سمكره ودهان فرع القطاميه ولا فرع العبور ؟؟

**Mohamed_Nafie** · 01-10-2012 04:59 PM

السلام عليكم ...

أنا كان عندي العربيه فيها خبطة من زمان ... وأنا مأمن عليها أصلا والتأمين خلاص على وشك إنه يخلص فقلت اطالب بيه .. المهم كلمت رينو قالولي إن الفرعين اللي فيهم سمكره ودهان هما القطاميه والعبور فقط وأن المقطم مفهوش.. أنا ساكن في المهندسين .. فطبعا المكانين دول بعاد عني جدا ده غير إني معرفش أنا هارجع إزاي من هناك أصلا من غير العربيه ..... حد يقدر يفدني في الحوار ده ؟

وشكرا

**MARTINDALE** · 02-10-2012 01:35 AM

بص انا عندي صيانه قريب وغالبا هروح العبور .. لو حابب ممكن نتفق نتقابل واوصلك بعد ماتسيب عربيتك .

**Mohamed_Nafie** · 02-10-2012 08:01 PM

الله يخليك ... أنا لسة معرفش والله هاعمل ايه .. أنا حاجز صيانه كمان بالمرة وهيبقى الثلاثاء الجي إن شاء الله..

**MARTINDALE** · 02-10-2012 11:19 PM

اتصلت بيهم وحاولت احجز في نفس يومك وقالي مافيش غير الخميس 11/10 .... انا حجزت الخميس الساعه 9 صباحا.

**Mohamed_Nafie** · 02-10-2012 11:23 PM

مش مشكلة .. واضح إنهم اتحجزو بسرعة .. لأن وقتها قالي تحب تحجز امتى ... طب عند حضرتك فاكرة عن المواصلات هناك ؟ في تكسييات بتروح هناك مثلا ؟؟؟

**MARTINDALE** · 03-10-2012 12:46 AM

المشاركة الأصلية كتبت بواسطة mohamed_nafie

مش مشكلة .. واضح إنهم اتحجزو بسرعة .. لأن وقتها قالي تحب تحجز امتى ... طب عند حضرتك فاكرة عن المواصلات هناك ؟ في تكسييات بتروح هناك مثلا ؟؟؟

من العبور نفسها فيه الف مواصله تدخلك القاهره لحد رمسيس على الاقل لكن المشكله من مكان التوكيل لغايه الشارع الرئيسي الدنيا صحرا ومافيش حاجه تطلعك برا .

**Mohamed_Nafie** · 03-10-2012 05:54 PM

أنا اتصلت بتوكيل العبور وقال لي إن في اتوبيس خاص بالشركه بيتحرك من االتوكيل لحد بنزينة موبيل في صلاح سالم في اوقات معينه ... فـاعتقد إن المشكلة كده اتحلت إن شاء الله ..