عرض للطباعة
السلام عليكم ...
أنا كان عندي العربيه فيها خبطة من زمان ... وأنا مأمن عليها أصلا والتأمين خلاص على وشك إنه يخلص فقلت اطالب بيه .. المهم كلمت رينو قالولي إن الفرعين اللي فيهم سمكره ودهان هما القطاميه والعبور فقط وأن المقطم مفهوش.. أنا ساكن في المهندسين .. فطبعا المكانين دول بعاد عني جدا ده غير إني معرفش أنا هارجع إزاي من هناك أصلا من غير العربيه ..... حد يقدر يفدني في الحوار ده ؟
وشكرا
بص انا عندي صيانه قريب وغالبا هروح العبور .. لو حابب ممكن نتفق نتقابل واوصلك بعد ماتسيب عربيتك .
الله يخليك ... أنا لسة معرفش والله هاعمل ايه .. أنا حاجز صيانه كمان بالمرة وهيبقى الثلاثاء الجي إن شاء الله..
اتصلت بيهم وحاولت احجز في نفس يومك وقالي مافيش غير الخميس 11/10 .... انا حجزت الخميس الساعه 9 صباحا.
مش مشكلة .. واضح إنهم اتحجزو بسرعة .. لأن وقتها قالي تحب تحجز امتى ... طب عند حضرتك فاكرة عن المواصلات هناك ؟ في تكسييات بتروح هناك مثلا ؟؟؟
من العبور نفسها فيه الف مواصله تدخلك القاهره لحد رمسيس على الاقل لكن المشكله من مكان التوكيل لغايه الشارع الرئيسي الدنيا صحرا ومافيش حاجه تطلعك برا .اقتباس:
المشاركة الأصلية كتبت بواسطة mohamed_nafie
أنا اتصلت بتوكيل العبور وقال لي إن في اتوبيس خاص بالشركه بيتحرك من االتوكيل لحد بنزينة موبيل في صلاح سالم في اوقات معينه ... فـاعتقد إن المشكلة كده اتحلت إن شاء الله ..