هاجيب m12 ان شاء الله بس عايز رايكو

**googlemilano** · 01-10-2012 03:33 PM

[OVERLINE]بسم الله الرحمن الرحيم[/OVERLINE]

[OVERLINE]ازيكو يا رجاله .. والله ليكو وحشه بقالى كتير مدخلتش المنتدى هنا .. المهم يارب يكون الجميع بخير و بأحسن حال ان شاء الله

بصو يا جماعه زى ما هو واضح فى العنوان .. انا ان شاء الله تقريبا هاجيب ال m12 الشهر الجى
و القرار ده مكنش سهل لان زى ما انتو عارفيين كل الناس عندها عقده من اسم عربيه صينى بس والله مش ديما الصينى وحش او كده بالعكس العربيه دى انا شايف انها حلوه جدا ما شاء الله و امكانيتها حلوه جدا بالنسبه لسعرها ياعنى انت بتتكلم فى عربيه ب 73 الف بس جامده جدااااااا .. المهم انتو بقى ايه رايكو فيها و اللى معاه العربيه دى يقولى ايه الدنيا معاه و ايه المشاكل اللى بتقابله .. فا ياريت متبخلوش عليا بالمعلومات و شكراااااا مقدما و معلش طولت عليكو .[/OVERLINE]

..

**hugan** · 01-10-2012 09:50 PM

وجهه نظر
لو ناوي علي ال ام
يبقي خليك في الا ام 11
اكثر انتشار

**akmm** · 02-10-2012 11:39 AM

موفق فى قرار الشراء .

**hugan** · 02-10-2012 09:02 PM

المشاركة الأصلية كتبت بواسطة googlemilano

طبعا شكرا لاهتمام حضرتك .. بس المشكله ان ال ام 11 شكلها مش شبابى اوى .. ياعنى ال ام 12 حاسسها شبابى جدا و شكلها حلو اوى بصراحه مع شويا تعديلات فى دماغى هاتبقى ان شاء الله تحفه .. بس بشكل عام ياترى هى عربيه حلوه سواء دى او دى لان اصلا الاتنين واحد ..

الاثنين واحد من الامام لكن من الخلف فوانيس واكصدام ورفارف وشنطه وزجاج مختلفين
انا ذكرت الحاجات دي علي الاخص لانها من المستهلكات
ربنا يعافينا لاقدر الله لو حصل حاجه ومحتاج تغيرها ماتتعبش في قطع غيارها
عن نفسي شايف ان الام 11 افضلمن ال 516 كتصميم وشكل وتقفيل
كفايه باكتات الاكصدامات اللي مابتنزلش غير في العربيات الالماني
وباكتات الاجناب بفوانيس اشاره من الفاخره

**aftr** · 09-10-2012 06:37 AM

m12-m11 واحد فى قطع الغيار نفس الماتور ونفس العفشه بس m12 اشيك شويه بس تقريبا m11 اطول واكيد الشنطه اكبر فى m11 لان النمط مختلف ومبروك مقدما اختيار موفق

**googlemilano** · 10-10-2012 09:47 AM

شكرا للجميع على الاهتمام و الرد .. و بصراحه انا مقتنع جدا ب الام 12 لانى زى ما قولت هى شبااابى جدا فا ده مناسب ليا و بعديين حجمها مش كبير فا ده كويس برده .. و بالنسبالى قصه الشنطه مش هاتفرق لانها مش هاتبقى للعيله و بعديين اصلا انا هابقى حاطط فيها البازوكا و الجى ام و الحاجات دى . بس انا كنت عايز اسأل على حاجه كده .. انا واحد صحبى قالى لما تيجى تسقط العربيه غير المساعديين بتوعها متسقطش عليهم .. ياترى فعلا هما مش هايستحملو التسقيط ولا ايه الدنيا و لو هاغيرهم ايه المساعديين المتوافقيين معاها ؟ معلش عارف انى طولت عليكو بس بجد محتار جدا فى الحاجات دى و مفيش غيركو بيفيدنى ... ربنا يخلينى ليكو هههههههههههههههههه .. شكرا

**hemaa_82** · 10-10-2012 03:58 PM

تسقط بمعني توطي ولا تسقط موتور....

لو هتوطي مش فارق المساعد ... لو هتغير موتور يبقي حسب وزن اللي هيركب ...لو اخف مش هتفرق قوي انما لو اتقل كتير هيبقي عايز مساعد اقوي

**googlemilano** · 11-10-2012 09:12 AM

لا هاسقط العربيه نفسها .. هاوطيها ياعنى.. لا قصه تسقيط موتور دى بعيده شويا لان العربيه هاتبقى جديده فا حرام انى العب فيها .. ياعنى انت متأكد ان المساعد هايستحمل ؟ لانى هاغير الجنط و اجيبه 17 او 18 .. يارييت بجد تفيدنى فى الحوار ده لانى محتار جدا جدا و قلقان . و انت عارف شوارع جمهوريه مصر العربيه عامله ازاااى فا ياترى اغير مساعد و اركب صدادات و كده ولا لا ولو اركب يبقى ايه المساعد اللى ينفع يركب ؟ معلش يا كبير تعبك معايا

-

الموضوع: هاجيب m12 ان شاء الله بس عايز رايكو

LinkBack

أدوات الموضوع

عرض

-

-

-

-

المواضيع المتشابهه

عايز اخد رايكو

هاجيب كورسا 2012 ان شاء الله

هاجيب ساجا بعد ماكنت هخلص فى جين 2 ...عايز رأيكم ؟

توكلت على الله و هاجيب السوبر صالون

الكلمات الدلالية لهذا الموضوع

المفضلات

المفضلات

ضوابط المشاركة