...


الرف اللي ورا مهما كان متلعبش فيه و غيره علشان يفضل بتاع الفابريقة....

خارجى الكاسيت ضعيف وعن تجربه انا ركبت dvd الفرق جامد طحن لان انا مركب صبتين واحده بايونير 1400 4 مخارج وكينوود 1200 و2 بايونير وزيرو باور جينسون وطبعا بعد التجربه الكاسيت كان ميت لانه صينى ضعيف انما لو مش غاوى رزع الكاسيت ممتاز على سماعات العربيه

اقتباس:

---

المشاركة الأصلية كتبت بواسطة hemaa_82

الكاسيت صوته تحفة ... و اللي يحكم لازم يكون غيره علي نفس السماعات علشان يقدر يحكم ...
انا غيرته و جبت dvd ب جي بي اس علشان الكاسيت الاصلي كان فصل مرة جنب علي كل حاجة الا الراديو بس انا كده كده كنت ناوي اغير ...

خرجه اعلي من خرج dvd الجديد و صوته فعلا نقي جدا ...

السمعتين اللي قدام منهم واحد متوسطه عادية و واحدة صغيرة زي تويتر و اللي في الباب اللي ورا اكبر من اللي قدام و صوتها غامق كأنها صب بس علي اهبل يعني ..

قبل ما تلعب كتير ركب سمعتين بس ورا و احكم و اعتقد لو غاوي سمع مش دوشة هيكون كفاية ...


الرف اللي ورا مهما كان متلعبش فيه و غيره علشان يفضل بتاع الفابريقة....

---

انا هاجرب الكاسيت بتاعها كده فتره بس انا جالى عقده من الكاسيتات بتاعت العربيات الاصليه دى ههههههههههههه العقده دى جتلى من الافيو و الاوبترا الكاسيت و السماعات زى القرف ما شاء الله ههههههههههههه .. انا هاجربه يوميين كده بس متأكد انه مش هايبقى حلو ههههههههه و بالنسبه للرف انا اكيد مش هالعب فيه .. انا هاشيله و اعمل واحد تانى اعيش فيه بقى .. شكرا يا جميل تسلم

اقتباس:

---

المشاركة الأصلية كتبت بواسطة aftr

خارجى الكاسيت ضعيف وعن تجربه انا ركبت dvd الفرق جامد طحن لان انا مركب صبتين واحده بايونير 1400 4 مخارج وكينوود 1200 و2 بايونير وزيرو باور جينسون وطبعا بعد التجربه الكاسيت كان ميت لانه صينى ضعيف انما لو مش غاوى رزع الكاسيت ممتاز على سماعات العربيه

---

انا حاسس بكده برده ... لا انا غاوى كاسييييييييتات .. بس مش رزع ياعنى .. انا هاركب بازوكا jbl 1000
على 10 سماعات 6 على الرف اللى ورا و 4 فى صندوق على الكنبه .. و كاسيت بايونيير كرازيرا (( الخيال )) و كده الف مبروك اتجوزت .. عيش و سبنى اعيش بقى هههههههههههههههههه ... ان شاء الله لما تيجى و اعمل فيها الحاجات دى كلها هاصورهالكو و اعملو تقرير مفصل عنها هههههههههههههههههه حلوه تقرير مفصل دى ههههههههههههههه تحس انى شغال فى الجزيره ههههههههههههههههههههه ..تسلم يا نجم تعبتك معايا

اقتباس:

---

المشاركة الأصلية كتبت بواسطة googlemilano

انا حاسس بكده برده ... لا انا غاوى كاسييييييييتات .. بس مش رزع ياعنى .. انا هاركب بازوكا jbl 1000
على 10 سماعات 6 على الرف اللى ورا و 4 فى صندوق على الكنبه .. و كاسيت بايونيير كرازيرا (( الخيال )) و كده الف مبروك اتجوزت .. عيش و سبنى اعيش بقى هههههههههههههههههه ... ان شاء الله لما تيجى و اعمل فيها الحاجات دى كلها هاصورهالكو و اعملو تقرير مفصل عنها هههههههههههههههههه حلوه تقرير مفصل دى ههههههههههههههه تحس انى شغال فى الجزيره ههههههههههههههههههههه ..تسلم يا نجم تعبتك معايا

---

ولاتعب ولا حاجه كلنا هنا اخوات ---والف مبروك مقدما الميزه فى الهاتشباك تاخد صوت فوق الممتاز لان بيرمى بره وجوه طبعا السيدان مقفول انا عملت تجارب كتير عشان الصوت يضرب جوه وبره انا عندى فاتحه نازله جاهزه للصب بس كانت صغيره وسعت حجات بسيطه وشلت الفبره اللى فوق وعملت قطعه قماش سماعات على نفس شكل الفبره واللصندوق التانى عملت بوق على طول الفتحه عشان التهويه بس طبعا عندك مفيش الكلام ده انته كل اللى هتعمله انك تشيل الفبريكه وتعمل كوبسته للسمعات بنفس مقاسات الفبريكه وانسى اللصوت يامان انا بعشق الهاتشباك عشان الصوت معلش طولت عليك وكل سنه وانته طيب وده فديو جامد للهاتشباك Ground Zero GZPW18SPL Subwoofers - YouTube

اقتباس:

---

المشاركة الأصلية كتبت بواسطة aftr

ولاتعب ولا حاجه كلنا هنا اخوات ---والف مبروك مقدما الميزه فى الهاتشباك تاخد صوت فوق الممتاز لان بيرمى بره وجوه طبعا السيدان مقفول انا عملت تجارب كتير عشان الصوت يضرب جوه وبره انا عندى فاتحه نازله جاهزه للصب بس كانت صغيره وسعت حجات بسيطه وشلت الفبره اللى فوق وعملت قطعه قماش سماعات على نفس شكل الفبره واللصندوق التانى عملت بوق على طول الفتحه عشان التهويه بس طبعا عندك مفيش الكلام ده انته كل اللى هتعمله انك تشيل الفبريكه وتعمل كوبسته للسمعات بنفس مقاسات الفبريكه وانسى اللصوت يامان انا بعشق الهاتشباك عشان الصوت معلش طولت عليك وكل سنه وانته طيب وده فديو جامد للهاتشباك Ground Zero GZPW18SPL Subwoofers - YouTube

---

2* GZPW 15XQ @Drobeta - YouTube

بمناسبة السماعات
لو عايز اركب سماعتين ورا في حدود 1000 جنيه بس يكون صوتهم عالي ونقي مع ال 6 اللي في الابواب علي نفس كاسيت العربية ام 11
حد عنده فكره عن موديل معين