المشاركة الأصلية كتبت بواسطة ahmedm_aly
استكمالاً لموضوع زيادة السعر باثر رجعى على الحجوزات قبل اكتوبر 2012 قمت بالاتصال بشركة نيسان على الرقم 16244 وطبعا بعد الحديث مع المندوبين ومن المندوب ده الى المندوب التانى انتهى الكلام ان دى سياسة شركة وان الاسعار بتتم على تاريخ تسليمات المصنع للوكلاء والعملاء وميهمش تاريخ الطلبيه كان امتى وان الوكلاء والعملاء كانوا عرفين بان السعر حيزيد والمفروض انهم كانوا يقولوا لميشترى للسيارة
طبعا الكلام ده مقتنعتش بيه
واتصلت بجهاز حماية المستهلك رقم 19588 وبعد الكلام بردوا مع المندوب انتهى الكلام على انى ابعت ليهم فاكس بايصال الحجز ومايفيد ان سعر العربيه فى وقت الحجز هو 100 الف جنية يعنى حتى لو اعلان فى الصحف
وطبعا ده مش موجود لان اللى بيحجز بيكتب ايصال بالمبلغ وانه من تحت حساب حجز سيارة نيسان ومش لاقى جريدة فيها الاعلان بان السعر 100 الف وحولت اقول ليهم ان ده السعر المعن وان الشركه نفسها بتقول انها رفعت السعر فى اكتوبر وباثر رجعى على الحجوزات قبل اكتوبر ايضا ولكن طبعا بدون ورق ملكش حق
ياريت اى حد عنده صورة اعلان يظهر فيه سعر السيارة يبعته
مهو لازم نقف امام جشع الشركة ونظهر ليها ان المصريين يعرفوا يطلبوا بحقهم كويس